Loading...
Шинэ SARS-COV-2 халдварын цар тахлын голомтонд ажилласан эмч мэргэжилтнүүдийн сэтгэцийн эрүүл мэндийн байдлын үнэлгээ
Зохиогч
Он
2020 оны нэгдүгээр сарын 1
Төрөл
journal article
Journal
Эрүүл мэндийн шинжлэх ухаан
Volume
17
Issue
1
Start Page
110
End Page
113
ISSN
2959-6947
Хураангуй
Үндэслэл: 2019 оны төгсгөл үеэс эхлэн дэлхий нийт шинэ SARS-CoV-2 халдварын цар тахалтай нүүр тулгараад байна. Энэ дэгдэлтийн үеэр эрүүл мэндийн ажилтнууд болон олон нийтийн дунд гэмтлийн дараах стрессийн эмгэг, сэтгэлийн түгшилт, сэтгэл гутрал зэрэг сэтгэцийн шинжүүд бүртгэгдсээр байгаа билээ. Энэхүү судалгааны зорилго нь шинэ SARS-CoV-2 халдварын цар тахлын голомтонд ажиллаж буй эрүүл мэндийн мэргэжилтнүүдийн дунд тохиолдож байгаа сэтгэцийн эрүүл мэндийн зарим асуудлуудыг илрүүлэхэд чиглэсэн болно. Материал, аргазүй: Энэхүү судалгааг тойм судалгааны агшингийн загвараар хийв. Бид тусгайлан боловсруулсан асуумжийг ашиглан нийт 369 эмч, мэргэжилтнийг хамруулан мэдээллийг цуглуулсан болно. Үр дүн: Судалгаанд 22-63 насны хүмүүс оролцсоноос 87 нь эрэгтэй, 282 нь эмэгтэй хүйсийнх, дундаж нас 37.9 ± 8.7 байв. Насны бүлгээр нь авч үзвэл 25-54 насныхан илүү олон байна. Нийт судалгаанд хамрагдагсдын 15% (n=56) нь халдвараас айж байгаа гэж үнэлсэн бөгөөд 19% (n=71) нь маш их айдастай гэж хариулжээ. Судалгаанд хамрагдагсдын 26.8% нь сэтгэлийн түгшүүртэй, 38.7% нь сэтгэл гутралд орсон байна. Сэтгэлийн түгшүүр, сэтгэлийн гутралтай оролцогсодын ихэнхи нь дундаас хүнд зэргийн түвшинд сэтгэлзүйн нөлөөлөл илэрч байгаа гэж үнэлжээ. Цаашилбал нийт судалгаанд хамрагдагсдын 80.5% (n=297) нь эмнэлгүүдэд ажилчдад зориулсан стресс менежментийн өрөө шаардлагатай гэж, 64.8% (n=239) нь сэтгэлзүйн тусламж шаардлагатай гэж мэдээлсэн байна. Дүгнэлт: SARS-COV-2 халдварын улмаас өвчтөнүүдтэй ажиллаж, тусгаарлагдсан өвчтөнүүдийн дунд эрүүл мэндийн ажилтнуудын 26.8% нь сэтгэлийн түгшүүртэй, 38.7% нь дунд зэрэгээс хүнд байдлаар сэтгэлээр унасан байлаа. Судалгаанд хамрагдагсдын 64.8%-80.5% нь эмнэлгүүдэд ажилчдад зориулсан сэтгэлзүйчийн тусламжтай стресс тайлах шаардлагатай байгаа хэмээн үзжээ.
Introduction: Since the end of 2019, the world was facing the COVID-19 pandemic with a novel coronavirus, SARSCoV-2. Psychiatric symptoms including posttraumatic stress disorder, anxiety, and depression both in health care workers and the public during this outbreak. The goal of this study was to identify some mental health problems among health professionals, are working with cases, and isolated patients due to SARS-CoV-2 outbreaks. Methods: A descriptive and cross-sectional research design was conducted. We used a semi-structured questionnaire and involved a total of 369 health care professionals. Results: The respondents were 22-63 years old, 87 males and 282 females, with an average age of 37.9±8.7. By age group, there are more subjects aged 25-54. Of the total respondents, 15% (n=56) rated they were afraid of infection, and 19% (n=71) rated they were very scared. 26.8% of the total respondents have anxiety, and 38.7% have depressed. The majority of the respondents with anxiety or depression rated the psychological impact as moderate-to-severe. Furthermore, 80.5% (n = 297) of the total respondents reported that hospitals need stress management rooms for employees, and 64.8% (n = 239) reported that there is necessary psychological care. Conclusion: Among health care workers, worked with cases and isolated patients due to SARS-COV-2 infections, 26.8% have anxiety, and 38.7% are depressed as moderate-to-severe. Furthermore, 64.8% -80.5% of the total respondents reported that hospitals need stress management rooms for employees, and necessary psychological care.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1471
Эшлэл
Б.Лувсанняндаг, Э.Мөнх, Д.Оюунсүрэн, З.Хишигсүрэн, Д.Наранзул, Э.Одмаа нар. Шинэ SARS-COV-2 халдварын цар тахлын голомтонд ажилласан эмч мэргэжилтнүүдийн сэтгэцийн эрүүл мэндийн байдлын үнэлгээ. Эрүүл мэндийн шинжлэх ухаан. 2020;17(1):110-113.