Loading...
Атопийн арьсны үрэвсэлтэй хүүхдүүдийн шинжлэгдэхүүнээс өсгөвөрлөгдсөн Candida albicans-ийн хоруу чанарын зарим хүчин зүйлийг тодорхойлсон дүн
Зохиогч
С.Тунамал
Ч.Эрдэнэчимэг
Я.Энхтөр
Б.Отгонжаргал
Он
2026 оны хоёрдугаар сарын 3
Төрөл
journal article
Journal
Эрүүл мэндийн шинжлэх ухаан
Volume
22
Issue
1
Start Page
20
End Page
24
ISSN
2959-6947
Хураангуй
Үндэслэл: Арьсны атопийн үрэвслийн үед арьсны хамгаалах чадвар алдагдан эмгэгжам, хүндрэлд хүрээлэн буй орчны тоосонцор, бохирдолд илүү өртөмхий болохоос гадна арьсны мөөгний халдвараар хүндэрдэг1. Хүүхдэд тохиолдох атопийн арьсны үрэвсэлт өвчний үед кандидийн төрлийн мөөгний зүйлүүд өвчнийг хүндрүүлж, эмчилгээг үр дүн муутай болгож байна.2 Кандидийн төрлийн мөөг нь арьс, салстад байршдаг түгээмэл нөхцөлт эмгэг төрүүлэгч ба 200 гаруй төрөл судлагдсан байна3. Үүнээс C.albicans, C.glabrata, C.parapsilosis, C.tropicalis, C.krusei зэрэг төрлүүд нь арьс, салст, амны хөндийд түгээмэл тохиолддог.4 Манай орны хувьд арьсны мөөгийг өсгөвөрлөн бодисын солилцооны идэвхи, хоруу чанарын хүчин зүйлийг тодорхойлсон судалгаа хомс байгаа нь бидний судалгааны үндэслэл боллоо. Зорилго: Атопийн арьсны үрэвсэлтэй хүүхдүүдийн шинжлэгдэхүүнээс өсгөвөрлөгдсөн Candida albicans-ийн хоруу чанарын зарим хүчин зүйлийг тодорхойлох. Зорилт: 1. Арьсны мөөгний биофильм үүсгэх идэвхийг тодорхойлох. 2. Арьсны мөөгний фосфолипазагийн идэвхийг тодорхойлох. Арга, аргачлал: Бид судалгаандаа атопийн арьсны үрэвсэлтэй хүүхдүүдийн шинжлэгдэхүүнд өсгөвөрлөгдсөн кандидийн төрлийн мөөгний омгуудыг судлаачийн зөвшөөрлөөр хэрэглэсэн. C.albicans-ийг Сабуро хлорамфениколтой хатуу тэжээлт орчинд (Sabouraud Chloramphenicol Agar) өсгөвөрлөн сэргээж Грамын будгаар будан микроскопт харж үнэлсэн. Биофильмийн идэвхийг тодорхойлохдоо бичил хавтангийн аргаар шөлөнд өсгөвөрлөн, гэрлийн шингээлт хэмжигчээр хэмжин, оптик нягтыг томъёонд ( Оптик нягтын босго хэмжээ = Сөрөг хяналтын дундаж утга + 3хСөрөг хяналтын стандарт хазайлт (Optical density cut-off value (ODc) = average OD of negative control + 3x standart deviation (SD) of negative control) орлуулан тооцоог хийсэн. Прайс нарын боловсруулсан аргаар өндөгний шартай тэжээлт орчин ашиглан фосфолипазагийн идэвх тодорхойлох шинжилгээг хийхдээ яооцооллыг энэхүү томъёо: 끫뢌 = 끫븖끫뢾 Sgjhgjghjghghjgf 끫뢢 = 2 ∗ 끫뢊 ашиглав. Үр дүн: Нийт өсгөвөрлөгдсөн тохиолдлуудын 54.1% (n=33) нь биофильмийн сул идэвхтэй (≤ODc/ODc < ~ ≤2xODc ) харин 32.8% (n=20) нь биофильм үүсгэх дундаж (2xODc < ~ ≤ 4xODc) идэвхитэй байсан бол биофильмийн идэвх хүчтэй үзүүлдэг (>4хODc) омог 13.1% (n=8)-ийг эзэлж байлаа. Фосфолипазын идэвхийн хувьд нийт омгийн 50% нь хүчтэй, 30% нь дундаж, 20% нь бага болон маш сул идэвхтэй омог байлаа. Дүгнэлт: 1. Эзэн эсэд наалдах чадвартай хоруу чанартай мөөгний омог атопын арьсны үрэвсэлийн хүндрэлд оролцож байна. 2. Атопын арьсны үрэвсэлд эзэн эсийг гэмтээж, инвазив болох үйл явцад оролцдог мөөгний омог агуулж буйг харуулж байна.
Background: In atopic dermatitis, impairment of the skin barrier function leads to increased susceptibility to environmental particles and pollutants, thereby contributing to disease pathogenesis and complications, as well as to an increased risk of fungal skin infections. In children with atopic dermatitis, infections caused by Candida species exacerbate the disease and reduce the effectiveness of treatment. Candida species are common opportunistic pathogens colonizing the skin and mucosal surfaces, and more than 200 species have been described. Among these, Candida albicans, C. glabrata, C. parapsilosis, C. tropicalis, and C. krusei are most frequently isolated from the skin, mucosa, and oral cavity. In Mongolia, studies culturing skin fungi and determining their metabolic activity and virulence factors are limited, which constituted the rationale for the present study. Aim: To determine virulence factors and selected biochemical activities of Candida species. Materials and Methods: In this study, Candida species strains cultured from clinical samples of children with atopic dermatitis were used with research approval. The fungal strains preserved at –80°C were revived by culturing on Sabouraud Chloramphenicol Agar and evaluated microscopically after Gram staining. Biofilm-forming activity was determined using the microtiter plate method, in which cultures were grown in broth, optical density was measured using a microplate reader, and values were calculated using a standard formula. Phospholipase activity was assessed using egg yolk agar according to the method developed by Price et al. Results: Of the total cultured isolates, 54.1% (n=33) demonstrated weak biofilm-forming activity (≤ODc / ODc < ~ ≤2×ODc), while 32.79% (n=20) showed moderate biofilm-forming activity (2×ODc < ~ ≤4×ODc). Isolates exhibiting strong biofilm-forming activity (>4×ODc) accounted for 13.1% (n =8) Regarding phospholipase activity, 50% of the isolates showed strong activity, 30% showed moderate activity, 10% showed low activity, and 10% exhibited very weak activity. Conclusions: 1. Virulent fungal strains capable of attaching to host cells are involved in the pathogenesis of atopic dermatitis. 2. Atopic dermatitis is shown to contain fungal strains that damage host cells and are involved in the process of invasion.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1568
Эшлэл
С.Тунамал, Ч.Эрдэнэчимэг, Я.Энхтөр, Б.Отгонжаргал. Атопийн арьсны үрэвсэлтэй хүүхдүүдийн шинжлэгдэхүүнээс өсгөвөрлөгдсөн Candida albicans-ийн хоруу чанарын зарим хүчин зүйлийг тодорхойлсон дүн. Эрүүл мэндийн шинжлэх ухаан. 2026;22(1):20-24.