Loading...
Монгол Улсын үндэсний шигшээ багийн халз тулааны тамирчдын лактатдегидрогеназа энзимийн идэвхийг тодорхойлсон дүн
Зохиогч
Р.Оюун-эрдэнэ
А.Оюундарь
М.Булган
С.Тулгаа
Ж.Мөнхцэцэг
Он
2026 оны хоёрдугаар сарын 3
Төрөл
journal article
Journal
Эрүүл мэндийн шинжлэх ухаан
Volume
22
Issue
1
Start Page
79
End Page
84
ISSN
2959-6947
Хураангуй
Үндэслэл: Өндөр зэрэглэлийн тамирчид нь үндэсний болон олон улсын хэмжээний спортын тэмцээнүүдэд оролцохын зэрэгцээ өндөр ачаалалтай, эрчимжсэн бэлтгэл сургуулилтыг тогтмол хийдэг. Иймээс цусан дахь биохимийн үзүүлэлтүүдийн өөрчлөлтийг тодорхойлох нь тамирчдын бие махбодын ачаалалд дасан зохицох чадварыг үнэлэхэд чухал ач холбогдолтой. Тамирчдын цусны сийвэн дэх лактатдегидрогеназа ферментийн идэвхийг тодорхойлох нь тамирчдын хувийн гүйцэтгэлийг оновчтой болгох, спортын гүйцэтгэлийг шинжлэх ухааны үндэслэлтэйгээр үнэлэх, улмаар бэлтгэл сургуулилтын төлөвлөлт, үр нөлөөг сайжруулахад чухал ач холбогдолтой. Гэсэн хэдий ч энэ чиглэлээр Монгол Улсад хийгдсэн судалгаа хомс байгаа нь энэхүү судалгааг хийх үндэслэл болж байна. Зорилго: Монгол Улсын Үндэсний Шигшээ багийн тамирчдын цусны сийвэнгийн лактатдегидрогеназа энзимийн идэвхийг судлах. Арга, аргачлал: Монголын Үндэсний Шигшээ багийн 6 спортын төрлийн 26 эрэгтэй, 25 эмэгтэй нийт 51 тамирчдыг хамруулан анаэроб исэлдэлтийг үнэлэхдээ ачаалал өгөхөд зориулагдсан эргометрийн дугуй (Monark 894E Ergomedic Peak Bike), цусны сийвэнгийн лактатдегидрогеназа энзимийн идэвхийг биохимийн бүрэн автомат анализатор (Biobase BK280), зүрхний цохилт, хүчилтөрөгчийн хэмжээг пульсоксиметр ашиглан тодорхойлов.Үр дүн: Судалгаанд оролцсон тамирчдын дундаж нас 24.04±4.15 жил, дундаж өндөр 168.0±8.78 см, дундаж жин 71.01±7.69 кг, БЖИ-ийн дундаж 24.82±4.12 кг/м2, дасгалын өмнө лактатдегидрогеназа энзимийн дундаж идэвх 177.1±28.96 ОУН/л, дасгалын дараа 223.5±51.56 ОУН/л, дасгалын өмнөх зүрхний цохилтын дундаж тоо 66.04±8.9, дасгалын дараах зүрхний цохилтын тоо 123.6±16.06, Vo2 95.18±2.48 байв. Дүгнэлт: Судалгаанд оролцсон тамирчдын дасгалын өмнө ба дараах лактатдегидрогеназа энзимийн идэвх 20-29 насны бүлэгт ялгаатай байв (p<0.01). Дасгалын өмнө ба дараах лактатдегидрогеназа энзимийн идэвхийг спортын төрлөөр харьцуулан судлахад чөлөөт бөх, жүдо бөхийн тамирчдад статистик ач холбогдол бүхий ялгаатай байна (p<0.01).
Background: Elite athletes regularly participate in national and international sporting competitions while simultaneously engaging in high-intensity and intensified training programs. Therefore, assessing changes in blood biochemical parameters is of considerable importance for evaluating athletes’ physiological adaptation to training loads. In particular, determining the activity of lactate dehydrogenase enzyme in athletes’ blood plasma provides a scientific basis for improving individual performance, evaluating sports performance, and enhancing the effectiveness of future training programs. Aim: To examine plasma lactate dehydrogenase enzyme activity in athletes of the Mongolian National Team. Materials and Methods: A total of 51 athletes, including 26 men and 25 women from 6 types of sports of the Mongolian National Team included in the study. Anaerobic capacity was assessed using a Monark 894E Ergomedic Peak Bike, designed to apply exercise load. Blood serum lactate level and lactate dehydrogenase enzyme activity were determined using a Biobase BK-280 fully automated biochemical analyzer. Heart rate, peripheral blood oxygen levels, and oxygen saturation were measured using a pulse oximeter. Results: The average age of the participating was 24.04±4.15 years, with average height of 168±8.78 cm and average weight of 71.01±7.69 kg. The average BMI was 24.82±4.12 kg/m². Pre-exercise lactate dehydrogenase enzyme activity averaged 177.1±28.96 U/L, while post-exercise lactate dehydrogenase activity averaged 223.5±51.56 U/L. The average heart rate before exercise was 66.04±8.9 bpm, while post-exercise heart rate was 123.6±16.06 bpm. The average VO2 max was 95.18±2.48. Conclusion: The activity of the enzyme lactate dehydrogenase before and after exercise showed significant differences in the age groups 20-29 (p<0.01). When comparing lactate dehydrogenase enzyme activity before and after exercise by sport, statistically significant increases were observed in freestyle wrestling and judo athletes (p<0.01).
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1578
Эшлэл
Р.Оюун-эрдэнэ, А.Оюундарь, М.Булган, С.Тулгаа, Ж.Мөнхцэцэг. Монгол Улсын үндэсний шигшээ багийн халз тулааны тамирчдын лактатдегидрогеназа энзимийн идэвхийг тодорхойлсон дүн. Эрүүл мэндийн шинжлэх ухаан. 2026;22(1):79-84.