Loading...
Тархины харвалтын улмаас нас барсан эмчлүүлэгчдэд тархины үхлийг урьдчилан таамаглах боломжийг судалсан үр дүн (Улсын Гуравдугаар Төв Эмнэлгийн жишээ дээр)
Зохиогч
С.Дунгар-Яйчил
Д.Батдолгор
С.Дэмбэрэлдорж
Н.Лхамцоо
Он
2026 оны хоёрдугаар сарын 3
Төрөл
journal article
Journal
Эрүүл мэндийн шинжлэх ухаан
Volume
22
Issue
1
Start Page
129
End Page
133
ISSN
2959-6947
Хураангуй
Үндэслэл: Тархины харвалт нь тархины үхэлд хүргэх тэргүүлэх шалтгааны нэгд тооцогддог. Тархины үхэл тодорхойлох нь олон ач холбогдолтойн дотор хамгийн чухал нь эмнэлзүйн эрхтэн шилжүүлэх үйл ажиллагаанд боломжит донор гаргах юм. Гэвч өнөөдрийг хүртэл дэлхий дахинд тархины үхлийг урьдчилан таамаглах шалгуур байхгүй, тархины харвалттай ялангуяа нэн цочмог үе дэх эмчлүүлэгчдийн дунд тархины үхлийг тодорхойлох үйлийн хожимдолд хүргэх эрсдэлийг дагуулсан хэвээр байгаа нь энэхүү судалгааны ажлын үндэслэл боллоо. Зорилго: Тархины харвалтын улмаас нас барсан тохиолдлуудад эрсдэлт хүчин зүйлс, эмнэлзүйн хүндийн зэрэг, суурь шинжилгээнүүдэд дүн шинжилгээ хийж тархины үхлийг урьдчилан таамаглах боломжийг судлах. Арга, аргачлал: Судалгааг Улсын гуравдугаар төв эмнэлэг (УГТЭ)-ийн Харвалтын тасагт 2018 онд тархины харвалтын улмаас нас барсан тохиолдлуудад проспектив ажиглалтын загвараар хийж, статистик боловсруулалтыг “SPSS-22.0” программыг ашиглан хийж гүйцэтгэв. Үр дүн: Судалгаанд тархины харвалт оношоор хэвтэн эмчлүүлсэн нийт 1056 тохиолдлоос нас барсан 138 (13.1%) тохиолдлыг хамруулсан. Эдгээр 138 тохиолдлын 90 нь тархины эдийн цус харвалт, 30 нь аалзавч доорх цус харвалт, 18 нь тархины цус тасалдах харвалт тус тус эзэлж, бүх насны бүлгээс 50-59 насанд хамгийн ихээр тохиолдож байлаа (р=0.006, p=0.049). Эмнэлэгт хэвтэх үед эмнэлзүйн хүндийн зэрэг КГҮээр ТЭЦХ-ын бүлэгт 4.58±2.43 оноо, ҮЭМХХҮ-ээр 31.54±7.23 оноотой байсан нь статистик ач холбогдолтой байв (р<0.05). Тархины үхлийг нөхцөлдүүлэх эрсдэлт хүчин зүйлс ТЭЦХ-ын бүлэгт хамгийн их буюу артерийн гипертензи 114, элэгний С вирусын халдвар 23 тохиолдолд тус тус хамгийн их бүртгэгдсэн байв (р<0.0001). Дүгнэлт: ТЭЦХ, эмнэлзүй, артерийн гипертензи болон элэгний архаг вирусын халдварын эрсдэлт хүчин зүйлс статистик ач холбогдолтой байгаа нь тархины үхлийн урьдчилан таамаглах шинжүүд байх боломжтойг илэрхийлж байна.
Background: Stroke is the leading cause of brain death. Determining brain death has many benefits, the most important of which is to provide organ donation. However, to date, there is no reliable predictive criterion for determining brain death in stroke. Aim: To study the possibility of predicting brain death by analyzing risk factors, clinical and baseline tests in cases of stroke-related death. Materials and Methods: A prospective observational study was conducted on stroke deaths in the Stroke Department of Third State Central Hospital from January 1 to December 31, 2018, and statistical analysis was performed using SPSS 22.0. Approval for the study was obtained from the Research Council of the Third State Central Hospital. Results: The study included 138 (13.1%) death cases out of 1056 cases hospitalized with a stroke. Of these 138 cases, 90 were intracerebral hemorrhagic stroke (ICH), 30 were subarachnoid stroke, and 18 were ischemic stroke. Death was primarily detected in the age of 50-59 in all study groups (p=0.006, p=0.049). The clinical severity was statistically significant (p<0.05) in the ICH group, with a GCS score of 4.58±2.43 and an NIHSS score of 31.54±7.227. Risk factors for brain death were most common in the ICH group, with arterial hypertension (114 cases) and HCV infection (23 cases) (p<0.0001, respectively). Conclusion: ICH, clinical severity, arterial hypertension, and chronic hepatitis B virus infection are predictive factors of brain death.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1587
Эшлэл
С.Дунгар-Яйчил, Д.Батдолгор, С.Дэмбэрэлдорж, Н.Лхамцоо. Тархины харвалтын улмаас нас барсан эмчлүүлэгчдэд тархины үхлийг урьдчилан таамаглах боломжийг судалсан үр дүн (Улсын Гуравдугаар Төв Эмнэлгийн жишээ дээр). Эрүүл мэндийн шинжлэх ухаан. 2026;22(1):129-133.