Loading...
Азооспермийн эрсдэлт хүчин зүйлсийг судалсан дүн
Зохиогч
Он
2026 оны гуравдугаар сарын 30
Төрөл
journal article
Journal
Эрүүл мэндийн шинжлэх ухаан
Volume
22
Issue
2
Start Page
5
End Page
9
ISSN
2959-6947
Хураангуй
Үндэслэл: Азоосперми нь эрэгтэй шалтгаант, хамгийн хүнд хэлбэрийн үргүйдэл ба нийт эрэгтэйчүүдийн 1 хувь, үргүйдэлтэй эрэгтэйчүүдийн 10-15 хувийг эзлэж байна. Тамхи, архины хэрэглээ, дааврын өөрчлөлттэй эмгэг, төмсөгний гэмтэл ба үрэвсэлт өвчин зэрэг нь азооспермийн эрсдэлт хүчин зүйл болж байгааг судлан тогтоосон байна. Зорилго: Азооспермийн шалтгаант үргүйдэл үүсэхэд нөлөөлөх зарим эрсдэлт хүчин зүйлийг судлах. Арга, аргачлал: Бид Монгол эрэгтэйчүүдэд азооспермийн хэлбэрийн үргүйдэл үүсгэж буй хүчин зүйлсийг судлан, эрсдлийг тооцох зорилгоор тохиолдол-хяналтын загвараар хийж гүйцэтгэлээ. Тохиолдлын бүлэгт 2019-2021 онд Улсын нэгдүгээр төв эмнэлэг ба “RMC” Үр шилжүүлэн суулгах үндэсний төвд азоосперми онош батлагдсан, хяналтын бүлэгт үрийн шингэний шинжилгээ хэвийн үйлчлүүлэгчдийг 1:2 харьцаагаар хамруулж, тусгайлан боловсруулсан асуумж ашиглан, эрсдэлт хүчин зүйлсийг илрүүлэн, тооцож судалсан. Үрийн шингэний шинжилгээг ДЭМБ-ын удирдамжийн дагуу хийж, үнэлэв. Үр дүн: Судалгаанд нийт 180 хүн хамрагдсанаас тохиолдлын бүлэгт азоосперми оноштой 57, хяналтын бүлэгт ДЭМБ-ын шалгуурын дагуу үрийн шингэний шинжилгээ хэвийн 123 хүн хамрагдсан. Дундаж нас 35.56±6.95 жил (хяналтын бүлэгт 35.80±7.79 жил, тохиолдлын бүлэгт 35.04±4.66 жил) байв. Судалгааны үр дүнгээс харахад нийгэм, эдийн засаг ба амьдралын хэв маягийн үзүүлэлт нь азосперми үүсэх эрсдэл болох нь батлагдаагүй. Харин эрэгтэйчүүдийн нөхөн үржихүйн эрхтний ямар нэг үрэвсэлт өвчнөөр өвчилсөн тохиолдолд азоосперми үүсэх эрсдэл 6.4 дахин (x2=22.87 p<0.01), гахайн хавдраар өвчилсөн бол эрсдэл 2.3 дахин (x2=6.43 p<0.01) нэмэгдэж байв. БЗХӨ, ялангуяа заг хүйтэн өвчнөөр өвчилсөн нь эрсдлийг 1.8 дахин (0.94 vs 3.18, p<0.05) нэмэгдүүлж байгаа нь тогтоогдсон. Дүгнэлт: Монгол эрэгтэйчүүдэд нийгэм, эдийн засгийн хүчин зүйлээс илүүтэй, эрэгтэйчүүдийн нөхөн үржихүйн эрхтний ямар нэг үрэвсэлт (p<0.01) ба бэлгийн замын халдварт өвчин (p<0.05) болон гахайн хавдраар өвчилсөн (p<0.01) байх нь азооспермийн шалтгаант үргүйдэл үүсэх эрсдэл болж байна.
Background: Azoospermia is the most severe form of male infertility, affecting approximately 1% of all men and 10–15% of infertile men. Previous studies have identified several risk factors, including smoking, alcohol consumption, hormonal disorders, testicular injury, and inflammatory diseases of the male reproductive system. Aim: To investigate selected risk factors associated with azoospermia-related infertility in Mongolian men. Materials and Methods: A case–control study was conducted to identify and estimate risk factors for azoospermia among Mongolian men. The case group included men diagnosed with azoospermia between 2019 and 2021 at the First Central Hospital of Mongolia and the “RMC” National Center for Assisted Reproduction. The control group consisted of men with normal semen parameters according to World Health Organization (WHO) guidelines, with a case-to-control ratio of 1:2. Data were collected using a structured questionnaire, and semen analysis was performed and evaluated in accordance with WHO standards. Results: A total of 180 participants were included, comprising 57 cases with azoospermia and 123 controls with normal semen analysis. The mean age was 35.56 ± 6.95 years (35.80 ± 7.79 in controls and 35.04±4.66 in cases). Socioeconomic and lifestyle factors were not significantly associated with azoospermia risk. However, a history of inflammatory diseases of the male reproductive system increased the risk by 6.4-fold (χ²=22.87, p<0.01). A history of mumps infection was associated with a 2.3-fold increased risk (χ²=6.43, p<0.01). Sexually transmitted infections, particularly gonorrhea, increased the risk by 1.8-fold (p<0.05). Conclusion: Among Mongolian men, inflammatory conditions of the male reproductive system, sexually transmitted infections, and a history of mumps are significant risk factors for azoospermia-related infertility, whereas socioeconomic factors appear to have no significant effect.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1612
Эшлэл
П.Мягмарсүрэн, Д.Жавхлантөгс, Д.Баян-Өндөр, М.Мөнхзол, Э.Одхүү. Азооспермийн эрсдэлт хүчин зүйлсийг судалсан дүн. Эрүүл мэндийн шинжлэх ухаан. 2026;22(2):5-9.