Loading...
Тархины эдийн цус харвалтыг хот болон орон нутгийн үйлчлүүлэгчдэд харьцуулсан дүн
Зохиогч
Он
2026 оны гуравдугаар сарын 30
Төрөл
journal article
Journal
Эрүүл мэндийн шинжлэх ухаан
Volume
22
Issue
2
Start Page
102
End Page
109
ISSN
2959-6947
Хураангуй
Үндэслэл: Тархины эдийн цус харвалт (ТЭЦХ) нь нас баралт, урт хугацааны хөдөлмөрийн чадвар алдалтад хүргэдэг тул тусламж үйлчилгээг цаг алдалгүй авахыг шаарддаг эмгэг юм. Зорилго: ТЭЦХын улмаас хотын болон орон нутгаас тээвэрлэгдэн ирсэн хэвтэн эмчлүүлэгчдийн эмнэлзүйн шинжүүдийг харьцуулан судлах. Арга, аргачлал: Судалгааг Улсын гуравдугаар төв эмнэлэгт ТЭЦХ оношоор 2022-2024 оны хооронд хэвтэж эмчлүүлсэн тохиолдлуудад аналитик нэг агшингийн загвараар хийж, статистик боловсруулалтыг “SPSS27.0” программыг ашиглан гүйцэтгэв. Үр дүн: Судалгаанд УГТЭ-т 2022-2024 оны хооронд тархины компьютерт томографи (КТ)-иар ТЭЦХ батлагдсанаас хойш 10 хоногийн доторх нийт 373 тохиолдол, үүнээс Улаанбаатар хотын 313, орон нутгаас тээвэрлэгдэн ирсэн 60 тохиолдлыг хамруулсан. Хотын бүлэгтэй харьцуулахад орон нутгийн бүлгийн эрэгтэйчүүд цөөн (45.0% vs 59.7%, p=0.034) байж, артерийн гипертензийн өгүүлэмж давамгайлсан (98.3% vs 90.1%, p=0.041), эмнэлэгт хэвтэх үед артерийн даралт бага (систолын даралт 159.7±34.7 мм.муб vs 179.0±32.9 мм муб, p<0.001; диастолын даралт 99.7±21.4 мм.муб vs 106.5±21.8 мм муб, p=0.026) байсан. Орон нутгийн бүлгийн тохиолдлууд хотын бүлэгтэй харьцуулбал эмнэлзүйн шинж илэрч эхэлснээс тус эмнэлэгт хэвтсэн хугацаа урт (12.1±17.9 цаг vs. 4.2±4.3 цаг, p=0.001) байсан. Олон хүчин зүйлсийн регрессийн шинжилгээгээр тооцоолон үзэхэд цусан хурааны эзлэхүүн (adjusted odds ratio [aOR] 0.92, p=0.047) болон эмнэлэгт хэвтэх үеийн ҮЭМХХҮ оноо (aOR 0.67, p<0.001) бага байх тусам тавилан сайн байх нь тогтоогдсон бол 03 сарын дараах нас баралт multivariate regression загвараар тооцоолж үзэхэд эмнэлэгт хэвтэх үеийн зөвхөн ҮЭМХХҮ оноо нь нас баралттай шууд хамааралтай цор ганц эрсдэлт хүчин зүйл байсан (aOR 1.14, p=0.005). Эсрэгээр нас баралт нь эмнэлэгт хэвтэх хугацаа болон орон нутгийн харьяаллаас хамааралгүй байсан. Дүгнэлт: ТЭЦХ-тай орон нутгаас тээвэрлэгдэн ирсэн эмчлүүлэгчдийн эмнэлзүйн үзүүлэлтүүд хотын эмчлүүлэгсдийнхээс ялгаагүй байна (AOR≈1, 95% CI: 1-ийг агуулсан, p>0.05).
Background: Non-traumatic intracerebral haemorrhage (ICH) is a neurological emergency, because it carries a burden of mortality and long-term disability worldwide. Aim: To compare urban and rural differences in hospitalisation due to ICH. Material and Methods: An analytical study was conducted among ICH cases admitted to the Third State Central Hospital between 2022 and 2024, and statistical analysis was performed using SPSS 27.0. Results: The study included 373 cases of acute ICH diagnosed by computed tomography between 2022 and 2024 at the Third State Central Hospital, of which n=313 were from Ulaanbaatar city, and n=60 were transported from the rural area. Compared to the urban group, the rural group had fewer males, but a history of arterial hypertension prevailed (98.3% vs 90.1%, p=0.041), and lower blood pressure at the time of hospitalisation (systolic pressure 159.7±34.7 mm Hg vs 179.0±32.9 mm Hg, p<0.001; diastolic pressure 99.7±21.4 mm Hg vs 106.5±21.8 mm Hg, p=0.026). Cases in the rural group had a longer hospital stay from the onset of clinical symptoms than those in the urban group (12.1±17.9 hours vs 4.2±4.3 hours, p=0.001). Multivariate regression analysis showed that lower hematoma volume (adjusted odds ratio [aOR] 0.92, p=0.047) and lower NIHSS score at hospital admission (aOR 0.67, p<0.001) were associated with better outcomes. However, multivariate regression analysis showed that hospital admission NIHSS score was the only risk factor directly associated with mortality after 3 months (aOR 1.14, p=0.005). Conclusion: Our study found that indicators for patients transported from rural areas with IHC were no different from those for patients in urban areas. On the contrary, mortality was independent of length of hospital stay and residency.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1630
Эшлэл
С.Дэмбэрэлдорж, П.Баярмаа, А.Товуудорж, Shin-Joe Yeh, Н.Лхамцоо. Тархины эдийн цус харвалтыг хот болон орон нутгийн үйлчлүүлэгчдэд харьцуулсан дүн. Эрүүл мэндийн шинжлэх ухаан. 2026;22(2):102-109.