Loading...
Цусны хавдартай эмчлүүлэгчдийн амьдралын чанарыг үнэлсэн нь
Зохиогч
Он
2026 оны гуравдугаар сарын 30
Төрөл
journal article
Journal
Эрүүл мэндийн шинжлэх ухаан
Volume
22
Issue
2
Start Page
155
End Page
158
ISSN
2959-6947
Хураангуй
Үндэслэл: Цусны хавдар нь цус төлжүүлэх эрхтэн тогтолцоог хамарсан хорт хавдрын бүлэг өвчин бөгөөд урт хугацааны эмчилгээ, олон төрлийн гаж нөлөөний улмаас эмчлүүлэгчдийн амьдралын чанарт сөргөөр нөлөөлөх нь элбэг байдаг. Иймээс эмчилгээний үр дүнг зөвхөн эмнэлзүйн үзүүлэлтээр бус амьдралын чанарын үнэлгээгээр тодорхойлох шаардлага нэмэгдэж байгаа нь энэхүү судалгааны үндэслэл боллоо. Зорилго: Цусны хавдартай эмчлүүлэгчдийн амьдралын чанарыг үнэлэх, ашигласан асуумжийн дотоод найдвартай байдлыг судлах. Арга, аргачлал: Судалгааг эмнэлэгт суурилсан аналитик агшингийн загвараар Улсын Нэгдүгээр Төв Эмнэлгийн Цусны эмгэг судлал, чөмөг шилжүүлэн суулгах төвийг түшиглэн 2020–2025 онд хийсэн. Судалгаанд нийт 118 эмчлүүлэгчийг магадлалт бус түүврийн аргаар хамруулсан. Амьдралын чанарыг үнэлэхдээ Hematological Malignancy Patient-Reported Outcome Measure (HM-PRO) болон EORTC QLQ-F17 асуумжийг ашиглаж, өгөгдлийг SPSS-28.0 программ ашиглан статистик боловсруулалт хийсэн. Үр дүн: Судалгаанд хамрагдсан эмчлүүлэгчдийн дундаж нас 52.9±1.2 байсан бөгөөд 53% нь эмэгтэй, 47% нь эрэгтэй байв. Оношийн хувьд 42% нь цочмог лейкеми, 42% нь лимфома, 16% нь түгмэл миелома байлаа. HM-PRO асуумжийн дотоод найдвартай байдлын индекс Cronbach›s Alpha =0.96 гарсан нь асуумжийн найдвартай байдлыг өндөр болохыг харуулсан. Эмчилгээний өмнөх амьдралын чанарын дундаж оноо 61.57 байсан бол эмчилгээний дараа 90.09 болж статистикийн ач холбогдол бүхий ялгаатайгаар (p<0.05) нэмэгдсэн нь эмчилгээний үр дүнд өвчний шинж тэмдэг буурч, амьдралын чанар сайжирсныг илэрхийлж байна. Дүгнэлт: Цусны хавдартай эмчлүүлэгчдийн амьдралын чанар нь эмчилгээний дараа мэдэгдэхүйц сайжирч байгаа нь тогтоогдлоо. Иймд эмчилгээний үр дүнг үнэлэхдээ амьдралын чанарын үнэлгээг эмнэлзүйн үзүүлэлттэй хамтатган ашиглах нь эмчлүүлэгч төвтэй тусламж үйлчилгээний чанарыг сайжруулахад чухал ач холбогдолтой болох нь тодорхойлогдлоо.
Background: Hematological malignancies are a group of cancers affecting the blood-forming organs and are often associated with long-term treatment and multiple adverse effects, which may negatively influence patients’ quality of life. Therefore, evaluating treatment outcomes should include not only clinical indicators but also the assessment of patients’ quality of life. Aim: To assess the quality of life of patients with hematological malignancies Materials and Methods: An institution-based analytical cross-sectional study was conducted at the Hematology and Bone Marrow Transplantation Center of the First Central Hospital of Mongolia between 2020 and June 2025. A total of 118 adult patients diagnosed with hematological malignancies were included using a non-probability sampling method. Quality of life was assessed using the Hematological Malignancy Patient-Reported Outcome Measure (HM-PRO) and the EORTC QLQ-F17 questionnaires. Statistical analysis was performed using SPSS version 28. Results: The mean age of participants was 52.9 years, with 53% females and 47% males. In terms of diagnosis, 42% had acute leukemia, 42% lymphoma, and 16% multiple myeloma. The internal consistency reliability of the HM-PRO questionnaire was high, with a Cronbach’s Alpha coefÏcient of 0.96. The mean quality of life score increased from 61.57 before treatment to 90.09 after treatment, showing a statistically significant improvement (p<0.05). This finding indicates that treatment reduced disease-related symptoms and improved patients’ quality of life. Conclusion: The quality of life of patients with hematological malignancies significantly improved after treatment. Therefore, assessment of quality of life should be integrated with clinical indicators when evaluating treatment outcomes and planning patient-centered healthcare services.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1640
Эшлэл
Т.Эрдэнэчимэг, Д.Мягмарцэрэн, А.Отгонбат. Цусны хавдартай эмчлүүлэгчдийн амьдралын чанарыг үнэлсэн нь. Эрүүл мэндийн шинжлэх ухаан. 2026;22(2):155-158.