Loading...
Төмөр дутагдлын цус багадалтын үед ретикулоцитын гемоглобиныг үнэлсэн дүн
Зохиогч
Он
2026 оны тавдугаар сарын 22
Төрөл
journal article
Journal
Эрүүл мэндийн шинжлэх ухаан
Volume
22
Issue
5
Start Page
181
End Page
185
ISSN
2959-6947
Хураангуй
Үндэслэл: Төмөр дутагдлын цус багадалт (ТДЦБ) нь дэлхий дахинд өргөн тархсан тэжээл дутагдлын эмгэг бөгөөд хүн амын ойролцоогоор 30% нь энэхүү эмгэгт өртдөг байна.5,6 Ретикулоцитын гемоглобин нь ретикулоцитэд агуулагдах гемоглобины хэмжээ бөгөөд улаан эсийн төлжилтийн процесст төмөр дутагдаж буй эсэхийг бодит хугацаанд тодорхойлдог үзүүлэлт юм.1-3 Ретикулоцитын гемоглобин нь төмрийн үзүүлэлтүүдтэй харьцуулахад үрэвсэл, халдварын үед өөрчлөгддөггүйгээрээ давуу талтай бөгөөд улаан эс дэх төмрийн нөөцийг илүү мэдрэгээр, бодитойгоор үнэлэх боломжийг олгодог байна. Эд дэх төмрийн нөөц буурч эхлэх үеэс төмөр дутагдлын эрт хугацаанд илрүүлэхэд ретикулоцитын гемоглобины(Ret-He)-г ашиглах нь ТДЦБыг эрт илрүүлэх, оношилгоо, эмчилгээний хяналтыг сайжруулахад чухал ач холбогдолтой юм.3,4,15 Манай улсад ретикулоцитын гемоглобиныг ТДЦБ-ийн эрт үеийн оношлогоо, эмчилгээний хяналтанд хэрэглэсэн судалгааны ажил хомс байгаа нь энэхүү судалгааг хийх үндэслэл боллоо. Зорилго: Төмөр дутагдлын цус багадалттай эмчлүүлэгчдийн ретикулоцитийн гемоглобин(Ret-He)-ы түвшинг тодорхойлж, цус багадалтын хүндийн зэргээр харьцуулан судлах. Арга, аргачлал: УНТЭ-ийн Цус судлалын амбулаториор үйлчлүүлсэн, захын цусны шинжилгээнд гипохромын, микроцитын цус багадалттай 100 үйлчлүүлэгчийг хамрууллаа. Судалгаанд оролцогчдын улаан эс, түүний нэмэлт үзүүлэлтүүд гемоглобин (HGB) болон ретикулоцитын гемоглобины (Ret-He) хамаарлыг өвчний хүндийн зэргээс хамаарч буй эсэхийг судлав. Үр дүнг STATA 14.0 программ ашиглан боловсруулав. Үр дүн: Бидний судалгаанд 18-81 насны 100 хүн хамрагдсан ба үүнээс 8% (8) нь эрэгтэй, 92% (92) эмэгтэй байв. Насны дундаж нь эрэгтэйд 52.8±22.6 жил, эмэгтэйд 43.7±16.0 жил байлаа. Цус багадалтын шалтгааныг судалж үзэхэд нийт тохиолдлын 68%-ийг умайн цус алдалт, 18%-ийг нь хоол боловсруулах замын эмгэг, 10%-ийг хавдар, 4%-ийг бусад шалтгаант эмгэгүүд эзэлж байв. Ретикулоцитын гемоглобин (RetHe)-ны дундаж эрэгтэйчүүдэд 16.15±2.66 пг, эмэгтэйчүүдэд 19.35±2.08 пг тодорхойлогдсон ба хүйсийн хувьд статистик ач холбогдол бүхий ялгаатай байв(p<0.05). Цусны улаан эс, гемоглобин, MCV, MCH болон Ret-He үзүүлэлтүүд цус багадалтын хүндийн зэрэг нэмэгдэх тусам буурч, бүлгүүдийн хооронд статистикийн ач холбогдол бүхий ялгаа илэрсэн (p=0.0001). Гемоглобины түвшин нь Ret-He-тэй статистикийн ач холбогдол бүхий эерэг хамааралтай байв. (p<0.001). Дүгнэлт: Төмөр дутагдлын цус багадалтын үед ретикулоцитын гемоглобины хэмжээ статистик ач холбогдол бүхий буурч, цусан дахь гемоглобины хэмжээтэй хүчтэй эерэг хамааралтай байв. Өвчний хүндийн зэрэг нэмэгдэх тусам Ret-He тасралтгүй буурч байгаа нь ясны чөмгөн дэх төмрийн хангамжийн алдагдлыг харуулж байна. Иймээс Ret-He нь төмрийн дутагдлыг эрт илрүүлэх, төмөр дутагдлын цус багадалтын эмчилгээний хяналтыг хийх, мөн өвчний хүндийн зэргийг үнэлэхэд ашиглагдах боломжтой эмнэлзүйн ач холбогдол бүхий үзүүлэлт гэж үзэж байна.
Background: Iron deficiency anemia (IDA) is one of the most common nutritional disorders worldwide, affecting approximately 30% of the global population. Reticulocyte hemoglobin (Ret-He) reflects the amount of hemoglobin in reticulocytes and provides a real-time indicator of iron availability during erythropoiesis. Unlike conventional iron parameters, Ret-He is less affected by inflammation and infection, making it a more sensitive and reliable marker of functional iron status. It enables early detection of iron deficiency from the initial stage of depleted iron stores and is therefore valuable for early diagnosis and treatment monitoring of IDA. However, studies on the clinical application of Ret-He for early diagnosis and follow-up of IDA remain limited in Mongolia, prompting the present study. Aim: To determine reticulocyte hemoglobin (Ret-He) levels in patients with iron deficiency anemia and to compare them across the severity of anemia. Materials and Methods: A total of 100 patients with hypochromic microcytic anemia who presented to the First Central Hospital were included in the study. The relationship between erythrocyte indices, including hemoglobin (HGB) and reticulocyte hemoglobin (Ret-He), was analyzed according to the severity of anemia. Data were analyzed using Stata version 14. Results: The study included 100 participants aged 18–81 years, of whom 8%(n=8) were male and 92%(n=92) were female. The mean age was 52.8±22.6 years in males and 43.7±16.08 years in females. The leading causes of anemia were uterine bleeding (68%), gastrointestinal disorders (18%), malignancies (10%), and other causes (4%). The mean Ret-He level was 16.15±2.66 pg in males and 19.35±2.08 pg in females, indicating a statistically significant sex difference (p<0.05). Red blood cell count, hemoglobin, MCV, MCH, and Ret-He all decreased progressively with increasing severity of anemia, with statistically significant differences between groups (p<0.0001). Hemoglobin levels showed a significant positive correlation with Ret-He (p<0.001). Conclusion: In iron deficiency anemia, reticulocyte hemoglobin levels are significantly reduced and correlate strongly and positively with hemoglobin. The progressive decline in Ret-He with increasing severity of anemia reflects impaired iron availability in the bone marrow. Therefore, Ret-He is a clinically valuable biomarker for early detection of iron deficiency, monitoring treatment response, and assessing anemia severity.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1707
Эшлэл
Г.Чинбат, П.Балжинням, А.Отгонбат, О.Пүрэвжал. Төмөр дутагдлын цус багадалтын үед ретикулоцитын гемоглобиныг үнэлсэн дүн. Эрүүл мэндийн шинжлэх ухаан. 2026;22(5):181-185.