Loading...
Хүний их эмч бэлтгэдэг блок сургалтын хөтөлбөрт багшийн заах арга зүй болон үнэлгээний үзүүлэх нөлөөг судалсан дүн
Зохиогч
Он
2026 оны тавдугаар сарын 22
Төрөл
journal article
Journal
Эрүүл мэндийн шинжлэх ухаан
Volume
22
Issue
5
Start Page
228
End Page
235
ISSN
2959-6947
Хураангуй
Үндэслэл: Дэлхийн хэмжээнд анагаахын боловсрол нь уламжлалт хичээлд суурилсан загвараас суралцагч төвтэй, үр дүнд суурилсан, интеграцчилсан сургалтын тогтолцоо руу шилжиж байна. Ийм хандлага нь мэдлэгийг салангид бус, уялдаа холбоотойгоор эзэмшүүлэх, эмнэлзүйн сэтгэлгээ болон бодит чадварыг хөгжүүлэхэд чиглэдэг. Монгол Улсад энэхүү чиг хандлагын хүрээнд АШУҮИС нь Хүний их эмч бэлтгэх зургаан блок бүхий интеграцчилсан сургалтын хөтөлбөрийг хэрэгжүүлж байгаа боловч багшийн заах арга зүй болон үнэлгээний тогтолцоо сургалтын үр дүнд хэрхэн нөлөөлж буйг цогцоор нь судалсан судалгаа хангалтгүй хэвээр байна. Зорилго: Хүний их эмч бэлтгэх блок сургалтын хөтөлбөрт суралцагсдын өгсөн үнэлгээнд тулгуурлан багшийн заах арга зүй болон үнэлгээний тогтолцооны сургалтын үр дүнд үзүүлэх нөлөөг тодорхойлох. Арга, аргачлал: Энэхүү судалгааг ретроспектив судалгааны загвараар 2023–2026 оны хооронд АШУҮИС-ийн АУС-ийн 3–6-р дамжааны нийт 1130 суралцагчийг хамруулан гүйцэтгэсэн. Давхаргачилсан санамсаргүй түүвэрлэлтийн аргаар бүрдүүлсэн түүвэр нь эх олонлогийн 66.8%-ийг төлөөлсөн. Өгөгдөл цуглуулахад Ликертийн 5 шатлалд суурилсан 185 асуулт бүхий бүтэцчилсэн асуумжийг ашигласан. Өгөгдлийг SPSS26.0 программаар боловсруулж, дескриптив статистик, Independent t-test, ANOVA, Tukey post-hoc, multiple regression шинжилгээг хийсэн. Хэмжилтийн найдвартай байдлыг Cronbach’s alpha (0.90–0.98)-аар үнэлсэн. Үр дүн: Суралцагсдын ерөнхий үнэлгээний дундаж 4.00±0.73 оноо байсан нь сургалтыг дунджаас дээгүүр түвшинд үнэлж байгааг харуулж байна. Дамжаа ахих тусам үнэлгээ буурах хандлага ажиглагдсан бөгөөд 6-р дамжааны суралцагсад хамгийн бага үнэлгээ өгсөн (M≈3.92). Блок 3 болон Блок 4-ийн хувьд дамжаа хоорондын ялгаа статистикийн хувьд ач холбогдолтой байсан (p<0.05) нь онолоос эмнэлзүйн дадлагад шилжих үе шатанд сургалтын уялдаа алдагдаж буйг илтгэнэ. Блок 5, 6-д дамжаа хоорондын ялгаа ажиглагдаагүй бөгөөд үнэлгээ харьцангуй өндөр, тогтвортой (M≈4.10-4.15) байсан. Регрессийн шинжилгээгээр багшийн заах арга зүй болон үнэлгээний үзүүлэлтүүд нь сургалтын үр дүнд статистикийн хувьд хүчтэй нөлөө үзүүлж байгаа нь тогтоогдсон (β=0.289-0.610). Загварын тайлбарлах чадвар өндөр байсан (R²=0.6680.774) нь сургалтын үр дүнгийн өөрчлөлтийн 67-77%-ийг эдгээр хүчин зүйлс тайлбарлаж байгааг илтгэнэ. Зарим загварт дисперсийн инфляцийн коэффициент (VIF) өндөр утга авсан нь хувьсагчид хоорондоо нягт уялдаатай байгааг харуулав. Дүгнэлт: Багшийн заах арга зүй болон үнэлгээний тогтолцоо нь сургалтын үр дүнд шийдвэрлэх нөлөө үзүүлдэг болох нь тогтоогдсон (R²=0.668–0.774). Суралцагсдын үнэлгээ дунджаас дээгүүр байсан ч дамжаа ахих тусам буурах хандлага ажиглагдсан нь шүүмжлэлт эргэцүүллийн үзэгдлийг илэрхийлж байгаа бол Блок 3, 4-д онолоос эмнэлзүйд шилжих үе шатны уялдаа хангалтгүй байгааг харуулж байна. Иймд сургалтын хөтөлбөрийг чадамжид суурилсан байдлаар хөгжүүлэх, заах арга зүй болон үнэлгээний тогтолцоог практик чадварт нийцүүлэн шинэчлэн сайжруулах нь зүйтэй гэж үзэж байна.
Background: Globally, medical education has been shifting from traditional discipline-based models toward studentcentered, outcome-based, and integrated curricula. The Mongolian National University of Medical Sciences (MNUMS) has implemented a six-block integrated curriculum; however, evidence on how teaching methodology and assessment practices influence student learning outcomes within this framework remains limited. Aim: To determine the effect of teaching methodology and assessment practices on student learning outcomes in a blockbased undergraduate medical curriculum. Materials and Methods: A retrospective study was conducted from January 2023 to January 2026 among 1,130 undergraduate medical students (years 3–6) at the School of Medicine, MNUMS. A stratified random sampling method was applied, representing 66.8% of the target population. Data were collected using a structured 185-item questionnaire based on a 5-point Likert scale. Statistical analyses included descriptive statistics, independent t-tests, one-way ANOVA with Tukey post-hoc tests, and multiple linear regression using SPSS version 26.0. Internal consistency was high (Cronbach’s α=0.90–0.98). Results: The overall mean evaluation score was 4.00±0.73. A decreasing trend in scores was observed with advancing academic years, with final-year students reporting the lowest scores (M≈3.92). Significant inter-year differences were found in Blocks 3 and 4 (p<0.05), suggesting a potential gap during the theory-to-clinical transition. Blocks 5 and 6 showed consistently high and stable scores (M≈4.10–4.15). Teaching methodology and assessment practices were strong predictors of learning outcomes (β=0.289–0.610), with regression models explaining 67–77% of the variance (R²=0.668– 0.774). Elevated VIF values indicated multicollinearity among predictors. Conclusion: Teaching methodology and assessment practices were found to be decisive determinants of learning outcomes within the integrated block curriculum (R²=0.668–0.774). Although overall student evaluations exceeded the mean threshold, a systematic decline observed across advancing academic years reflects the phenomenon of retrospective critical evaluation, while inter-year discrepancies in Blocks 3 and 4 indicate insufÏcient curricular coherence during the theory-to-clinical transition. Therefore, it is imperative to further develop the curriculum in a competency-based framework, and to reform both teaching methodology and assessment practices in alignment with clinical competence requirements.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1716
Эшлэл
А.Цолмонтуяа, М.Өсөхбаяр, Б.Туяажаргал, Б.Батхүү, П.Ариунзаяа, А.Аюурзана нар. Хүний их эмч бэлтгэдэг блок сургалтын хөтөлбөрт багшийн заах арга зүй болон үнэлгээний үзүүлэх нөлөөг судалсан дүн. Эрүүл мэндийн шинжлэх ухаан. 2026;22(5):228-235.