Loading...
Аутизмын хүрээний эмгэгтэй хүүхдүүдийн ABA эмчилгээний үр дүнгийн судалгаа
Зохиогч
Он
2026 оны есдүгээр сарын 15
Төрөл
journal article
Journal
Эрүүл мэндийн шинжлэх ухаан
Volume
22
Issue
6
Start Page
32
End Page
37
ISSN
2959-6947
Хураангуй
Үндэслэл: Аутизмын хүрээний эмгэг (АХЭ) нь нийгмийн харилцааны бэрхшээл, хязгаарлагдмал сонирхол эсвэл давтагдах зан үйлээр илэрдэг мэдрэлийн хөгжлийн эмгэг юм. АХЭ-тэй хүүхдийн эмчилгээний ахиц, үр дүнг богино хугацаанд үнэлэх нь цаашдын эмчилгээний төвлөгөөний зорилтыг тодорхойлох үндэс болдог. Зорилго: Өдөр тутмын хэрэглээний зан үйлийн шинжилгээнд суурилсан (Applied Behavior Analysis, ABA) эмчилгээний эхний 3 сарын үр дүнг аутизмын эмчилгээний үр дүнгийн үнэлгээний (ATEC) оноотой хамааралтай эсэхийг судлах. Арга, аргачлал: Бид судалгааг проспектив, ажиглалтын аргаар хийж АХЭ бүхий 21 хүүхдийг хамруулан асран хамгаалагчдаас 77 асуулт бүхий ATEC үнэлгээг эмчилгээ эхлэхийн өмнө болон 3 сарын дараа бөглүүлж авсан. Хэл яриа ба харилцаа, нийгмийн харилцаа, мэдрэхүй ба танин мэдэхүйн байдал, эрүүл мэнд, бие махбод ба зан үйл гэсэн ATEC-ийн дөрвөн дэд бүлгээр оноог тооцсон. Үр дүн: Оролцогчдын дундаж нас 5.51±1.45 жил, хүйсийн хувьд авч үзвэл76.19% (16) нь эрэгтэй хүүхэд байв. Суурь хүндрэлийн оноо (CGI-S) 4.71±0.72 байсан ба хүүхдүүд долоо хоногт дунджаар 10.00±1.38 цаг ABA эмчилгээнд хамрагдсан. Нийт ATEC үнэлгээний оноо 72.71±7.60-аас 67.14±7.81 болж буурч, дундаж өөрчлөлт -5.57±2.18 оноо буюу -7.66% байв (t=11.706, p<0.001, d=2.55). Хэл яриа, харилцаа -7.05%, нийгмийн харилцаа -6.96%, мэдрэхүй ба танин мэдэхүйн байдал -6.56% өөрчлөгдсөн. Хамгийн их харьцангуй өөрчлөлт эрүүл мэнд, бие махбод ба зан үйлийн хэсэгт ажиглагдсан (-1.90±1.14; -9.80%; p<0.001) ба үнэлгээний бүх дэд бүлэгт Wilcoxon signed-rank сорил p<0.001 байсан. Нийт 16 хүүхэд (76.19%) судалгааны урьдчилан таамагласан 5-аас илүү онооны буурах шалгуурт багтсан. Суурь CGI-S болон эмчилгээний өмнө, дараах ATEC онооны өөрчлөлтийн Pearson хамаарал r=0.466, p=0.033 байсан боловч Spearman шинжилгээнд статистикийн ач холбогдолгүй байв (ρ=0.349, p=0.121). Иймээс уг хамаарлыг тогтвортой таамаглагч гэж үзэх боломжгүй байв. Долоо хоногт ABA эмчилгээнд хамрагдсан цаг, ATEC-ийн онооны өөрчлөлттэй хамааралгүй (r=-0.183, p=0.427), мөн нас хамааралгүй нь тодорхойлогдов. (r=-0.043, p=0.855). Дүгнэлт: Хүүхдүүд ABA эмчилгээнд хамрагдсан хугацаанд ATEC-ийн бүх дэд бүлгүүдэд өөрчлөлт ажиглагдсан нь өөрчлөлтийг өдөр тутамд, богино хугацаанд шууд ажиглагдах боломжтойг илтгэж буй боловч хоёрхон хэмжилтийн цэгтэй тул өөрчлөлтийн хурд, дарааллыг тогтоох боломжгүй байв. Цаашид судалгааны түүврийг нэмэгдүүлэн бүлэгтэй, 6-12 сарын давтан үнэлгээтэй, бие даасан хөгжлийн болон клиник хэмжүүрүүдийг хавсарган хийх шаардлагатай байна.
Background: Autism spectrum disorder (ASD) is a neurodevelopmental disorder characterized by difÏculties in social interaction, restricted interests, and repetitive behaviors. Evaluating short-term treatment progress and outcomes in children with ASD is important for determining subsequent treatment goals. Aim: This study aimed to evaluate the outcomes during the first 3 months of applied behavior analysis (ABA)-based intervention using changes in Autism Treatment Evaluation Checklist (ATEC) scores. Materials and Methods: A prospective observational study was conducted among 21 children with ASD. Caregivers completed the 77-item ATEC before initiation of treatment and again after 3 months. Scores were calculated for four ATEC domains: Speech/Language/Communication, Sociability, Sensory/Cognitive Awareness, and Health/Physical/Behavior. Results: The mean age of participants was 5.51±1.45 years, and 16 children (76.19%) were male. Mean baseline Clinical Global Impressions–Severity (CGI-S) score was 4.71±0.72, and participants received a mean of 10.00±1.38 hours of ABA-based intervention per week. Mean total ATEC score decreased from 72.71±7.60 at baseline to 67.14±7.81 after 3 months, corresponding to a mean change of -5.57±2.18 points (-7.66%; t=11.706, p<0.001, d=2.55). Speech/Language/ Communication decreased by 7.05%, Sociability by 6.96%, and Sensory/Cognitive Awareness by 6.56%. The largest relative change was observed in the Health/Physical/Behavior domain (-1.90±1.14; -9.80%; p<0.001). Wilcoxon signedrank tests were significant across all ATEC domains (p<0.001). Sixteen children (76.19%) met the study-defined criterion of more than a 5-point reduction. Baseline CGI-S was correlated with pre-post ATEC change using Pearson correlation (r=0.466, p=0.033), whereas the corresponding Spearman analysis was not statistically significant (ρ=0.349, p=0.121); therefore, this association could not be considered a robust predictor. Weekly ABA treatment hours were not significantly associated with ATEC change (r=-0.183, p=0.427), and age was also not associated with change (r=-0.043, p=0.855). Conclusion: Changes across all ATEC domains were observed during the period in which children received ABA-based intervention, suggesting that some treatment-related changes may be detectable over a relatively short period in everyday settings. However, because only two assessment points were available, the rate and sequence of change could not be determined. Future studies should include larger samples, a comparison group, repeated assessments over 6–12 months, and independent developmental and clinical outcome measures.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1742
Эшлэл
Б.Баасандорж, Э.Хонгорзул, З.Хишигсүрэн. Аутизмын хүрээний эмгэгтэй хүүхдүүдийн ABA эмчилгээний үр дүнгийн судалгаа. Эрүүл мэндийн шинжлэх ухаан. 2026;22(6):32-37.