Loading...
Монгол улсын эх баригчдын эх барихын тусламж үйлчилгээний ажил үүргийн зарим байдлыг судалсан дүн
Зохиогч
Х.Цэцэгсүрэн
Икемото Мэгүми
Д.Мөнхцэцэг
Д.Энхтуяа
Ч.Бурмаа
Д.Уламбаяр
У.Наранцэцэг
Д.Дондогмаа
Казуки Мияазаки
Он
2026 оны есдүгээр сарын 15
Төрөл
journal article
Journal
Эрүүл мэндийн шинжлэх ухаан
Volume
22
Issue
6
Start Page
66
End Page
71
ISSN
2959-6947
Хураангуй
Үндэслэл: Эх баригч мэргэжилтэн эхийн, нярайн, нөхөн үржихүйн болон бэлгийн эрүүл мэндийн нэн шаардлагатай тусламжийг үзүүлж, амь насыг авардаг. Манай улсад 2017 онд Эрүүл мэндийн сайдын А/216 тушаалаар Олон улсын эх баригчдын холбооноос гаргасан үндсэн чадамжийг үндэслэн эх баригчдын ажлын байрны тодорхойлолтыг шинэчилж баталсан. Иймээс шинэчилсэн ажлын байрны тодорхойлолтод багтсан ажил үүргийг эх баригчид хэр зэрэг гүйцэтгэж байгааг судлах шаардлагатай байна. Зорилго: Эх баригч мэргэжилтний ажлын байрны тодорхойлолтыг шинэчилэн баталснаас таван жилийн дараах мэргэжлийн үүрэг, гүйцэтгэлийн байдлыг үнэлэхэд оршино. Арга аргачлал: Судалгаанд Монгол улсын хэмжээнд эх барихын тусламж үйлчилгээний бүх шатлалд ажиллаж байгаа нийт 1119 эх баригчийг хамруулан шаардлага хангасан 589 оролцогчдын мэдээлэлд статистик боловсруулалтыг хийлээ. Ажлын байрны тодорхойлолтод тусгагдсан эх барихуйн тусламж үйлчилгээ, ур чадварын талаарх зөвлөх бүлгийн хянаж боловсруулсан 3 бүлэг асуулгыг ашиглаж, асуултуудыг Ликертийн шатлалаар үнэлсэн. Судалгааны арга аргачлалыг Сувилахуйн сургуулийн Эрдмийн зөвлөлөөр хэлэлцүүлж (22/07-b протокол), АШУҮИС-ийн Судалгааны ёс зүйн хяналтын хорооны болон Эрүүл мэндийн яамны зөвшөөрөлтэйгээр гүйцэтгэсэн. Үр дүн: Судалгаанд оролцогчдын 62.3% бакалаврын, 34.3% мэргэжлийн зэрэгтэй, 93.5% эх баригчийн албан тушаалд эрүүл мэндийн тусламж үйлчилгээний бүх шатлалд ажиллаж, 73.4% ажлын байрны тодорхойлолтод заасан үүргийнхээ дагуу ажилладаг боловч 21.9% үндсэн үүргийнхээ дагуу ажиллаж чадахгүй байгаа; 56% ажлын байранд үүргээ гүйцэтгэхэд зарим бэрхшээл тулгардаг гэж үзсэн. Ажлын байрны тодорхойлолтод дурдсан жирэмсний тусламж үйлчилгээний хүрээнд 71.4% нь хэвийн, эрсдэл багатай жирэмсэн эмэгтэйчүүдийг удирдамжын дагуу хянаж, зөвлөгөө өгөх үйл ажиллагааг ихэнхдээ хийж гүйцэтгэдэг (дундаж 3.07± 0.96); төрөлт, төрсний дараах үеийн тусламжийг хааяа (дундаж 2.70±1.10) буюу тогтмол хийдэггүй, нөхөн үржихүйн эрүүл мэнд, гэр бүл төлөвлөлтийн үйлчилгээ болон эх барихын яаралтай тусламжийн оролцооны дундаж үнэлгээ тус тус 2.32±1.120, 2.40±0.040 буюу хааяа үзүүлдэг байна. Мэргэжлийн ур чадварын өөрийн үнэлгээгээр жирэмсэн үеийн тусламж үзүүлэх чадварын дундаж 3.10±0.038 буюу хангалттай, төрөлт, төрсний дараах үеийн тусламжийн чадвар 2.83±0.037 буюу дундаас дээш; эх барихын яаралтай тусламжийн ба нөхөн үржихүйн эрүүл мэнд, гэр бүл төлөвлөлтийн тусламж үзүүлэх чадвар тус тус 2.77± 0.84, 2.57±0.890 дунд зэрэг гэж үнэлсэн байна. Дүгнэлт: Эрүүл мэндийн салбарын бүхий л түвшинд ажиллаж байгаа эх баригч мэргэжилтнүүдийн боловсрол, мэргэжлийн түвшин сайжирсан үзүүлэлттэй байна. Эх баригчид ажлын байрны тодорхойлолтод дурдсан жирэмсэн үеийн тусламжинд ихэнхдээ; төрөлт, төрсний дараах болон нөхөн үржихүйн эрүүл мэнд, гэр бүл төлөвлөлтийн, эх барихын яаралтай тусламжийн ажил үүргийг хааяа үзүүлж байна. Эх баригчдын мэргэжлийн ур чадварын өөрийн үнэлгээгээр багаар ажиллах, жирэмсэн үеийн тусламж үзүүлэх чадвар хангалттай, төрөлт, төрсний дараах үеийн тусламжийн чадвар дундаас дээш; эх барихын яаралтай тусламжийн ба нөхөн үржихүйн эрүүл мэнд, гэр бүл төлөвлөлтийн тусламж үзүүлэх чадвар дунд түвшинд байна. Эх баригч мэргэжилтний мэргэжлийн зарим үйл ажиллагааны оролцоог сайжруулах шаардлагатай байна.
Background: Midwives provide essential maternal, neonatal, reproductive and sexual health care and save lives. In our country, in 2017, the job description of midwives was revised and approved by the Minister of Health in accordance with the core competencies established by the International Federation of Midwives by Order A/216. Therefore, it is necessary to study the extent to which midwives are performing the duties included in the revised job description. Aim: To assess of the professional role and performance of midwives in Mongolia five years after the updated midwifery job description was declared. Material and Methods: There were 1119 midwives working at all levels of the facilities national wide, and 589 respondents were analyzed. Data were collected using a questionnaire, which was developed with input from an obstetrics and midwifery care advisory group, and was distributed online through Google Forms. We developed a questionnaire on the daily professional roles and performances of midwifery services and skills that were part of the job description of midwives in Mongolia. The questionnaire consisted of three parts and were scored based on a Likert scale. This study was approved by the research ethics committee of the School of Nursing (protocol №22/07-b), Mongolian National University of Medical Sciences (MNUMS), and Ministry of Health. Results: 62.3% of the participants had a bachelor’s degree, 34.3% had a professional degree, 93.5% worked as midwives at all levels of health care, 73.4% worked according to their job description, but 21.9% were unable to work according to their main duties; 56% considered that they faced some difÏculties in performing their duties at work. Within the scope of maternity care services mentioned in the job description, 71.4% of them often provide monitoring and counseling to normal, low-risk pregnant women according to guidelines (mean 3.07± 0.96); childbirth and postpartum care are occasionally (mean 2.70±1.10) or not regularly provided; and the average ratings of reproductive health, family planning services, and emergency obstetric care interventions are 2.32±1.120 and 2.40±0.040, respectively. According to self-assessment of professional skills, the average score for the ability to provide care during pregnancy was 3.10±0.038, which is sufÏcient; the ability to provide care during childbirth and postpartum was 2.83±0.037, which is above average; and the ability to provide emergency obstetric care and reproductive health and family planning care was 2.77±0.84 and 2.57±0.890, which is moderate, respectively. Conclusion: The education and professional level of midwives working at all levels of the health sector has improved. While midwives frequently provide the pregnancy care outlined in their job descriptions, they only occasionally perform duties related to childbirth, postpartum and reproductive health, family planning, and obstetric emergency care. According to their self-assessments, midwives demonstrate sufÏcient competence in teamwork and pregnancy care; above-average competence in childbirth and postpartum care; and moderate competence in obstetric emergency care, reproductive health, and family planning services.There is a need to improve the involvement of midwives in certain professional activities.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1748
Эшлэл
Х.Цэцэгсүрэн, Икемото Мэгүми, Д.Мөнхцэцэг, Д.Энхтуяа, У.Нямдаваа, Ч.Бурмаа нар. Монгол улсын эх баригчдын эх барихын тусламж үйлчилгээний ажил үүргийн зарим байдлыг судалсан дүн. Эрүүл мэндийн шинжлэх ухаан. 2026;22(6):66-71.