Loading...
Энхийг сахиулах ажиллагаанд оролцогчдын нийгэм сэтгэцийн эрүүл мэндийн зарим асуудлыг судалсан нь
Зохиогч
Он
2026 оны есдүгээр сарын 15
Төрөл
journal article
Journal
Эрүүл мэндийн шинжлэх ухаан
Volume
22
Issue
6
Start Page
200
End Page
204
ISSN
2959-6947
Хураангуй
Үндэслэл: Энхийг сахиулах ажиллагаа (ЭСА) нь цэргийн алба хаагчдаас мэргэжлийн өндөр ур чадвараас гадна бие бялдар, нийгэм-сэтгэл зүйн асар их тэсвэр хатуужлыг шаарддаг онцлогтойг судлаачид тогтоосон байна. Алба хаагчдын сэтгэцийн эрүүл мэндийн тулгамдсан асуудал, тэр дундаа тулааны үеийн стресст нөлөөлөх эрсдэлт хүчин зүйлсийг иж бүрэн тодорхойлох нь цэргийн багийн байлдааны чадварыг хамгаалахад чухал ач холбогдолтой нь энэхүү судалгааг хийх үндэслэл боллоо. Зорилго: ЭСА-ийн өмнөх бэлтгэл шат болон ажиллагааны явцад алба хаагчдын нийгэм, сэтгэцийн эрүүл мэндэд гарч буй өөрчлөлт, хувь хүний зан төлөв болон тулааны стресст нөлөөлөх хүчин зүйлсийг тодорхойлох. Арга, аргачлал: Бид энэхүү судалгааг проспектив хяналтын загвараар ажиллагааны өмнөх бэлтгэл үе болон БНӨСУ-д үүрэг гүйцэтгэсэн үе гэсэн хоёр шатанд хуваан хийж гүйцэтгэв. Судалгааны хоёр шатанд бүрэн хамрагдсан 283 албан хаагчийн өгөгдлийг SPSS-26.0 программ ашиглан McNemar, Хи-квадрат, Пирсоны корреляци болон олон хүчин зүйлийн логистик регрессийн шинжилгээгээр боловсруулсан. Үр дүн: Судалгаанд оролцогчдын 92.9% нь эрэгтэй, дундаж нас нь 28.9±5.8 жил байв. Ажиллагааны явцад неврозын шинж (33.9%), танин мэдэхүйн бууралт (15.9%), нойрны хямрал (15.2%) зонхилон илэрсэн ба эмэгтэй алба хаагчдын дунд невроз, нойрны хямрал, сэтгэл түгшилт статистик ач холбогдол бүхий өндөр байв (p<0.05). Олон хүчин зүйлийн логистик регрессийн шинжилгээгээр Гэмтлийн дараах стрессийн эмгэг (ГДСЭ) илэрсэн алба хаагчдын тулааны стресст өртөх эрсдэл 4.22 дахин (aOR=4.22, 95% ИХ: 1.36-13.16, p=0.013), урьд нь хүчтэй стресст өртөж байсан түүхтэй алба хаагчдынх 2.68 дахин (aOR=2.68, 95% ИХ: 1.01-7.11, p=0.048) тус тус их байгаа нь тодорхойлогдлоо. Дүгнэлт: 1. Энхийг сахиулах ажиллагааны явцад анх удаа оролцогчдод тухайн үеийн сэтгэл түгшилт (83.3%; p<0.01) давамгайлсан бол давтан оролцогчдод хуримтлагдсан стрессээс шалтгаалан Невротизм (42.8%), нойрны архаг хямрал (20.7%) болон архины эрсдэлтэй хэрэглээ (15.9%; p<0.01) өндөр байв. Невроз (β=0.22) болон ЭСА-нд оролцсон давтамж нь (β=0.19) нойрны хямралыг гүнзгийрэхэд голлох нөлөөтэй бие даасан хүчин зүйлс болох нь (р<0.001) тогтоогдлоо. 2. Үүрэг гүйцэтгэгчдийн тулааны стресст өртөх эрсдэлийг бие даан нэмэгдүүлэгч гол хүчин зүйлс нь тэдний өмнө нь амьдралдаа туулж байсан хүчтэй стрессийн түүх (aOR=2.68, p=0.048) болон Гэмтлийн дараах стрессийн эмгэг (ГДСЭ)ийн суурь илрэл (aOR=4.22, p=0.013) болох нь логистик регрессийн шинжилгээгээр батлагдсан болно.
Background: Peacekeeping operations (PKOs) demand not only high professional expertise but also immense physical and psychosocial endurance from military personnel. Comprehensively identifying the psychological health challenges and specific risk factors influencing combat stress is of paramount practical significance for maintaining unit combat readiness. Aim: This study aims to evaluate the changes in psychosocial health, personality traits, and underlying risk factors for combat stress among personnel during pre-deployment and active deployment phases. Materials and Methods: A prospective, two-phase longitudinal study was conducted during the pre-deployment training and the subsequent 6-month deployment in UNMISS, South Sudan. Data from 283 personnel who fully completed both phases were analyzed using SPSS via McNemar, Chi-square, Pearson correlation, and multivariable logistic regression. Results: Participants were predominantly male (92.9%) with a mean age of 28.9±5.8 years. During deployment, neurotic symptoms (33.9%), cognitive decline (15.9%), and sleep disturbances (15.2%) were highly prevalent. Female personnel demonstrated statistically significantly higher rates of neurosis, sleep disorders, and anxiety (p<0.05). Multivariable logistic regression analysis revealed that the presence of Post-Traumatic Stress Disorder (PTSD) symptoms significantly increased the risk of developing combat stress by 4.22 times (aOR=4.22, 95% CI: 1.36-13.16, p=0.013). Furthermore, a prior history of exposure to severe life stressors increased the odds of combat stress by 2.68 times (aOR=2.68, 95% CI: 1.01-7.11, p=0.048). Conclusions: 1. During peacekeeping operations, service members most frequently encounter environmental and domestic challenges related to health, animals, and insects (44.2–44.5%). Furthermore, high rates of anxiety symptoms (>72.0%) and neurotic symptoms (33.9%, significantly higher in women, p<0.05) were reported. Consequently, personnel highly prioritize psychological resilience (59.0%) and teamwork skills (57.6%) in real-world deployment settings. 2. Logistic regression analysis demonstrated that the primary independent predictors increasing service members’ risk of exposure to combat stress are a personal history of severe life stressors (aOR = 2.68, p=0.048) and the presence of post-traumatic stress disorder (PTSD) symptoms (aOR = 4.22, p=0.013).
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1771
Эшлэл
Н.Өлзийхутаг, Д.Оюунсүрэн, З.Хишигсүрэн. Энхийг сахиулах ажиллагаанд оролцогчдын нийгэм сэтгэцийн эрүүл мэндийн зарим асуудлыг судалсан нь. Эрүүл мэндийн шинжлэх ухаан. 2026;22(6):200-204.