Loading...
Мансууруулах бодистой холбоотой асуудлын улмаас ял эдэлж буй хоригдогсдын дундах БЗДХ-ыг илрүүлэх түргэвчилсэн шинжилгээний зарим үр дүн
Зохиогч
Он
2026 оны дөрөвдүгээр сарын 28
Төрөл
journal article
Journal
Эрүүл мэндийн шинжлэх ухаан
Volume
22
Issue
4
Start Page
49
End Page
53
ISSN
2959-6947
Хураангуй
Үндэслэл: Мансууруулах бодисын хэрэглээ нь бэлгийн замаар дамжих халдвар, ялангуяа тэмбүү, ХДХВ-ийн халдварт өртөх эрсдэлтэй нягт холбоотой нийгмийн эрүүл мэндийн тулгамдсан асуудал юм. Мансууруулах бодистой холбоотой асуудлын улмаас хорих ангид ял эдэлж буй хүмүүс нь бэлгийн эрсдэлт зан үйл, олон төрлийн бодисын хэрэглээ, эрүүл мэндийн үйлчилгээний хязгаарлагдмал байдлаас шалтгаалан БЗДХ-ын эрсдэл өндөр бүлэгт хамаардаг. Зорилго: Мансууруулах бодистой холбоотой асуудлын улмаас хорих ангид ял эдэлж буй хоригдогсдын дундах мансууруулах бодисын хэрэглээний байдал, БЗДХ-ыг илрүүлэх түргэвчилсэн шинжилгээний үр дүнг тогтооход оршино. Арга, аргачлал: Судалгааг агшингийн аналитик загвараар хийж, 105 хоригдлыг хамруулав. Судалгааг судалгааны багийн боловсруулсан асуумж болон БЗДХ-ыг илрүүлэх түргэвчилсэн оношлуурыг ашиглан судалгааны мэдээлэл цуглуулсан. Өгөгдлийг Microsoft Excel болон SPSS 23 программд боловсруулж, давтамж, хувь, дундаж, стандарт хазайлт, χ² болон Fisher-ийн exact тестийг ашиглан шинжилсэн, p<0.05-ыг статистикийн ач холбогдолтойд тооцлоо. Үр дүн: Судалгаанд хамрагдсан хоригдлуудын дундаж нас 29.1±8.4 жил, 78.1% нь эрэгтэй, 55.2% нь 25–34 насныхан байв. Оролцогчдын 16.2% нь өмнө нь БЗДХ-т өвчнөөр өвдөж байсан, 19.0% нь сүүлийн 12 сард БЗДХ-ын шинж тэмдэг илэрсэн, 39.0% нь сүүлийн 12 сард БЗДХын шинжилгээ өгсөн, 45.7% нь ял эдэлж байх хугацаандаа БЗДХ-ын шинжилгээнд хамрагдсан, 79.0% нь БЗДХ-ын талаарх сургалтанд хамрагдсан байлаа. БЗДХ-ыг илрүүлэх түргэвчилсэн шинжилгээнд хамрагдагсдын 81 оролцогчийн хариу хүчинтэй байснаас 27 тохиолдолд эерэг байгаа нь 33.3%-тийг эзэлж байв. Мансууруулах бодисыг нэгээс дээш аргаар хэрэглэдэг хүмүүсийн бүлэгт тэмбүүгийн түргэвчилсэн шинжилгээ эерэг байх хувь 41.4% байсан нь нэг аргаар хэрэглэдэг бүлгийн (13.0%)-хээс статистикийн ач холбогдолтой өндөр байв (p=0.018). Мөн өмнө нь БЗДХ-аар өвдөж байсан түүхтэй оролцогчдын 70.0%-д тэмбүүгийн түргэвчилсэн шинжилгээ эерэг гарсан нь БЗДХ-ын түүхгүй бүлгээс 26.6%-иар статистикийн ач холбогдолтой өндөр байлаа (p=0.011). Харин хүйс, нас, боловсрол, гэрлэлтийн байдал, орлогын байдал, тариур хэрэглэх болон сүүлийн 12 сард БЗДХ-ын шинж тэмдэг илэрсэн байдалтай статистикийн ач холбогдол бүхий үзүүлэлт илрээгүй. Дүгнэлт: Мансууруулах бодистой холбоотой асуудлын улмаас хорих ангид ял эдэлж буй хоригдлуудын дунд БЗДХ-ын илрүүлгийг тогтмол хийх, олон төрлийн мансууруулах бодис, олн аргаар хэрэглэгчид болон өмнө нь БЗДХ-аар өвдөж байсан түүхтэй хүмүүст чиглэсэн эрт илрүүлэг, зөвлөгөө, эмчилгээг сайжруулах шаардлагатай байна.
Background: Drug use is closely associated with sexually transmitted infections, especially syphilis and HIV, through unsafe sexual practices, multiple partners, and high-risk patterns of substance use. Prisoners with a history of drug use represent a particularly vulnerable subgroup. Aim: This study aimed to determine the prevalence of rapid syphilis test positivity and selected associated factors among incarcerated people who use drugs. Materials and Methods:A cross-sectional analytic study was conducted among 105 prisoners. Data were collected using a structured questionnaire and a finger-prick rapid dual test. Descriptive statistics, chi-square tests, and Fisher exact tests were used, with p<0.05 considered statistically significant. Results: The mean age of participants was 29.1±8.4 years; 78.1% were male. A history of STI was reported by 16.2%, STI-related symptoms during the last 12 months by 19.0%, STI testing during the last 12 months by 39.0%, and STI testing while incarcerated by 45.7%. However, 79.0% had received STI-related education or information. Among 81 participants with valid rapid syphilis test results, 27 were positive, giving a prevalence of 33.3%. Syphilis positivity was significantly higher among those using more than one route of drug administration (41.4% vs 13.0%, p=0.018) and among those with a prior STI history (70.0% vs 26.6%, p=0.011). No significant associations were found with sex, age, education, marital status, cohabitation, income, syringe use, recent STI symptoms, casual sex before arrest, or overall sexual risk behavior. Conclusion: These findings suggest that targeted syphilis screening, counseling, and linkage to confirmatory testing and treatment should be strengthened among incarcerated people who use drugs, particularly those with multi-route drug use and a previous STI history.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/14
Эшлэл
Э.Минжмаа, Н.Билгүүн, Д.Оюунсүрэн, Х.Тэргэл, Ж.Даваалхам, З.Хишигсүрэн. Мансууруулах бодистой холбоотой асуудлын улмаас ял эдэлж буй хоригдогсдын дундах БЗДХ-ыг илрүүлэх түргэвчилсэн шинжилгээний зарим үр дүн. Эрүүл мэндийн шинжлэх ухаан. 2026;22(4):49-53.