Loading...
Монгол хүүхдийн үсний эдэд агуулагдах цайрын хэмжээ ба арьсны харшил, атопийн дерматит хоорондын хамаарлыг судалсан нь
Зохиогч
Д.Тодням
Д.Оюунчимэг
М.Туул
Он
2026 оны дөрөвдүгээр сарын 28
Төрөл
journal article
Journal
Эрүүл мэндийн шинжлэх ухаан
Volume
22
Issue
4
Start Page
70
End Page
73
ISSN
2959-6947
Хураангуй
Хүүхдийн өсөлт хөгжилд микроэлементийн тэнцвэр, тэр дундаа цайрын түвшин чухал үүрэгтэй. Цайрын дутагдал нь дархлаа, арьсны бүтцийн бүрэн бүтэн байдалд нөлөөлж, арьсны харшил, атопийн дерматит үүсэх эрсдлийг нэмэгдүүлдэг. Зорилго: Монгол хүүхдийн үсний эдэд агуулагдах цайрын хэмжээ болон арьсны харшил, атопийн дерматит хоорондын хамаарлыг тодорхойлох. Арга, аргачлал: Судалгааг ретроспектив загвараар гүйцэтгэж, 0–18 насны 1000 хүүхдийг хамруулсан. Үсний дээжийг авч ICP-MS аргаар цайрын агууламжийг тодорхойлсон. Статистик боловсруулалтыг χ² тестээр хийв. Үр дүн: Судалгаанд хамрагдсан нийт хүүхдийн 79.6% нь цайрын дутагдалтай байв. Ялангуяа бага нас буюу 0–4 нас, бэлгийн бойжилтын өмнөх үе 5–9 насны бүлэгт 99.3% цайрын дутагдалтай гарсан. Харин 10–14 насанд 93.6% нь дутагдалтай байсан бол 15-аас дээш насанд 10.2% болж буурсан. Насны бүлэг ба цайрын түвшин хооронд статистикийн ач холбогдолтой хамаарал илэрсэн (χ²=727.111, p<0.001). Дүгнэлт: Нийт судалгаанд хамрагдсан хүүхдийн 6.3% нь арьсны харшил, атопийн дерматит оношлогдсон бөгөөд тэдгээр хүүхдүүдийн 71.4%-д цайрын дутагдал илэрсэн. Энэ нь бага насны хүүхдийн цайрын дутагдал болон арьсны харшил, атопийн дерматит хооронд хамаарал байж болохыг харуулсан бөгөөд бага насны хүүхдэд цайрын дутагдлыг эрт илрүүлж дутагдлыг нөхөх минералын эмчилгээ хийх шаардлагатай байна.
Background: Zinc is an essential trace element that plays a crucial role in immune function, skin integrity, and inflammatory regulation. Zinc deficiency has been associated with impaired immune response and increased risk of allergic diseases, including atopic dermatitis. Hair mineral analysis provides a reliable method for assessing long-term mineral status. Aim: This study aimed to investigate the association between hair zinc levels and atopic dermatitis among Mongolian children. Materials and Methods: A retrospective observational study was conducted among 1000 children aged 0–18 years. Hair samples were analyzed using inductively coupled plasma mass spectrometry (ICP-MS). Statistical analysis was performed using the chi-square test. Results: The results showed that 79.6% of children had zinc deficiency. Zinc deficiency was highly prevalent in younger age groups, affecting 99.3% of children aged 0–9 years and 93.6% in those aged 10–14 years, while it decreased significantly to 10.2% in those aged 15 years and older. A significant association was found between age group and zinc status (χ²=727.111, p<0.001). Among the participants, 6.3% were diagnosed with atopic dermatitis, and 71.4% of them had zinc deficiency. Conclusion: These findings suggest a potential association between zinc deficiency and atopic dermatitis. Early detection and nutritional intervention for zinc deficiency in children may be important for preventing allergic skin diseases.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/18
Эшлэл
Д.Тодням, Д.Оюунчимэг, М.Туул. Монгол хүүхдийн үсний эдэд агуулагдах цайрын хэмжээ ба арьсны харшил, атопийн дерматит хоорондын хамаарлыг судалсан нь. Эрүүл мэндийн шинжлэх ухаан. 2026;22(4):70-73.