Loading...
Дотоодын үйлдвэрийн чихэрлэг ундаанд чихэр, хуурай бодисын агууламжийг тодорхойлсон үр дүн
Зохиогч
А.Нямсүрэн
Б.Халиун
Л.Уранчимэг
О.Нандин-Эрдэнэ
Д.Гантуяа
Он
2025 оны нэгдүгээр сарын 1
Төрөл
journal article
Journal
Эрүүл мэндийн шинжлэх ухаан
Volume
21
Issue
1
Start Page
30
End Page
34
ISSN
2959-6947
Хураангуй
Үндэслэл: Хүүхдийн илүүдэл жин, таргалалтад нөлөөлөх голлох эрсдэлт хүчин зүйлст чихэрлэг ундаа, бусад чихэрлэг хүнсний хэрэглээ ордог. Чихэрлэг ундаанд агуулагдах чихрийн агууламж савлагаан дахь шим тэжээлийн мэдээлэлд зөрүү ихтэй тусгагдаж байна. Зорилго: Дотоодын үйлдвэрийн чихэрлэг ундааны чихэр, хуурай бодисын агууламжийг тодорхойлж хаяг шошгожилтын мэдээлэл болон стандартын шаардлагатай харьцуулан судлах. Арга, аргачлал: Чихэрлэг ундаанд агуулагдах чихэр, хуурай бодисын агууламжийг хэмжилтэт туршилтын аргаар хийж гүйцэтгэсэн бөгөөд дотоодын үйлдвэрийн 150 ундааг судалгаанд хамруулав. Лабораторийн шинжилгээг СХЗГ-ын дэргэдэх ХАБҮЛЛ-ийн Хими, хор судлалын лабораторид ундаанд агуулагдах чихрийн сахаромер хэмжих хэрэгсэл, хуурай бодисыг рефрактометр багаж ашиглан хийж гүйцэтгэв. Үр дүн: Судалгаанд хамруулсан бүтээгдэхүүний 20.7% (п=31) нь хийжүүлсэн ундаа, 47.3% (п=71) нь жимсний ундаа, 16.0% (п=24) нь цайн ундаа, 1.3% (п=2) нь хүч тамирын ундаа, 14.7% (п=22) нь амтлаг ус тус тус байв. Дотоодын үйлдвэрийн чихэрлэг ундаанд 0.0-15.6% чихэр агуулагдаж байна. Чихрийн агууламж тодорхойлсон шинжилгээний үр дүнг хаяг шошгожилтын мэдээлэлтэй харьцуулахад 72.0% (п=108) нь хаяг шошгожилтын мэдээллээс 0 .1 11.3% зөрүүтэй, 10.7% (п=16) нь хаяг шошгожилтын мэдээлэлтэй тохирч, 17.3% (п=26) нь хаяг шошгожилт дээр чихрийн агууламжийг бичээгүй байлаа. Хуурай бодис хийжүүлсэн ундаанд 0.2-13.0%, жимсний ундаанд 4.9-15.7%, цайн ундаанд 0.6-9.8%, хүч тамирын ундаанд 7 .7 16.0%, амтлаг усанд 0.1-9.7% агуулагдаж байна. Дүгнэлт: 1. Дотоодын үйлдвэрийн чихэрлэг ундааны чихрийн агууламж 0.0-16.0%, хуурай бодис 0.0-15.6% байна. 2. Дотоодын үйлдвэрийн чихэрлэг ундааны чихрийн агууламж хаяг шошгожилтын мэдээллээс 75.3% (п=113) нь 0.1-11.8% зөрүүтэй, 4.6% (п=7) нь хаяг шошгожилтын мэдээлэлтэй тохирч, 20.0% (п=30) нь хаяг шошгожилт дээр чихрийн агууламжийг бичээгүй байлаа. 3. Дотоодын үйлдвэрийн чихэрлэг ундааны 37.3% (п=56) нь хуурай бодис үзүүлэлтээр стандартын шаардлага хангахгүй байна.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/46
Эшлэл
А.Нямсүрэн, Б.Халиун, Л.Уранчимэг, О.Нандин-Эрдэнэ, Д.Гантуяа. Дотоодын үйлдвэрийн чихэрлэг ундаанд чихэр, хуурай бодисын агууламжийг тодорхойлсон үр дүн. Эрүүл мэндийн шинжлэх ухаан. 2025;21(1):30-34.