Loading...
Зүрхний шигдээсийн дараах зүүн ховдлын үйл ажиллагааны алдагдлыг илрүүлсэн судалгааны дүн
Зохиогч
Он
2021 оны дөрөвдүгээр сарын 6
Төрөл
journal article
Journal
Эрүүл мэндийн шинжлэх ухаан
Volume
17
Issue
1
Start Page
39
End Page
42
ISSN
2959-6947
Хураангуй
Манай орны хүн амын өвчлөлийн гуравдугаар шалтгаан болсон зүрх судасны тогтолцооны өвчний түвшин сүүлийн 10 жилийн дунджаас 2 дахин өссөн ба нас баралтын тэргүүлэх шалтгаан (32.1%) болсон хэвээр байна.1 Зорилго: Зүрхний шигдээстэй өвчтөнд шинж тэмдэггүй зүүн ховдлын үйл ажиллагааны алдагдлыг натри хөөгч пептидийн сорилын тусламжтай илрүүлж, нөлөөлж буй хүчин зүйлсийг тодорхойлоход оршиж байв. Судалгаанд зүрхний дутагдлын эмнэл зүйн шинж тэмдэггүй, зүрхний цочмог шигдээстэй 71 үйлчлүүлэгчдийг хамруулав. Зүүн ховдлын үйл ажиллагааны алдагдлыг натри хөөгч пептидийн сорилын тусламжтай илрүүлсэн бөгөөд натри хөөгч пептидийн хэмжээ >450 пг/мл тохиолдолд зүүн ховдлын үйл ажиллагааны алдагдал байна гэж үнэлэв. Эмнэлэгт эмчлүүлэх хугацаанд зүрхний цочмог шигдээстэй үйлчлүүлэгчийн 67.6%-д зүүн ховдлын үйл ажиллагааны алдагдал илэрсэн ба үүнээс 64.8% нь эмнэлэгт ирэх үед, 2.8% нь эмчлүүлэх явцад тохиолдсон байна. Зүүн ховдлын үйл ажиллагааны нийт алдагдлын 64%-д цацалтын фракц хадгалагдсан, 28%-д дундаж цацалтын фракцтай, 8%-д цацалтын фракц буурсан хэлбэр тус тус тохиолдож байв. Зүрхний шигдээсийн эхлэлээс эмнэлэгт ирэх хүртэлх хугацаа нь зүүн ховдлын үйл ажиллагааны алдагдал үүсэхэд статистикийн үнэн магадлалтай (p<0.001) нөлөөлж байгааг судалгааны үр дүн харуулсан. Эмнэлэгт хэвтэх үеийн сийвэнгийн натри хөөгч пептидийн хэмжээ нь сийвэнгийн тропонины түвшинтэй (r-0.315, p=0.012) эерэг хамааралтай байв. Харин эмнэлгээс гарах үеийн сийвэнгийн натри хөөгч пептидийн хэмжээ нь зүүн ховдлын цацалтын фракцтай сөрөг (r-0.491, p=0.000), зүрхний диастолын үйл ажиллагааны үзүүлэлт болох E/e’-тэй (r0.370, p=0.003) эерэг хамааралтай байсан. Дүгнэлт: Зүрхний шигдээс эхлэхээс эмнэлэгт ирэх хүртэлх хугацааг богиносгосноор зүүн ховдлын үйл ажиллагааны алдагдлыг бууруулах боломжтой байна.
Main purpose of this study was to assess post myocardial asymptomatic left ventricular dysfunction using brain natriuretic peptide (NT-proBNP) and to investigate comparison between related factors. In this study we have enrolled total of 71 patients with acute myocardial infarction without signs and symptoms of heart failure. Serum NT-proBNP were obtained 2 times. Cut-off point for NT-proBNP was 450 pg/ml and above this cut-off point considered as left ventricular dysfunction. According to study results, left ventricular dysfunction was diagnosed in 67.6% of the patients. Among these patients, 64.8% were diagnosed at admission and 2.8% were diagnosed during the hospital stay. For classification of the left ventricular dysfunction, 64% were preserved ejection fraction, 28% were mid-range ejection fraction and 8% were reduced ejection fraction. There was statistically significant relationship between left ventricular dysfunction and the time from symptom onset to hospital arrival (p<0.001). Significantly positive correlation existed between NT-proBNP level and serum troponin level (r-0.315, p=0.012) at admission. There was significantly negative correlation between NT-proBNP level and left ventricular ejection fraction (r-0.491, p=0.000) at discharge. Also positive correlation observed between NT-proBNP and diastolic function parameter E/e’ (r-0.370, p=0.003) at discharge. Conclusion: It is possible to reduce post myocardial left ventricular dysfunction through shortening the time from onset of symptoms to hospital arrival.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/195
Эшлэл
Ө.Ганчимэг, Ө.Цолмон, Х.Чингэрэл, Х.Алтайсайхан. Зүрхний шигдээсийн дараах зүүн ховдлын үйл ажиллагааны алдагдлыг илрүүлсэн судалгааны дүн. Эрүүл мэндийн шинжлэх ухаан. 2021;17(1):39-42.