Loading...
Монголд тохиолдох Бехчетийн өвчний эмнэлзүйн онцлогийг судалсан үр дүн
Зохиогч
Он
2021 оны дөрөвдүгээр сарын 6
Төрөл
journal article
Journal
Эрүүл мэндийн шинжлэх ухаан
Volume
17
Issue
1
Start Page
47
End Page
52
ISSN
2959-6947
Хураангуй
Бехчетийн өвчин (БӨ) нь амны хөндийн дахидаг шархлаа, нүдний судаслаг бүрхүүлийн үрэвсэл (увеит), арьсны эмгэг, бэлэг эрхтний шархлаагаар илэрдэг олон эрхтэн тогтолцоог хамардаг, өнөөг хүртэл шалтгаан тодорхойгүй байгаа өвчнүүдийн нэг бөгөөд хүнд явцтай сохролд хүргэдэг ховор тохиолддог эмгэг юм. Иймд энэхүү судалгааг Монголд тохиолдох БӨ-ний өвчний эмнэлзүйн шинж чанарыг судлах зорилгоор хийлээ. Арга зүй: Үйлчлүүлэгчийг 2015 оноос 2019 оны хооронд Улаанбатар хотын зургаан эмнэлгийн байгууллагаас илрүүлж үзлэгт хамруулав. Олон улсын судалгааны бүлгээс тогтоосон БӨ-ны оношилгооны шалгуур үзүүлэлтийн дагуу БӨ-г оношилсон. Үр дүн: Нийт жарaн таван үйлчлүүлэгч бүртгэгдсэн (22 эрэгтэй, 43 эмэгтэй) ба 1:1.95 харьцаагаар эмэгтэйчүүд давамгайлсан байна. Өвчин эхэлсэн нас нь 11-66 насны хооронд 22.2±10.0 жил (дундаж утга±СХ) байв. Амны хөндийн салстын шархлаа, нүдний үрэвсэл, бэлэг эрхтний шархлаа, арьсны эмгэг, арьс гэмтээх сорил, үе мөчний эмгэг, өнгөц судасны үрэвсэл, гүний судасны тромбоз, эпидидимит (зөвхөн эрэгтэйд) 100.0%, 63.1%, 89.2%, 81.5%, 7.7%, 86.2%, 32.3%, 4.6%, 13.6% нэрлэсэн дарааллаар тус тус тохиолдов. Харааны тавилан эрчүүдэд муу ≤20/200 байгаа нь эмэгтэйчүүдтэй харьцуулахад харьцангуй өндөр байлаа [31.8% vs 9.3%, IRR 4.55 (95% CI 1.16-17.82), p<0.05]. Aрьс гэмтээх сорил зөвхөн 7.7%-д эерэг гарсан ба дан эмэгтэй сүбьектүүдэд илэрсэн. Хамрын салст бүрхүүлийн шархлаа өвчтөнүүдийн 55.4%-д ажиглагдсан бөгөөд энэ нь Монгол орны байгаль орчны нөхцөл байдалтай холбоотой байж болох юм. Судалгаанд хамрагдсан үйлчлүүлэгчдийн 76.9% -д толгой өвдөх шинж ажиглагдлаа. Дүгнэлт: Монгол оронд БӨ нь эмэгтэйчүүдэд илүү тохиолдож байна. БӨ-тэй эрэгтэйчүүдэд нүдний панувеит илүү тохиолдож, нүдний хүндрэлийн улмаас харааны тавилан муутай байна.
Objective: The aim of the present study is to investigate the clinical features of patients with Behcet's disease (BD) in Mongolia. Methods: Patients were identified and examined from six medical institutions in Mongolia from 2015 to 2019. BD was diagnosed according to the diagnostic criteria for BD established by the International Study Group. Results: There were sixty-five patients (22 males and 43 females) recoded, the ratio of 1:1.95, with a marked female predominance. The age of disease onset was 22.2±10.0 (mean±SD) ranging from 11 to 66 years old. Oral aphthous ulcers, ocular lesions, skin lesions, genital ulcers, pathergy test positivity, arthralgia, superficial vasculitis, deep vein thrombosis and epididymitis (male only) were observed in 100.0%, 63.1%, 81.5%, 89.2%, 7.7%, 86.2%, 32.3%, 4.6% and 13.6% of the patients, respectively. The incidence of poor visual prognosis, ≤ 20/200, was significantly higher in males than in females [31.8% vs. 9.3%, incidence rate ratio 4.55 (95%CI 1.16–17.82), p<0.05]. The pathergy test was positive only in 7.7% of cases and only in female subjects, indicating it has decreasing diagnostic significance. Nasal mucous ulcers were frequently seen in 55.4% of patients that may also be attributed to the environmental conditions of Mongolia. Headache was observed 76.9% of patients in this study. Conclusions: BD with a marked female predominance in Mongolia. Panuveitis was significantly more frequent in men than women, and men tended to have a worse visual prognosis. Nasal mucous membrane ulcers and recurrent headaches were frequent among Mongolian patients with BD.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/197
Эшлэл
Б.Жавзандулам, Д.Зулгэрэл, Г.Чимэдлхамсүрэн, О.Шигеаки, К.Нобуёши, Ж.Баасанхүү нар. Монголд тохиолдох Бехчетийн өвчний эмнэлзүйн онцлогийг судалсан үр дүн. Эрүүл мэндийн шинжлэх ухаан. 2021;17(1):47-52.