Loading...
Хүүхдийн мухар олгойн цочмог үрэвслийн хүндэрсэн хэлбэрийн үед цагаан эсийн үзүүлэлтүүдийн хугацаанаас хамаарсан өөрчлөлтийг судалсан үр дүн
Зохиогч
Он
2021 оны дөрөвдүгээр сарын 6
Төрөл
journal article
Journal
Эрүүл мэндийн шинжлэх ухаан
Volume
17
Issue
1
Start Page
112
End Page
115
ISSN
2959-6947
Хураангуй
Үндэслэл: Яаралтай тусламжийн албанд хэвлийн цочмог өвдөлтийн улмаас хандаж буй мэс заслын шалтгаант эмгэгийг мухар олгойн цочмог үрэвсэл тэргүүлдэг ч, оношилгооны алдаа хүүхдэд 3.8-15 хувь, насанд хүрэгчдэд 5.9-23.5 хувь байна. Эмнэлзүйн шинжүүдтэй хамт лабораторийн шинжилгээний үзүүлэлтүүд оношилгоо, шийдвэр гаргахад онцгой ач холбогдолтой байдаг. С-урвалж уураг, лейкоцит, нейтрофиль зэрэг өргөн хэрэглэгддэг үзүүлэлтүүдээс гадна ийлдсийн натрийн концентраци, нейтрофил-лимфоцитийн харьцаа, зэрэг шинэ үрэвслийн маркеруудыг мухар олгойн хүндэрсэн хэлбэрийг ялган оношлоход ашиглаж байна. Гэсэн хэдий ч зөвхөн биомаркеруудад түшиглэн шийдвэр гаргах нь боломжгүй хэвээр байна. Бид энэ удаагийн судалгаагаар захын цусны цагаан эсийн үзүүлэтүүдийн хүүхдийн мухар олгойн цочмог үрэвслийн хүндэрсэн хэлбэрийг оношлох чадамжийг өвчин үргэлжилсэн хугацаагаар үнэлэхийг зорилоо. Арга аргачлал: Уг судалгааг 2020 оны 6 сараас 9 сарын хооронд ЭХЭМҮТөвийн ерөнхий мэс заслын тасагт мухар олгойн цочмог үрэвсэл оношоор мэс засал хийгдсэн 18-с доош насны нийт 186 тохиолдолыг хамруулав. Судалгаанд оролцогчдыг эмгэг судлалын шинжилгээний үр дүнгээс үндэслэн хүндрэлтэй (үхэжсэн, үхжиж цоорсон+) болон хүндрэлгүй(улайсан,идээлсэн) хэмээн 2 бүлэг болгов. Үр дүн: Нийт 186 хүүхэд хамруулснаас 119 эрэгтэй, дундаж нас 10.21±1.22 байв. Хоёр бүлгийн нас, хүйсийн хувьд статистик ач холбогдол бүхий ялгаа байсангүй (p=0.243) (p=0.491). Нийт тохиолдолд цагаан эс, нейтрофил эс, эозинофил эсийн оношлох чадамж хамгийн өндөр байна. Дүгнэлт: Мухар олгойн цочмог үрэвслийн хүндрэлтэй ба хүндрэлгүй хэлбэрийн үед цагаан эсийн үзүүлэлтүүд үндсэн ба тогтвортой ялгааг харуулж байна. Бид илүү хүчтэй маркеруудийг сонгон авч оношилгооны тохиромжтой цаг хугацааг тодорхойлох судалгаануудыг хийх шаардлагатай байна.
Introduction: Acute abdominal pain is one of the most frequent complaints for which children and adolescents seek treatment in the emergency department (ED). Reported rates of misdiagnosis in children vary from 3.8 to 15% and misdiagnosis in adults 5.9-23.5% respectively. Together with clinical parameters laboratory values are of special relevance within the diagnosis and decision making within the disease. Next to classical laboratory values like C-reactive protein (CRP) and leukocytes, serum sodium concentrations, the neutrophil-to-lymphocyte ratio and new inflammatory markers like chemokines and special enzymes might be used for the discrimination of complicated appendicitis. However, clinical decision-making just on biomarkers is still not feasible because of great interindividual differences in the inflammatory process. Methods: Our study was performed on 186 children admitted for suspected acute appendicitis and underwent appendectomy at the MNCMCH, Ulaanbaatar Mongolia, between June 2020 and September 2020. The two groups of complicated (gangrenous and perforated) and noncomplicated (cattarhal and phlegmonous) acute appendicitis were compared. Results: From a total of 186 patients, 119 were male, the mean age was 10.21 ± 1.22. There were no significant differences between complicated and uncomplicated group concerning gender and age (p=0.243) (p=0.491). In all cases, the highest diagnostic accuracy is for white blood cells, neutrophils, and eosinophils.In conclusion, our analysis suggests fundamental and stable diferences between cellular compositions in WBCs of patients with phlegmonous and complicated appendicitis. ttempts to identify and establish suitable time independent and more effective biomarkers seem to be reasonable.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/213
Эшлэл
Г.Ганбаяр, Ц.Одгэрэл, Ч.Эрдэнэцэцэг, А.Баярцэцэг, Л.Ганбаяр, Б.Баатарсүрэн. Хүүхдийн мухар олгойн цочмог үрэвслийн хүндэрсэн хэлбэрийн үед цагаан эсийн үзүүлэлтүүдийн хугацаанаас хамаарсан өөрчлөлтийг судалсан үр дүн. Эрүүл мэндийн шинжлэх ухаан. 2021;17(1):112-115.