Loading...
Коронавируст халдвар (COVID-19)-ын үеийн хөл хорионы нөхцөлд ажиллаж буй эмнэлгийн мэргэжилтнүүдийн сэтгэцийн эрүүл мэндийн байдлыг үнэлсэн цахим судалгааны дүн
Зохиогч
Он
2021 оны зургаадугаар сарын 10
Төрөл
journal article
Journal
Эрүүл мэндийн шинжлэх ухаан
Volume
17
Issue
2
Start Page
145
End Page
149
ISSN
2959-6947
Хураангуй
. Үндэслэл: Шинэ SARS-CoV-2 халдварын цар тахлаас улбаатай хөл хорионы энэ үеэр эрүүл мэндийн ажилтнууд болон олон нийтийн дунд гэмтлийн дараах стрессийн эмгэг, сэтгэлийн түгшилт, сэтгэл гутрал зэрэг сэтгэцийн шинжүүд бүртгэгдсээр байгаа билээ. Энэхүү судалгааны зорилго нь хөл хорионы нөхцөлд ажиллаж буй эрүүл мэндийн мэргэжилтнүүдийн дунд тохиолдож байгаа сэтгэцийн эрүүл мэндийн зарим асуудлыг илрүүлэхэд чиглэсэн болно. Материал, аргазүй: Энэхүү судалгааг тойм судалгааны агшингийн загвараар хийв. Бид тусгайлан боловсруулсан цахим асуумжийг ашиглан мэдээллийг цуглууллаа. Үр дүн: Судалгаанд эрүүл мэндийн бүх шатны байгууллагад ажилладаг 21-58 насны нийт 161 ажилтан оролцсоноос 61 нь эрэгтэй, 100 нь эмэгтэй хүйсийнх, дундаж нас 39.5 ± 8.8 байв. Насны бүлгээр нь авч үзвэл 25-34 насныхан илүү олон байлаа. Нийт судалгаанд хамрагдагсдын 67.7% (n=109) нь 7 хүртэлхи цагийн хугацааг гар утасны хэрэглээнд зарцуулж байгаа, 74.5% (n=120) нь халдвараас айж байгаа гэж үнэлсэн бөгөөд 29.8% (n=48) нь маш ихээр халдвараас айж байна хэмээн хариулжээ. Судалгаанд хамрагдагсдын 59% нь сэтгэлийн түгшүүртэй, 44% нь сэтгэл гутралд орсон байлаа. Дүүргийн эрүүл мэндийн нэгдэлд ажиллагсдад ажлаас халшрах хамшинжийн илрэлийн түвшин эрүүл мэндийн бусад шатлалын байгууллагад ажилладаг оролцогчдоос илүү, ялангуяа ажлын бүтээмж бууралтын түвшин бусдаас илүү өндөр байсан боловч статистик ач холбогдолгүй (x2=2.64; p=0.45) байв. Дүгнэлт: Хөл хорионы нөхцөлд ажиллаж буй бүх шатны эрүүл мэндийн ажилтнуудын 59% нь сэтгэлийн түгшүүртэй, 44% нь дунд зэргээс хүнд зэргийн сэтгэл гутралтай, 74.5% нь халдвараас айх айдастай байлаа. Дүүргийн эрүүл мэндийн нэгдэлд ажиллагсдад ажлаас халшрах хамшинжийн илрэлийн түвшин илүү өндөр боловч статистик ач холбогдолгүй (x2=2.64; p=0.45) байв.
Introduction: During the lockdown period due to COVID-19 pandemic, psychiatric symptoms including posttraumatic stress disorder, anxiety, and depression registering both in health care workers and the public. The goal of this study was to identify some mental health problems among health professionals, are working in lockdown situation due to SARS-CoV-2 outbreaks. Methods: A descriptive and cross-sectional research design was conducted. We used a semi-structured online questionnaire. Results: Totally 161 respondents, aged 21-58 who are working at all level of health care setting were completed our online questionnaire and 100 of them were females with an average age of 39.5±8.8. By age group, there are more subjects aged 25-34. Of the total respondents, 36.6% (n=59) spend more than 7 hours using cell phones; 74.5% (n=120) rated they were afraid of infection, and 29.8% (n=48) rated they were very scared. 59% of the total respondents have anxiety, and 44% have depressed. The majority of the respondents are district health care workers and they have more burned in workplace than other respondents, especially level of personal accomplishment more lower than others but was not statistically significant (x2=2.64; p=0.45). Conclusion: Of total respondents, working at all level health care setting, 59% have anxiety, and 44% are depressed as moderate-to-severe; and 74.5% are afraid from infection. District health care workers have a high incidence of workplace burnout syndrome without statistically significant (x2=2.64; p=0.45).
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/240
Эшлэл
Б.Баттуяа, Б.Лувсанняндаг, Э.Мөнх, В.Өнөмөнх, Д.Оюунсүрэн, З.Хишигсүрэн нар. Коронавируст халдвар (COVID-19)-ын үеийн хөл хорионы нөхцөлд ажиллаж буй эмнэлгийн мэргэжилтнүүдийн сэтгэцийн эрүүл мэндийн байдлыг үнэлсэн цахим судалгааны дүн. Эрүүл мэндийн шинжлэх ухаан. 2021;17(2):145-149.