Loading...
Сүрьеэ өвчний үеийн цус багадалтын хяналтын зарим асуудалд
Зохиогч
Он
2021 оны гуравдугаар сарын 13
Төрөл
journal article
Journal
Эрүүл мэндийн шинжлэх ухаан
Volume
17
Issue
3
Start Page
59
End Page
62
ISSN
2959-6947
Хураангуй
Үндэслэл: Сүрьеэ өвчний үед холимог шалтгаант архаг цус багадалт түгээмэл тохиолддог ба сүрьеэгийн микобактерийн эндотоксины нөлөөгөөр цус төлжилт дарангуйлагдагах, архаг хордлого, сүрьеэтэй өвчтөнүүд амьдралын түвшингээс хамаарч хоол тэжээлийн дутагдал, нөгөө талаар сүрьеэгийн эсрэг хавсарсан эмийн шалтгаанаар элэг хордох эсвэл анхдагчаар цус төлжилтөд нөлөөлдөг рифампицин, линезолид зэрэг эмүүдийн гаж нөлөөгөөр үүсгэгддэг.8 Эмэнд мэдрэг сүрьеэгийн үед эмчилгээний явцад цус багадалт ихэвчлэн өвөрмөц эмчилгээ хийгдээгүй үед ч засарч болох ч эмэнд тэсвэртэй хэлбэрийн үед эмийн шалтгаантай цус багадалт эмчилгээ үргэлжлэх явцад гүнзгийрэх эрсдэлтэй байдаг.16 Манай оронд энэ талаар хийгдсэн судалгаа тун хомс байгаа нь судалгааг хийх үндэслэл болов. Зорилго: Эмэнд тэсвэртэй сүрьеэгээр өвчлөгчдийн дунд линезолидын хэрэглээ, түүнээс шалтгаалсан цус багадалтын бүртгэл мэдээллийг судлах Арга, аргачлал: Бид Улаанбаатар хотод эмэнд тэсвэржилт нь лабораториор батлагдсан болон эмнэлзүйгээр эмэнд тэсвэртэй сүрьеэ оношоор эмчлүүлж байгаа тохиолдлуудын мэдээлэлд дүн шинжилгээ хийх буюу дескриптив загвараар энэхүү судалгааг хийв. Үр дүн: 2020 оны эцсээр 191 тохиодол Риф/ОЭТС, МОЭТС сүрьеэгийн эмчилгээний хяналтад байгаагаас 116(60.7%) нь Улаанбаатар хотод байна. Судалгаанд оролцогчдын дундаж нас 36±16.09 жил, эрэгтэй, эмэгтэй хүйсийн харьцаа 69(59,5%), 47(40.5%), 10(8.6%) эмнэлзүйгээр бусад нь лабораториор тэсвэржилт батлагдсан сүрьеэтэй байв. Тэдний 54(46.5%) шинэ, үлдсэн нь өмнө эмчлүүлж байсан тохиолдол. Эмэнд тэсвэржилтээр ангилахад 98(85.5%) нь Риф/ОЭДС, 92 нь (79.3%) уушгины хэлбэрийн сүрьеэ байв. 52 (45%) нь нийслэлийн Баянзүрх, Сонгинохайрхан хоёр дүүрэгт л оногдож байна. Эдгээр 116 тохиолдлоос 37(31.9%) тохиолдолд Линезолид (Lzd) орсон эмчилгээний горимтой байхад Линезолидын шалтгаант цус багадалтын тухай гаж нөлөөг бүртгэн мэдээлсэн тохиолдол байхгүй байв. Дүгнэлт: Эмэнд тэсвэртэй сүрьеэгээр өвчлөгчдийн 1/3–н эмчилгээний горимд Линезолидыг хэрэглэж байгаа ба уг эмийн нөлөөтэй цус багадалтыг илрүүлэлт, бүртгэл, мэдээлсэн тохиолдол байхгүй байгаа нь шийдвэрлэх шаардлагатай асуудал болж байна.
Background: Mixed-type chronic anemia is most common in TB patients caused by multiple factors such as mycobacterial endotoxin-induced hematopoiesis suppression, chronic tuberculosis intoxication and malnutrition. Also, it’s can be caused by the combination of anti-TB drug-induced liver injury, drugs that suppressive effects on hematopoiesis such as rifampicin and linezolid.8 In drug-susceptive TB, anemia can be spontaneously recovery during treatment, often without specific corrective treatment. However, in drug-resistant forms, there is a risk that drug-induced anemia may worsen during treatment if without management.16 There is a lack of research on this field in our country, which is the basis of necessary for our study. Goal: To study the usage of linezolid among drug-resistant TB patients and the data on anemia caused by it. Method: Our analysis was performed on patient’s data on laboratory-confirmed drug resistance (including RR/MDR-TB, pre-XDR, and XDR-TB) and clinically diagnosed drug-resistant TB cases in Ulaanbaatar by descriptive study design. Result: By the end of 2020, 191 cases of RR / MDR-TB and XDR-TB were under TB treatment control, of which 116(60.7%) were under control in Ulaanbaatar. The mean age of the study participants was 36±16.09 years, and the sex ratio was 69(59.5%) and 47(40.5%). 10(8.6%) of the participants had clinically confirmed TB cases. Of these, 54(46.5%) were new cases and the rest had previously been treated cases. In terms of drug resistance, 98 (85.5%) cases were RR/ MDR-TB and 92(79.3%) cases were pulmonary TB. 52(45%) are in the Bayanzurkh and Songinokhairkhan districts of the capital city. Of these 116 cases, 37(31.9%) had a treatment regimen with Linezolid (Lzd) and no adverse events of Linezolid-induced myelosuppressive anemia were reported. Conclusion: Linezolid is used in the treatment regimen of 1/3 of drug-resistant TB patients. The lack of detection, registration, and reporting of the drug-induced myelosuppressive anemia is an issue that needs to be addressed.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/258
Эшлэл
Б.Болысхан, Ц.Маналжав, Ц.Одгэрэл. Сүрьеэ өвчний үеийн цус багадалтын хяналтын зарим асуудалд. Эрүүл мэндийн шинжлэх ухаан. 2021;17(3):59-62.