Loading...
Цочмог В вирүст хепатитийн халдварт өртөх эрсдэлтхүчин зүйл, эмнэлзүйн явцыг дагаж судалсан нь
Зохиогч
Он
2021 оны гуравдугаар сарын 13
Төрөл
journal article
Journal
Эрүүл мэндийн шинжлэх ухаан
Volume
17
Issue
3
Start Page
109
End Page
114
ISSN
2959-6947
Хураангуй
Үндэслэл: Монгол улс 1991 оноос В вирүст хепатитийн (ВВХ)-ийн эсрэг дархлаажуулалтыг төрсөн нярай хүүхэд бүрт хийх болсоноор хепатитийн В вирүсийн халдварын өвчлөл буурсан үзүүлэлттэй байдаг. Хэдий тийм боловч вакцинжуулагдаагүй насанд хүрэгчдийн дунд өвчлөл бүртгэгдсээр байна. Материал арга зүй: 2017-2019 онд ХӨСҮТ-д цочмог В вирүст хепатит оношоор хэвтэн эмчлүүлсэн 105 өвчтөнүүдийг судалгаанд хамруулан нэг жилийн хугацаанд дагаж, эмнэлэгт суурилсан когорт судалгааны загвараар судалгааг явуулсан. Үр дүн: Судалгаанд хамрагдагсдын дундаж нас 25.2±6.0, 21-30 насны залуучуудын дунд өвчлөл хамгийн өндөр буюу 67.6%-ийг эзэлж байна. Цочмог ВВХ-ийн сүүлийн зургаан сарын дотор халдварт өртөх эрсдэлийг судлахад 12.5% нь шүдний ямар нэгэн эмчилгээ хийлгэсэн, гоо сайхны салонд шивээс хийлгэсэн 4(3.85%), чих цоолуулсан 3(2.9%)–ийг эзэлж байв. Элэгний үйл ажиллагааны шинжилгээнд билирубин, АЛАТ, АСАТ-ын хэмжээ тасралтгүй буурсан үзүүлэлттэй байв. Ийлдэс судлалын шинжилгээнд HBsAg хяналтын 6 дахь сард 7.6%, 12 дахь сард 6.7% эерэг тодорхойлогдсон. Дүгнэлт: Шүдний эмчилгээ хийлгэх, тохиолдолын бэлгийн хавьталд орох, хумсны хутгаа дундаа хэрэглэх зэрэг нь цочмог В вирүст хепатитийн халдварт өртөх эрсдэлт хүчин зүйл болж байна. Цочмог В вирүст хепатитаар өвчлөгсдийн 93.3% нь эдгэрч, 6.7% нь хепатитийн В вирүсийн архаг халдварт шилжсэн ба архаг халдварт шилжигсдийн 71.4% нь хепатитийн Дельта вирүсийн халдвар тодорхойлогдож байна
Introduction: Following the introduction of infant HBV immunization in 1991 in Mongolia, dramatically decline in the reported annual incidence of acute hepatitis demonstrating the remarkable impact of mass immunization. Nevertheless, incidence of HBV remains moderate among unvaccinated adults. Aims and Methods: A prospective study was conducted (2017-2019) in 105 adult patients diagnosed with acute HBV and hospitalized in NCCD, to understand risk factors and clinical features of acute HBV infection and its natural evolution. Results: The infection rate was highest among the age group of 21-30 (67,6%), mean age 25.2±6.0. Study of HBV infection risk factor in the last six months denotes several behavioral and health care services are related, counting 12.5% for dental treatment, 4 (3.85%) for tattoos, and 3 (2.9%) for ear piercings. Liver function tests showed a steady decrease in bilirubin, ALT, and AST. Serological tests showed HBsAg remained positive in 7.6% of the patients after six months and 6.7% within a year. Conclusion: Risk factors for acute hepatitis B virus include dental treatment, unprotected sex, and shared nail clipper. 93.3% of acute HBV patients were recovered, 6.7% developed chronic HBV and 71.4% of the patients who developed chronic HBV are tested positive with Delta virus infection.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/269
Эшлэл
Б.Батсүх, О.Чимэдсүрэн, О.Баатархүү. Цочмог В вирүст хепатитийн халдварт өртөх эрсдэлтхүчин зүйл, эмнэлзүйн явцыг дагаж судалсан нь. Эрүүл мэндийн шинжлэх ухаан. 2021;17(3):109-114.