Loading...
Монгол улсын зарим аймгийн нохойн популяци дахь бэтэг өвчний тархалт
Зохиогч
Б.Чинчулуун
И.Айнагуль
Б.Уртнасан
Д.Алтанчимэг
Ш.Оюунтуяа
Д.Адъяасүрэн
Н.Батсанаа
У.Өнөрсайхан
Д.Ганболд
А.Гүрбадам
С.Ганзориг
Он
2021 оны гуравдугаар сарын 21
Төрөл
journal article
Journal
Эрүүл мэндийн шинжлэх ухаан
Volume
17
Issue
4
Start Page
89
End Page
93
ISSN
2959-6947
Хураангуй
Үндэслэл: Д.Тэмүүлэн (2020) нар уйланхайт бэтэг нь Монгол улсын хүн амын дунд газар зүйн бүсээс хамааран 2.0-13.1% тархсан бөгөөд хүүхэд, өндөр настан зэрэг бага боловсролтой хүмүүс халдварт өртөх эрсдэл их байна хэмээн тэмдэглэсэн1 нь тэднийг халдварлуулах эх уурхай болох нохдын дундах бэтэг өвчний тархалтыг судлах шалтгаан боллоо. Зорилго, зорилт: Монгол улсын нохойн популяцийн гельминтофауныг судлан, зоонозын үүсгэгчдийг илрүүлэн, бэтэг өвчний тархалтыг судлах. Материал арга зүй: Монгол улсын газар зүйн 4 бүсийн төлөөлөл болох Баян-Өлгий, Сүхбаатар, Хөвсгөл, Өмнөговь аймгийн харьяат иргэдийн гэрийн тэжээвэр нохдын гельминтофауныг микроскопын шинжилгээгээр илрүүлж, зүйлийн бүрдлийг тодорхойлон, Таеniidae халдвар илэрсэн тохиолдолд молекул биологийн шинжилгээ хийж, зүйлийн бүрдлийг хэв шинжийг ялган дүйж, нохдын дундах бэтэг өвчний тархалтыг тогтоов. Үр дүн: Судалгаанд хамрагдсан аймаг, сумдын иргэдийн тэжээж буй 557 нохойн 10.9% Taenia hydatigena, 3.4% Echinococcus granulosus (E.granulosus), 4.1% Echinococcus сanadensis (E.сanadensis), 3.4% Toxocara саnis, 2.7% Strongyloides canis, 3.2% Ascaris төрөл, 2.3% Trichurus vulpis, 2.0% Alaria саnis, 1.4% Oncicola canis, 2.7%-д Macracanthorhynchus catulinus-ийн халдвар илрэв. Монгол улсын нохойн популяцид E.granulosus зүйлийн G1 хэв шинж, E.сanadensis зүйлийн G6/7 хэв шинж тархсан байна. Дүгнэлт: Нохойн популяцийн гельминтофауныг 1 төрөл, 9 зүйлийн гельминт бүрдүүлж байна. Эдгээрээс 5 зүйл нь зоонозын өвчин үүсгэгчид юм. Нохдын дундах бэтэг өвчний тархалт Баян-Өлгий аймагт 5.3%, Хөвсгөл аймагт 5.0%, Өмнөговь аймагт 9.6%, Сүхбаатар аймагт 8.1% байна. Нохдын дундах бэтгийн халдвар нь E.сanadensis зүйлийн G6/G7, E.granulosus зүйлийн G1 хэв шинжээр үүсгэгдэж байна.
Introduction: According to D.Temuulen (2020), human cystic Echinococcosis prevalence is 2.0-13.1% of the rural areas of Mongolia, depending on the geographical region. Patients with lower education, such as children and the elderly, have been reported to be at higher risk of contracting the disease, and this fact has led us to do a study of the prevalence of Echinococcosis dogs, a source of infection. Purpose: To study the helminth fauna of the Mongolian dog population, to identify zoonotic helminths, and to study the prevalence of echinococcosis. Materials and methods: The helminth fauna of domestic dogs originated from Bayan-Ulgii, Sukhbaatar, Khuvsgul and Umnugovi province, representing four geographical regions of Mongolia, was detected by microscopic analysis, and the species composition was determined. In the case of Taeniidae infection, the molecular biological analysis was performed to differentiate the species and genotypes composition and pattern of the disease in dogs. Results: There were 557 dogs overall that we surveyed and we detected Taenia hydatigena 10.9%, Echinococcus granulosus (E.granulosus) 3.4%, Echinococcus sanadensis (E.sanadensis) 4.1%, Toxocara sanis 3.4%, Strongyloides canis 2.7%, Ascaris 3.2%, Trichurus vulpis 2.3%, Alaria sanis 2.0%, Oncicola canis 1.4%, and Macracanthorhynchus catulinus 2.7% in them. E.granulosus G1 and E.sanadensis G6/7 genotype are prevalent in the Mongolian dog population. Conclusion: The helminth fauna of the dog population consists of 1 genus and 9 species of helminths. Five of these species are zoonotic pathogens. The prevalence of echinococcosis among dogs is 5.3% in Bayan-Ulgii province, 5.0% in Khuvsgul province, 9.6% in Umnugovi province, and 8.1% in Sukhbaatar province. Infections in dogs are caused by G6 / G7 of E. sanadensis and G1 of E. granulosus.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/299
Эшлэл
Д.Тэмүүлэн, Б.Чинчулуун, И.Айнагуль, Б.Уртнасан, Д.Алтанчимэг, Ш.Оюунтуяа нар. Монгол улсын зарим аймгийн нохойн популяци дахь бэтэг өвчний тархалт. Эрүүл мэндийн шинжлэх ухаан. 2021;17(4):89-93.