Loading...
Улаанбаатар хотын өсвөр насны хүүхдүүдийн замын хөдөлгөөний аюулгүй байдлын талаарх мэдлэгийн түвшинг үнэлэх нь
Зохиогч
Он
2021 оны есдүгээр сарын 1
Төрөл
journal article
Journal
Эрүүл мэндийн шинжлэх ухаан
Volume
17
Issue
6
Start Page
158
End Page
161
ISSN
2959-6947
Хураангуй
Үндэслэл: Олон улсын түвшинд зам тээврийн осол нь 5-29 насны хүүхэд, залуучуудын нас баралтын тэргүүлэх шалтгааны нэг болж байгаа бөгөөд 2030 он гэхэд нийт хүн амын нас баралтын тэргүүлэх 5 шалтгааны нэг нь зам тээврийн осол болох төлөвтэй байна. Монгол улсын хэмжээнд 2019 онд 819 хүүхэд зам тээврийн осолд өртөж 49 нь амь насаа алдаж 770 нь гэмтэж эрүүл мэндээрээ хохирсон байна. Зорилго: Өсвөр насны хүүхдүүдийн замын хөдөлгөөний аюулгүй байдлын талаарх мэдлэгийг тодорхойлох. Материал ба арга зүй: Судалгааг аналитик судалгааны агшингийн загвараар хийж гүйцэтгэв. Судалгаанд Улаанбаатар хотын Хан-Уул, Сонгинохайрхан, Сүхбаатар, Баянзүрх, Чингэлтэй зэрэг 5 дүүргийн Ерөнхий боловсролын сургуулийн 5-12 ангийн 1061 сурагчдыг санамсаргүй түүвэрлэлтийн аргаар хамруулж, 39 асуулт бүхий асуумжаар мэдээллийг цуглуулан, статистик боловсруулалтыг SPSS 22 программыг ашиглан хийв. Үр дүн: Судалгаанд нийт 1061 сурагчид хамрагдсан бөгөөд сурагчдын 60%(637) нь эмэгтэй, 40%(424) нь эрэгтэй байв. Оролцогчдын 73.3%(778) нь дунд бүлгийн буюу 5-9 ангид сурч байв. Судалгаанд оролцсон сурагчдын эцэг, эхчүүдийн дийлэнх нь бүрэн дунд болон дээд боловсролтой хүмүүс байв. Судалгаанд оролцогчид замын тэмдгийн талаар хангалттай мэдлэгтэй байсан бөгөөд улаан, ногоон гэрлэн дохионы илэрхийллийг 99.3%, явган хүний гарцыг анхааруулсан тэмдэглэгээг 56%, явган хүн явахыг хориглосон тэмдэглэгээг 96.5%, сургууль орчмын бүсийг мэдээлсэн тэмдэглэгээг 95.5%, унадаг дугуйг мэдээлсэн тэмдэглэгээг 93.3 хувь нь мэдэж байв. 97.3% нь автомашинаар зорчихдоо суудлын бүс хэрэглэхийг мэддэг, унадаг дугуй унахдаа хамгаалах хэрэгсэл хэрэглэх шаардлагатайг 90.3%(958) нь мэддэг байсан бөгөөд сурагчдын хамгаалах хэрэгсэл хэрэглэх мэдлэгийг хүйсээр нь харьцуулахад охидыг бодвол хөвгүүдэд харьцангуй муу байсан. Дүгнэлт: Улаанбаатар хотын өсвөр насны хүүхдүүдийн замын тэмдэг, тэмдэглэгээ, автомашинаар болон дугуйгаар зорчихдоо хамгаалах хэрэгсэл хэрэглэх талаар мэдлэгийн түвшин өндөр хэдий ч хамгаалах хэрэгслийн мэдлэгийг хүйсээр нь харьцуулахад охидыг бодвол хөвгүүдийн мэдлэг дутмаг байна.
Introduction: At the international level, trafÏc accidents are one of the leading causes of death among children and youth aged 5-29, and by 2030, trafÏc accidents are expected to be one of the top five causes of death in the general population. In Mongolia, 2019, total of 819 children were involved in trafÏc accident, 49 of them died and 770 of them were injured. Objectives: We aimed to evaluate knowledge and attitude of adolescents regarding trafÏc safety. Material and methods: Total of 1061 students who were 5-12th grade from General education schools of Khan-Uul, Songinokhairkhan, Sukhbaatar, Bayanzurkh and Chingeltey district at Ulaanbaatar were included by randomized method in the study. Moreover, questionnaire consists of 39 items were used to collect data and statistical analysis was made by SPSS 22 software. Results: Female students were equal to 60%(637) of total 1061 students. Furthermore, 73.3%(778) of them were studying at 5-9th grade. Major part of participants’ parents earned high school and higher education. Participants were highly aware of trafÏc signs and 99.3%; 56%; 96.5% and 93.3% were aware of trafÏc lights such as red and green, pedestrian sign, no pedestrian sign, school zone sign and bicycle trafÏc sign, respectively. Moreover, 97.3% of participants were aware of fastening seat belts while on the road and 958(90.3%) of them were aware of wearing protective gear while riding bicycle. Conclusion: Although information level regarding trafÏc signs and importance of wearing protective gear and fastening seat belts was higher among adolescents, in comparison with females, the level of the knowledge was lower among males.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/403
Эшлэл
Б.Дагийжав, Л.Хоролсүрэн, О.Баасандулам, Д.Оюунбилэг. Улаанбаатар хотын өсвөр насны хүүхдүүдийн замын хөдөлгөөний аюулгүй байдлын талаарх мэдлэгийн түвшинг үнэлэх нь. Эрүүл мэндийн шинжлэх ухаан. 2021;17(6):158-161.