Loading...
Амаар амьсгалах зуршлыг зуултын гажгийн байдалтай холбон судлах нь
Зохиогч
Он
2022 оны дөрөвдүгээр сарын 28
Төрөл
journal article
Journal
Эрүүл мэндийн шинжлэх ухаан
Volume
18
Issue
1
Start Page
7
End Page
9
ISSN
2959-6947
Хураангуй
Үндэслэл: Амаар амьсгалах нь хэвийн бус үйл төдийгүй ийм зуршилтай хүмүүсийн хувьд шүд, эрүү нүүрний өсөлт хөгжил нь зөөлөн эдийн буруу үйл ажиллагаатай холбоотойгоор тэнцвэртэй бус явагддагаас гадна энэ байдал удаан үргэлжилснээр нүүр урт болж, нуруу бөгтийдгийг олон улсад хийгдсэн судалгааны үр дүнгээс харж болно. Уг сэдвээр Монгол улсын хэмжээнд хийгдсэн судалгаа байхгүй нь энэхүү судалгааг хийх үндэслэл болсон юм. Зорилго: Амьсгалах хэлбэрийг шүдний зуултын гажигтай холбон судлах. Арга, аргачлал: Уг судалгааг Монгол улсын газарзүйн бүсчлэлийн дагуу 4 бүсийн 8 аймаг, Улаанбаатар хотын 6 дүүргийг хамруулан хийж буй МонТаймЛайн төслийн хүрээнд 2000 хүний мэдээлэлд тулгуурлан хүн амд суурилсан, санамсаргүй түүврийн, ретроспектив судалгааны загвараар хийж, судалгааны үр дүнгийн тоон үзүүлэлтүүдийг боловсруулахдаа SPSS 21.0 программыг ашиглан хийж гүйцэтгэсэн. Үр дүн: Судалгаанд нийт 702 хүн түүвэрлэн авсны 31.2% нь эрэгтэй, 68.8% нь эмэгтэйчүүд байгаа бөгөөд эмэгтэйчүүд дийлэнх хувийг эзэлж байна. Судалгаанд хамрагдагсдын амьсгалын хэлбэрийг заалхай зуулттай харьцуулан авч үзбэл амаар амьсгалах зуршилтай иргэдийн 13.6%, хамраар амьсгалдаг иргэдийн 4.6% нь заалхай зуулттай байна. Харин амьсгалах хэлбэрийг арааны хоршилттой харьцуулан авч үзбэл амаар амьсгалах зуршилтай иргэдийн 53.1% нь зуултын 1-р хэлбэр (C1), 37% нь зуултын 2-р хэлбэр (C2), 9.9% нь зуултын 3-р хэлбэрийн (C3) араа шүдний хоршилттой байсан бол хамраар амьсгалдаг иргэдийн 64.3% нь C1, 25.7% нь C2, 10% нь C3 ангиллын араа шүдний хоршилттой байна. Дүгнэлт: Судалгааны үр дүнд харьцуулсан судалгаа хийж хи квадрат тестээр тооцоолоход амьсгалах хэлбэр нь заалхай зуулт (р=0.001) болон арааны хоршилттой (р=0.017) хамааралтай байна.
Background: Many years of research have shown that facial growth is unbalanced in people with oral breathing habits due to soft tissue dysfunction. No research on this topic has been conducted in Mongolia, which is the basis for this study. Aim: To study the pattern of respiration in relation to malocclusion. Materials and Methods: The survey was conducted using a population-based, randomized, retrospective survey model using SPSS 21.0 software based on data from 2,000 people collected under the MonTimeLine project, which covers 8 provinces in 4 regions and 6 districts of Ulaanbaatar, according to Mongolian geographical zoning. Results: A total of 702 people were sampled, of which 219 (31.2%) were men and 483 (68.8%) were women, with the majority being women. Comparing the respiratory status of the respondents with open bite, 13.6% of the mouth breathers and 4.6% of the nasal breathers have an open bite. If we compare the respiratory status with the molar relation, 53.1% of the mouth breathers had C1, 37% had C2, 9.9% had C3, while 64.3% of nasal breathers had C1, 25.7% had C2 and 10% had C3. Conclusion: A comparative study of the results of the study and the use of the chi-square test showed that the respiratory status was statistically significant with open bite (p=0.001) and the molar relation (p=0.017).
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/530
Эшлэл
А.Мөнхтуяа, Ж.Цолмон, Б.Од. Амаар амьсгалах зуршлыг зуултын гажгийн байдалтай холбон судлах нь. Эрүүл мэндийн шинжлэх ухаан. 2022;18(1):7-9.