Loading...
Коронавируст халдварын (COVID-19) үед тохиолдох мэдрэлийн эмнэлзүйн илрэлийг эмнэлэгт хэвтэн эмчлүүлэгчдийн дунд судалсан нь
Зохиогч
Он
2022 оны дөрөвдүгээр сарын 28
Төрөл
journal article
Journal
Эрүүл мэндийн шинжлэх ухаан
Volume
18
Issue
1
Start Page
86
End Page
95
ISSN
2959-6947
Хураангуй
Covid-19 халдварын үеийн мэдрэлийн эмнэлзүйн илрэлийн талаар мэдээлэл үргэлжлэн гарсаар байгаа нь судлаачдын анхаарлыг татаж байна. Зорилго: SARS-CoV-2 халдвараар эмнэлэгт хэвтэн эмчлүүлэгчдэд тохиолдох мэдрэлийн эмнэлзүйн илрэлийн хэлбэр, түүний давтамжийг судлахад оршино. Арга, аргачлал: Судалгаанд 2021 оны 6-р сарын 27-ноос 2021 оны 7-р сарын 27-ны хугацаанд COVID-19 халдварын улмаас эмнэлэгт хэвтэн эмчлүүлсэн 18-аас дээш насны 113 үйлчлүүлэгчдийг проспектив аргаар даган судалж, мэдрэлийн эмнэлзүйн илрэлийн шинж төрхийг эмнэлэгт хэвтэх үед илэрсэн, эмнэлэгт хэвтсэнээс хойш 24 цагийн дараа илэрсэн хоёр бүлгээр хүн амзүй, хавсарсан эмгэг, өвчний хүндийн зэрэг, лабораторийн шинжилгээний үзүүлэлтээр харьцуулан авч үзэв. Үр дүн: Судалгаанд хамрагдсан COVID-19 халдвартай 113 үйлчлүүлэгч эмнэлэгт хэвтсэний дотор 86 (76.1%) тохиолдолд мэдрэлийн шинжтэмдэг хэд хэдэн хэлбэрээр илрэв. Мэдрэлийн талаас илэрсэн хамгийн түгээмэл шинжүүдийн давтамжийг авч үзвэл толгой өвдөх (56.3%), амтлахуйн алдагдал (29.2%), үнэрлэхүйн алдагдал (20,4%), булчингийн өвдөлт (13.3%), толгой эргэх хөдлөл (6.2%), невралги (4.4%), тэнцвэргүйдэл (3.5%) зэрэг нь дангаар буюу хавсарсан шинж төрхөөр илэрч байв. Мэдрэлийн шинжүүд эмнэлэгт хэвтсэнээс хойш 24 цагийн дараа илэрсэн бүлэгт (хэвтэх үеийн илрэлтэй харьцуулахад) өвчний явц илүү хүнд байв (88.6% vs 59.5%, p=0.025). Халуурах, амьсгал давчдах, ханиалгах, хамар битүүрэх, гүйлгэх, суулгах зэрэг шинжтэмдгүүд нь дор хаяж нэг мэдрэлийн хүрээний эмгэг үүсэх эрсдэлийг дагуулж, харин хавсарсан эмгэг нь нэг мэдрэлийн эмгэгийн эрсдэлд хүргэхгүй байв (p>0.05). Дүгнэлт: COVID-19 халдварын үед мэдрэлийн илрэл харьцангуй өндөр давтамжаар хавсран тохиолдох төдийгүй вирусийн халдварыг оношлохоос өмнө эсвэл хүндрэл хэлбэрээр явагдаж байгаагийн дотор толгой өвдөлт, амтлахуй, үнэрлэхүйн алдагдал, булчингийн өвдөлт давамгайлан илэрч байна. Мэдрэлийн шинжүүд COVID-19 халдварын эмнэлзүйн явцад илэрсэн тохиолдолд өвчний явц илүү хүнд байна.
Background: SARS-CoV-2 virus-related neurological manifestations are being reported more and more frequently in the scientific literature. Aim: To investigate the neurological findings in hospitalized patients with Coronavirus disease 2019 (COVID-19). Materials and Methods: We conducted a single-center prospective observational study of consecutive adult patients with COVID-19, supported with laboratory tests who were admitted from June 27 to July 27, 2021 at an isolation center functioning as a public acute-care hospital during the COVID-19 pandemic in Ulaanbaatar, the capital city of Mongolia. Detailed neurological examinations and evaluations of all patients were performed. Patients were categorized into 2 groups based on timing of developing neurological manifestations: the “Neuro first” group had neurological manifestations upon initial assessment, and the “COVID-19 first” group developed neurological symptoms greater than 24 h after hospitalization. The demographics, comorbidities, disease severity and neurological symptoms and diagnoses of both groups were analyzed. Statistical analysis was performed to compare the two groups. Results: Of 113 patients with COVID-19 hospitalized during study period, neurological findings were present in 86 (76.1%) patients. The most common neurological manifestations were headache (56.3%), hypogeusia or ageusia (29.2%), hyposmia or anosmia (20.4%), myalgia (13.3%), dizziness (6.2%), neuralgia (4.4%) and ataxia (3.5%). The “COVID-19 first” group had more evidence of neurologic disturbances with a more severe disease course than “Neuro first” group (88.6% vs 59.5%, p 0.025). Presence of at least 1 neurological symptom was indepently associated with fever, dyspnea, cough, nasal congestion, or diarrhea, but not with comorbid condition (p<0.05). Conclusions: Neurologic manifestations of COVID-19 are variable and can occur prior to the diagnosis of or as a complication of the viral infection. Headache, hypogeusia or ageusia, hyposmia or anosmia and myalgia were common seen neurological manifestations in this disease. Despite similar baseline comorbidities and demographics, the COVID-19 patients who developed neurologic symptoms later in hospitalization had more severe disease courses.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/549
Эшлэл
Ц.Дэлгэрмаа, Т.Ганцэцэг, Х.Алтайсайхан, Г.Цагаанхүү. Коронавируст халдварын (COVID-19) үед тохиолдох мэдрэлийн эмнэлзүйн илрэлийг эмнэлэгт хэвтэн эмчлүүлэгчдийн дунд судалсан нь. Эрүүл мэндийн шинжлэх ухаан. 2022;18(1):86-95.