Loading...
Нүүрний тэгш хэмийн алдагдлын зөөлөн эдийн шинж чанарыг тодорхойлсон байдал
Зохиогч
Б.Цэнд-Аюуш
С.Болормаа
Он
2022 оны дөрөвдүгээр сарын 28
Төрөл
journal article
Journal
Эрүүл мэндийн шинжлэх ухаан
Volume
18
Issue
1
Start Page
114
End Page
117
ISSN
2959-6947
Хураангуй
Нүүрний тэгш хэм гэдэг нь босоо хавтгайн дагуу нүүрний бүрэлдэхүүн хэсгүүд хоорондоо хэлбэр, хэмжээ, байршил, зохион байгуулалтын хувьд бүрэн тохирохыг хэлдэг. Гэсэн хэдий ч хөгжлийн үйл явцад биологийн хүчин зүйлүүд болон хүрээлэн буй орчны тэнцвэрт бус байдлын нөлөөнөөс хоёр талын төгс тэгш хэм ховор байдаг. Зорилго: Нүүрний тэгш хэмийн алдагдлын субьектив үнэлгээнд нөлөөлдөг зөөлөн эдийн зарим хүчин зүйлийг тодорхойлох. Арга, аргачлал: Бид цуглуулсан мэдээ, материалыг агшингийн судалгааны загвар ашиглан тоон үзүүлэлтэд боловсруулалт хийлээ. Үүнээс судалгаанд хамрагдах болон хасагдах шалгуурыг үндэслэн 77 хүнийг хамруулан нүүр амны гажиг заслын нарийн мэргэшсэн эмч нарын баг 100мм-ийн харааны аналог хэмжүүрээр нүүрний тэгш бус хэмийг субьектив байдлаар нүүрний тэгш хэмтэй болон тэгш хэмийн алдагдал багатай, дунд зэргийн алдагдалтай, их хэмжээний алдагдалтай гэсэн 3 бүлэгт хуваан үнэлсэн. Сонгогдсон фото зурган дээр анатомийн 11 цэг, 10 шулууныг ашиглан 9 өнцгийн 2 шугаман хэмжилт хийж хамаарлыг тодорхойлсон. Үр дүн: Нүүрний тэгш хэмийн алдагдлыг субьективээр үнэлэхэд 52% нь хэвийн болон бага зэргийн тэгш хэмийн алдагдалтай, 29% нь дунд зэргийн тэгш хэмийн алдагдалтай, 19% нь их хэмжээний тэгш хэмийн алдагдалтай байв. Уруул хазайх (p<0.005), чихний түвшин өөр байх (p<0.029), хамар мурийх (p<0.004), ооч далийх (p<0.001), эрүүний салааны өндрийн зөрүү (p<0.043) зэрэг хэмжилтүүд нь бүлгүүдийн дунд ач холбогдол бүхий ялгаатай байсан. Статистикийн хувьд ач холбогдолтой түвшинд ялгаатай 5 хэмжилтийн утгуудыг нүүрний тэгш хэмийн алдагдлын субьективээр үнэлсэн бүлгүүдийн хооронд харьцуулахад 1 дүгээр бүлгээс 3 дугаар бүлэг хүртэл хэмжилтийн утгууд өссөн байв. Дүгнэлт: Бид зөөлөн эдийн уруул хазайх, чихний түвшин өөр байх, хамар мурийх, ооч далийх, эрүүний салааны өндрийн зөрүү зэрэг үзүүлэлтүүдийг нүүрний тэгш хэмийн алдагдлын субьектив үнэлгээнд нөлөөлдөг гэж үзэж байна.
Background: Many human body parts undergo development with bilateral symmetry. This implies that the right and left sides can be divided into identical mirror images. However, due to biological factors inherent to processes of development as well as environmental disturbances, perfect bilateral symmetry is rarely found. Aim: Determine soft tissue characteristics affect the subjective assessment of facial asymmetry. Materials and Methods: The collected data and materials were processed using cross sectional study model. 77 participants were selected based on the criteria of study, 5 orthodontist assessed subjectively facial asymmetry used a 100mm visual analog scale. The scale was divided into 3 equal groups. Group 1 included patients with the least facial asymmetry, group 2 included patients with moderate facial asymmetry and group 3 included patients with the most facial asymmetry. We used 11 landmarks, 10 lines to measured 9 angle and 2 line measurement. Results: In subjective assessment of facial asymmetry, 52% had normal and mild asymmetry, 29% moderate asymmetry, 19% severe asymmetry. Lip canting (p<0.005), otobasion canting (p<0.029), nose deviation (0.004), chin deviation (0.001), ramus inclination difference (p<0.043) had significant differences between the groups. The measurement values increased from group 1 to group 3 while 5 measurements compared with between groups subjectively assessed facial asymmetry. Conclusion: We concluded that lip canting, otobasion canting, nose deviation, chin deviation, ramus inclination difference affect subjective assessment of facial asymmetry.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/555
Эшлэл
Б.Цэнд-Аюуш, С.Болормаа. Нүүрний тэгш хэмийн алдагдлын зөөлөн эдийн шинж чанарыг тодорхойлсон байдал. Эрүүл мэндийн шинжлэх ухаан. 2022;18(1):114-117.