Loading...
КОВИД-19 өвчний дотоодын болон зөөвөрлөгдсөн халдварын эмнэлзүйг харьцуулан судалсан дүн
Зохиогч
Б.Цолмон
Д.Наранзул
Г.Саранхүү
Б.Саруул
С.Цогтсайхан
Р.Оюунгэрэл
Он
2024 оны гуравдугаар сарын 20
Төрөл
journal article
Journal
Эрүүл мэндийн шинжлэх ухаан
Volume
20
Issue
3
Start Page
42
End Page
48
ISSN
2959-6947
Хураангуй
Үндэслэл: КОВИД-19 өвчнийг эрт илрүүлэх, эмнэлзүйн илрэлийг зөв үнэлж шинжлэх нь SARS-CoV-2 вирусийн шалтгаант хүндрэл, нас баралтыг бууруулах ач холбогдолтой. КОВИД-19 цар тахлын эхэн үед Монгол улс гадаадаас ирсэн хүн бүрийг илрүүлэг шинжилгээнд хамруулж, тусгаарлан, эмчилснээр 8 сар дотоодын халдвар тархаагүй юм. Зорилго: КОВИД-19-ийн дотоодын болон зөөвөрлөгдсөн тохиолдлын эмнэлзүйг харьцуулан судлах. Арга, аргачлал: КОВИД-19 өвчний гадаадаас зөөвөрлөгдсөн 276, дотоодод тархсан халдварын 1024 тохиолдлыг судалгаанд хамруулав. Судалгааны материалд ХӨСҮТ-д хэвтэн эмчлүүүлсэн өвчний түүхийг ашиглаж, үр дүнг R Studio 4.1.3 програмаар шинжлэв. Ингэхдээ АШУҮИС-ийн судалгааны ёс зүйн хяналтын хорооны 2021/3-06 хурлаар зөвшөөрөл авч хийж гүйцэтгэв. Үр дүн: Бид КОВИД-19 өвчний зөөвөрлөгдсөн тохиолдлын үед залуучуудын өвчлөл (дундаж нас 26.5±11.2 жил) болон асимптоматик хэлбэр (36.9%) дотоодын халдвартай харьцуулахад (дундаж нас 38.9±21.7 жил, p<0.001 болон 12.1%, p<0.001) харьцуулахад илүү тохиолдож байв. Хүйсийн хувьд зөөвөрлөгдсөн тохиолдолын дунд эрэгтэйчүүд давамгайлж (67.8%) байсан бол дотоодын халдварын үед эмэгтэйчүүд давамгайлж (57.8%) байлаа (p<0.001). Симптоматик хэлбэр зөөвөрлөгдсөн халдварын үед 63.1%, дотоодын тохиолдлын дунд 87.9% тодорхойлогдсон бөгөөд эмнэлзүйн хөнгөн хэлбэр 30.5% ба 28.5%, дунд - 32.6% ба 37.8% байсан бол зөөвөрлөгдсөн халдварын үед хүнд болон нэн хүнд хэлбэр бүртгэгдээгүй бол дотоодын КОВИД-19 өвчний үед 18.5% ба 3.1% тус тус байв. Эмнэлзүйн хувьд зөөвөрлөгдсөн тохиолдолд ханиах шинж 19.2%-д илэрсэн бол дотоодын халдварын үед 60.9%, халуурах -13.4% ба 29.2%, толгой өвдөх -14.9% ба 33.7%, дотор муухайрах шинж 3.9% ба12.2%, цээжээр өвдөх -5.1% ба 20.8%, амьсгал олшрох -1.1% ба 27.3% буюу дотоодын халдварын үед эмнэлзүйн шинж тэмдэг илүү (p<0.001), тод ажиглагдаж байв. Дүгнэлт: Монгол улсад КОВИД-19 цартахлын дэгдэлтийн тархалтаас сэргийлэх арга хэмжээг эрт эхлүүлсэний үр дүнд зөөвөрлөгдсөн тохиолдлын дунд асимтоматик, хөнгөн хэлбэр зонхилж байна.
Background: Early detection of COVID-19 disease and proper evaluation and analysis of clinical manifestations are important to reduce complications and mortality caused by SARS-CoV-2 virus. At the beginning of the COVID-19 pandemic, Mongolia did not spread domestic infections for 8 months by screening, isolating, and treating everyone who came from abroad. Aim: To compare the clinical presentation of domestic and transported cases of COVID-19. Materials and Methods: 276 cases of COVID-19 transmitted from abroad and 1024 cases of domestically spread infection were included in the study. In the research material, the medical history of patients hospitalized in the National Hospital of the National Medical Center was used, and the results were analyzed with the R Studio 4.1.3 program. Approval was obtained at the 2021/3-06 meeting of the Ethics Control Committee of MNUMS. Results: In transmitted cases of COVID-19, younger age (mean age 26.5±11.2) and asymptomatic form (36.9%) occurred more often than in domestic infections (mean age 38.9±21.7 years, p<0.001 and 12.1%, p<0.001). In terms of gender, males predominated (67.8%) in transmitted cases, while females predominated (57.8%) in domestic infections (p<0.001). Symptomatic form was 63.1% in transmitted infection, 87.9% among domestic cases, mild clinical form was 30.5% and 28.5%, moderate - 32.6% and 37.8%, while severe and very severe form was not recorded in transmitted infection, 18.5% in domestic COVID-19 disease. and 3.1% respectively. Clinically, cough symptoms were found in 19.2% cases, while in domestic infections - 60.9%, fever -13.4% and 29.2%, headache -14.9% and 33.7%, nausea - 3.9% and 12.2%, chest pain - 5.1%. and 20.8%, shortness of breath -1.1% and 27.3%, or clinical symptoms were more pronounced (p<0.001) during domestic infection. Conclusion: As a result of the early initiation of measures to prevent the spread of the COVID-19 epidemic in Mongolia, asymptomatic and mild forms prevail among transported cases.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1022
Эшлэл
Б.Мөнх-Ундрах, Г.Хоролгарав, Б.Цолмон, Д.Наранзул, Л.Энхсайхан, Ц.Чинбаяр нар. КОВИД-19 өвчний дотоодын болон зөөвөрлөгдсөн халдварын эмнэлзүйг харьцуулан судалсан дүн. Эрүүл мэндийн шинжлэх ухаан. 2024;20(3):42-48.