Loading...
Уруул тагнайн төрөлхийн сэтэрхийтэй өвчтөний мэс заслын дараах ясны гаралтай III хэв шинжтэй зуултын гажгийг гажиг заслын авагддаггүй зэмсгээр эмчилсэн эмнэлзүйн тохиолдлын үр дүн
Зохиогч
Он
2025 оны нэгдүгээр сарын 1
Төрөл
journal article
Journal
Эрүүл мэндийн шинжлэх ухаан
Volume
21
Issue
3
Start Page
97
End Page
102
ISSN
2959-6947
Хураангуй
Удиртгал: Уруул тагнайн төрөлхийн сэтэрхий (УТТС) нь хүзүү толгойн орчим тохиолдох нийт гаж хөгжлийн 65%-ийг эзэлдэг. Монгол улсад уруул тагнайн сэтэрхийн тархалт 1000 амьд төрөлтөд 0.93-1 орчим тохиолддог гэсэн судалгааны үр дүн байдаг. Энэ нь олон улсын дундажтай ойролцоо боловч Ази тивийн улс орнуудын дунджаас өндөр үзүүлэлттэй байна. Уруул тагнай сэтэрхий нь хүйсийн хувьд эрэгтэйд эмэгтэйгээс 2 дахин их тохиолддог. Уруул тагнайн сэтэрхийтэй хүүхэд төрсөн цагаасаа эхлэн 20 ба түүнээс дээш жил эмнэлгийн төрөл бүрийн тусламж үйлчилгээнд хамрагдаж явдаг ба түүний дотор уруул тагнай нөхөх мэс заслын эмчилгээ, шүд эрүү нүүрний гажиг заслын эмчилгээ чухал ач холбогдолтой байдаг. Оношилгоо: Үйлчлүүлэгч 15 настай, эрэгтэй төрөлхийн уруул тагнайн сэтэрхийтэй. 9 настайдаа уруул тагнайн сэтэрхий нөхөх мэс засалд орсон ба 2022 оны 05 сарын байдлаар хоншоорын дутуу хөгжилтэй, үүдэн шүдний эгнээ бөөгнөрөлтэй, 2 талын араа болон үүдэн хэсгийн холимог хэлбэрийн зөрмөл зуулттай ясны гаралтай хавсарсан шаамий зуулттай байсан.Гавлын хажуугийн телерентген зурагт гарах гавал нүүрний ясны бүтцүүдийг компьютер программын хамгийн сүүлийн үеийн өндөр нарийвчлалтай программаар харьцуулан дүгнэсэн. Мөн загвар хэмжилзүйн аргуудыг хослуулан ашиглаж оношилгоо хийсэн. Эмчилгээ: 2022 оны 10 сард гажиг заслын эмчилгээг эхэлсэн. Гажиг заслын авагддаггүй Өөрөө түгжигддэг МВТ.33.0.022 слоттой бракет системийг /ӨТБС/ эмчилгээндээ ашигласан. Эхний сард Си№Т 0.014 нум болон зөрмөл зуулт засах резинийг зүүн талын дээд, доод соёо шүднээс 2 сар зүүлгэсэн. 2022 оны 12 сарын 10-нд хоншоор, эрүүний нумыг Си№Т 0.014*25 болгосон мөн зай гаргах пүрш хийж идэвхжүүлсэн. Дараагийн саруудад хоншоор, эрүүний нумд 3 3 нум болон ТМА нумуудыг ашиглан шүдний хэвийн зуулт үүсгэх эмчилгээг хийсэн. Эмчилгээнии үр дүн: Нийт эмчилгээний хугацаанд үйлчлүүлэгчийн соёо шүд болон нэгдүгээр их араа шүднүүдийн харьцаа класс I буюу хэвийн хоршилттой болсон мөн дээд, доод үүдэн шүднүүдийн өнцөг гавлын хажуугийн рентген зургийн хэвийн утгад хүрсэн ба хоншоорын нумын нарийсал тэлэгдэж дугуй хэлбэртэй болсон. Мөн шүд авалгүйгээр шүдний эгнээний бөөгнөрөл засарсан мөн зуултын хөндлөн болон дагуу зөрүү нэмэгдсэн байна. Дүгнэлт: Бид энэхүү эмнэл зүйн тохиолдлоороо нэг талын уруул тагнайн сэтэрхийтэй өвчтөнд гажиг заслын эмчилгээг хийснээр шүдний эгнээний гажгийг засажхэл яриа, гоо зүйг сэргээн, бие бялдрын хөгжлийг дэмжин, үйлчлүүлэгчийн сэтгэл зүй болон амьдралын чанарыг сайжруулахад нэн чухал шаардлагатай гэдгийг харуулж байна.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/142
Эшлэл
М.Хонгорзул, О.Бүрэнжаргал, Н.Ганнаран, С.Болормаа. Уруул тагнайн төрөлхийн сэтэрхийтэй өвчтөний мэс заслын дараах ясны гаралтай III хэв шинжтэй зуултын гажгийг гажиг заслын авагддаггүй зэмсгээр эмчилсэн эмнэлзүйн тохиолдлын үр дүн. Эрүүл мэндийн шинжлэх ухаан. 2025;21(3):97-102.
Түлхүүр үг