Loading...
Хүүхдийн сэтгэл хөдлөлийн чадварт амьдрах орчны нөлөөллийг судалсан үр дүн
Зохиогч
Он
2024 оны арван нэгдүгээр сарын 7
Төрөл
journal article
Journal
Эрүүл мэндийн шинжлэх ухаан
Volume
20
Issue
7
Start Page
168
End Page
171
ISSN
2959-6947
Хураангуй
Үндэслэл: Хөгжиж буй орнуудад хар тугалгын хордлого нийгмийн эрүүл мэндийн тулгамдсан асуудал хэвээр байна. Монгол хүүхдийн цусанд агуулагдах хар тугалгын хэмжээ 2005 онд тодорхойлсноор 1999 оныхоос 16 дахин ихэссэн нь тогтоогдсон байна. 16 дахин ихэссэн нь тогтоогдсон байна. Хар тугалга нь амьдрах орчин, ундны ус, агаар, хөрс ахуйн зүйлээр дамжин биед хуримтлагдсанаар эмнэлзүйд сэтгэлзүй тогтворгүйтэн сэтгэл хөдлөлийн сөрөг илрэл нэмэгдэх, амархан уурлаж цочромтгой болох, анхаарал сулрах зэргээр өөрчлөгддөг болохыг судлаачид дурдсан байдаг. Хар тугалгын бие махбод дахь хэмжээг тодорхойлохдоо цус, цусан бүтээгдэхүүн, сийвэн, яс, улаан эсийн протопорфирин, хөлс, шүд, шээс, хумс, үсэнд тус тус шинжилдэг байна. Үсийг шинжлэх нь биед агуулагдах микроэлементийн түвшинг тодорхойлох хямд инвазив бус арга. Сэтгэл хөдлөлийн чадвар нь өөрийгөө таньж мэдэх, удирдах, идэвхжүүлэх, бусдыг ойлгох, бусадтай харилцах чадваруудын нийлбэр юм. Хүний сэтгэл хөдлөлийн чадвар нь насан турш хөгжиж байдгаараа онцлогтой. Хүүхдийн сэтгэл хөдлөлийн чадварыг амьдрах орчинтой уялдуулсан судалгаа манай улсад ховор байгаа нь бидний судалгааны үндэслэл боллоо. Зорилго: Улаанбаатар хотын 8-15 насны хүүхдийн сэтгэл хөдлөлийн чадварт амьдрах орчин хэрхэн нөлөөлөхийг судлах. Арга, аргачлал: Бид Улаанбаатар хотын зарим дүүргийн 8-15 насны 169 хүүхдийг сэтгэл хөдлөлийн чадварын сорил, үсний шинжилгээнд хамруулсан ба АШУҮИС-ийн Судалгааны ёс зүйн хяналтын хорооны хурлаар хэлэлцүүлж, судалгааг хийх зөвшөөрлийг авсан (2019/Д-06). Судалгааны үр дүнгийн тоон үзүүлэлтүүдийн статистик боловсруулалтыг SPSS-26. программ ашиглан хийж гүйцэтгэв. Үр дүн: Бидний судалгаанд хамрагдсан хүүхдийн 61.5%(104)-д үсэнд агуулагдах хар тугалгын дундаж агууламж 1.96±0.38 мкг/г буюу хүлцэх хэмжээнээс 2-3 дахин ихэссэн нь тодорхойлогдсон ба сэтгэл хөдлөлийн чадварыг үнэлэхэд эрэгтэй хүүхдийн дотоод сэтгэлгээний оноо 84.4±13 болж буурсан нь тогтоогдсон. Дүгнэлт: Хүүхдийн сэтгэл хөдлөлийн чадварыг Бар-Оны сорилоор үнэлэхэд дотоод найдвартай байдал хангалттай ба насны бүлэг (p=0.013), хүйс (хүмүүс хоорондын харилцаа p=0.003) хооронд статистик ач холбогдол бүхий ялгаатай ба охидод өндөр тодорхойлогдсон. Хүүхдийн үсэн дэх хар тугалгын агууламж амьдрах орчноос хамааралтай (p=0.05).
Background: Lead poisoning remains a major public health issue in developing countries. According to the study conducted in Mongolia, the lead content in children’s blood increased 16-fold between 1999 and 2005. Lead accumulates in the body through the living environment, drinking water, air and soil leading to symptoms such as increased negative emotions, easiness of anger issues, irritability, lack of attention, and mood swings. Lead levels are analyzed in various biological samples, including blood, blood products, plasma, bone, red blood cell protoporphyrin, teeth, urine, nails, and hair. Emotional quotient (EQ) encompasses self-awareness, management, activation, understanding, and interpersonal skills, and it develops throughout a person’s life. Our study aims to address the relation of children’s emotional quotient to lead level in a hair of children. Aim: To explore the influence of the life environment on the emotional quotient of children aged 8-15 in Ulaanbaatar Materials and Methods: In this study, 169 children aged 8-15 from various districts of Ulaanbaatar were involved. ICPMS was used to determine lead concentrations in hair samples from the participants. The Bar-On Emotional Quotient Inventory Youth Version (EQ-i) test, consisting of 60 questions across 7 groups, was used to assess emotional ability. Results:. Total of 169 children included in our study, 47.3% (80) lived at home, 52.7% (89) lived in apartments, 49.7% (84) were boys, 50.3% (85) were girls, and the average age was 11.91±2.13 years. The age and gender distribution of emotional competence was unevenly distributed when calculated using the Kolmogorov-Smirnov method (p=0.0001). Conclusion: Cronbach’s alpha reliability coefÏcient was acceptable. EQ-i test score in girls was significantly higher than in boys. In 61.5% (104) of our study participants, the mean hair lead level was 1.96±0.38 µg/g, which is 2-3 times elevated above age-matched level. Additionally, an increase in hair lead level in boys was associated with a decrease in interpersonal scale score
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1160
Эшлэл
Н.Бат-Уянга, Н.Мягмарзул, З.Хишигсүрэн, О.Болормаа, М.Энхзол. Хүүхдийн сэтгэл хөдлөлийн чадварт амьдрах орчны нөлөөллийг судалсан үр дүн. Эрүүл мэндийн шинжлэх ухаан. 2024;20(7):168-171.