Loading...
Ахиллийн шөрмөсний мэс заслын дараах шагайн үений хөдөлгөөний хязгаарлалт болон динамик тэнцвэрийн холбоо хамаарлыг үнэлсэн нь
Зохиогч
С.Дөлгөөн
Он
2025 оны арван хоёрдугаар сарын 5
Төрөл
journal article
Journal
Эрүүл мэндийн шинжлэх ухаан
Volume
21
Issue
6
Start Page
18
End Page
22
ISSN
2959-6947
Хураангуй
Үндэслэл: Ахиллийн шөрмөсний тасрал нийт шөрмөсний гэмтлийн 10.7%-ийг эзэлдэг бол гэнэтийн осол гэмтлийн 47%-ийг үүсгэдэг болохыг судлаачид тогтоосон байна.4,5 Ахиллийн шөрмөс тасрал нь тамирчдад зонхилон тохиолддог хэдий ч бие махбодын онцлог, нас, хүйс зэрэг дотоод зүйлээс шалтгаалан 30-50 насанд ахиллийн шөрмөсний уян хатан чанар буурч, гэмтэх эрсдэл их байдаг. Дэлхийн эрүүл мэндийн байгууллагын тайлан мэдээнд дурдсанаар, ахиллийн шөрмөсний тасрах тохиолдол жилд дунджаар 100,000 ам тутамд 7-40 тохиолдол илэрдэг байна. Зорилго: Шагайн үений далайцын хязгаарлалт болон тэнцвэрийн уялдаа хамаарлыг судлах. Арга, аргачлал: Нэг агшны судалгааны загварыг ашиглан, Сонгинохайрхан нэгдсэн эмнэлгийг түшиглэн ахиллийн шөрмөс залгуулах мэс засал хийлгэсэн нийт 60 эмчлүүлэгчийг судалгаанд хамруулсан. Ахиллийн шөрмөсний тасралын онооны 10 асуулт бүхий асуумж, шагайн нугалах далайцыг инклинометр багажаар, mSEBT сорилоор тэнцвэрийг үнэлсэн. Судалгааг SPSS-25.0 программыг ашиглан өгөгдөлд статистик дүн шинжилгээ хийсэн. Үр дүн: Судалгааны нийт оролцогчдын Ахиллийн шөрмөсний тасралын нийлбэр онооны дундаж нь 45.25±14.27 оноо байсан буюу хөдөлгөөний хязгаарлалт их түвшинд багтсан. Гэмтсэн хөлийн шагайн нугалах далайц 11.12±3.90 градус буюу эрүүл талтай харьцуулахад шагайн нугалах далайц статистик ач холбогдол бүхий буурсан байв. Эрүүл хөлийн шагайн нугалах далайц ба хойд баруун, зүүн чиглэлд тэнцвэрийн хооронд сул уялдаа хамаарал ажиглагдсан (p<0.05). Дүгнэлт: 1. Гэмтсэн хөлийн шагайн нугалах далайц эрүүл хөлийн нугалах далайцаас 3 дахин бага байсан. 2. Шагайн нугалах далайцын бууралт нь динамик тэнцвэртэй шууд хамааралгүй байна.
Background: Achilles tendon rupture accounts for approximately 10.7% of all tendon injuries, and has been reported to be responsible for 47% of acute sports-related injuries. Although Achilles tendon rupture is more commonly observed in athletes, intrinsic factors such as body composition, age, and sex contribute to decreased tendon elasticity between the ages of 30–50, increasing the likelihood of injury. According to the World Health Organization, the annual incidence of Achilles tendon rupture ranges from 7 to 40 cases per 100,000 population. Aim: To investigate the relationship between ankle range of motion limitations and dynamic balance performance in patients following Achilles tendon rupture. Materials and Methods: Using a cross-sectional study design. A total of 60 patients who underwent surgical repair for Achilles tendon rupture at Songino-khairkhan District General Hospital were included. The Achilles Tendon Total Rupture Score (ATRS) questionnaire (10 items) was used to assess self-reported functional status. Ankle dorsiflexion range of motion was measured using an inclinometer, and dynamic balance was assessed using the modified Star Excursion Balance Test (mSEBT). Statistical analyses were performed using SPSS version 25.0. Results: The mean ATRS score among participants was 45.25±14.27, indicating a high level of functional limitation. The dorsiflexion range of motion of the injured limb was 11.12 ± 3.90 degrees, which was significantly reduced compared to the non-injured side (p < 0.05). A weak correlation was observed between dorsiflexion range of motion of the uninjured ankle and dynamic balance in the posterolateral and posteromedial directions (p < 0.05). Conclusion: 1. The dorsiflexion range of motion in the injured ankle was three times lower than that of the uninjured side 2. The limited ankle dorsiflexion range of motion was not associated with dynamic balance performance.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1285
Эшлэл
С.Дөлгөөн, Б.Янжинсүрэн. Ахиллийн шөрмөсний мэс заслын дараах шагайн үений хөдөлгөөний хязгаарлалт болон динамик тэнцвэрийн холбоо хамаарлыг үнэлсэн нь. Эрүүл мэндийн шинжлэх ухаан. 2025;21(6):18-22.