Loading...
Умайн хүзүүний карциномын соронзон резонанст томографийн оношилгооны асуудалд
Зохиогч
Д.Уян-Эгшиг
Д.Мөнхбаатар
Д.Бархүү
Он
2019 оны арван нэгдүгээр сарын 18
Төрөл
journal article
Journal
Эрүүл мэндийн шинжлэх ухаан
Volume
16
Issue
2
Start Page
45
End Page
49
ISSN
2959-6947
Хураангуй
Үндэслэл: Манай улсад умайн хүзүүний карцином нь эмэгтэйчүүдийн дунд тархалтаараа элэгний хавдрын дараа буюу 2-рт ордог бөгөөд 2018 онд 372 шинэ тохиолдол бүртгэгдсэн нь 100 000 хүн амд 23.2 тохиолдож байна. Соронзон резонанст томографи (СРТ) нь умайн хүзүүний карциномын байрлал, хэмжээ, тархалт болон ойролцоох эрхтэн дэхь нэвчилтийг үнэлэхэд харьцангуй мэдээлэл сайтай, эмчилгээний тактикийг боловсруулахад чухал ач холбогдолтой шинжилгээнүүдийн нэг юм. Манай оронд умайн хүзүүний карциномын тохиолдол жил ирэх тусам нэмэгдэж байгаа төдийгүй СРТ-ийн аргаар умайн хүзүүний карциномыг оношлох судалгааны ажил харьцангуй ховор байгаа нь уг судалгааг хийх үндэслэл болсон. Зорилго: Умайн хүзүүний карциномыг СРТ-ийн аргаар оношлож, FIGO үнэлгээгээр үе шатыг тодорхойлох. Арга, аргачлал: Бид 2018 оны 01 сарын 01-нээс 2019-0801-ийг хүртэлх хугацаанд “Мед травма” эмнэлгийн Дүрс оношилгооны тасагт эмэгтэйчүүдийн бага аарцгийн СРТ-н шинжилгээ хийлгэсэн үйлчлүүлэгчдийн шинжилгээний зургаас умайн хүзүүний карциномын 47 тохиолдлыг түүвэрлэн ретроспектив судалгаа хийсэн. Үр дүн: Судалгаанд 27-72 насны нийт 47 хүн хамрагдсан бөгөөд дундаж нас 49.3±11,1 байв. 45-54 насны шинжлүүлэгч хамгийн их буюу 32%-ийг эзлэж байв. Хавдрын үе шатыг үнэлэхэд: FIGO IB үе шат 2/46 ( 4.3%), FIGO IIA үе шат 11/46 ( 24%), FIGO IIB үе шат 26/46 ( 56.5%), FIGO IVA үе шат 7/46 ( 15.2%) байв. Мэс засал хийлгэсэн 3 тохиолдлын 1/3 нь IB, 1/3 нь IIA, 1/3 нь IIB үе шаттай хавдрууд байсан. Дүгнэлт: СРТаар умайн хүзүүний карциномын байрлалыг тодорхойлоход умайн хүзүүний урд ба хойт хэсгийг хоёуланг нь хамарсан тохиолдол зонхилж байв. Карциномын үе шатыг шатыг FIGO үнэлгээгээр тодорхойлоход FIGO IIB үе шат хамгийн их, FIGO IB үе шат хамгийн бага хувьтай байв. Бидний судалгаанд мэс засал хийлгэсэн FIGO IB, IIA, IIB үе шаттай гурван тохиолдол байсан бөгөөд СРТ-аар тодорхойлсон үе шат хагалгааны дараах эмгэг гистологийн оноштой таарч байсан.
Objective: Cervical cancer is the second most common malignancy in Mongolian women. The aim of this study was to evaluate the role of magnetic resonance imaging (MRI) in the assessment of size, extension and staging of cervical malignancy. Materials and methods: Fourty seven females that had undergone pelvic MRI with untreated pathologically proven uterine cervical carcinoma were included in this retrospective study. The patients were 27-72 years of age and their average age was 49.3±11,1years. (mean age ± standard deviation) All patients were subjected to routine clinical staging work-up including physical examination, bimanual pelvic examination. MRI was performed 1.5 Closed MRI imager (Siemens Magnetom Essenza) using a body coil. The following sequences were obtained: axial,axial-obl, sagittal, coronal T2W, axial T1W, axial and coronal T2_FS, axial DWI, ADC map and after contrast axial, sagittal, coronal T1W. Intravenous gadolinium was given to all patients (GADOSCAN) in a dose of about 0.2 ml/kg. MRI images were evaluated in one session by two radiologists. Results: Histologic examination established that of 20 tumors, 14 (70%) were squamous cell carcinoma. According to the FIGO staging criteria, 2/46 patients (4,3%) were stage IB, 11/46 (24%) were IIA, 26/46 (56.5%) were IIB, 7/46 ( 15.2%) were IVA. Conclusion: MRI is an optimal non-invasive modality for evaluating of uterine cervical malignancy. MRI imaging of cervical carcinoma was in concordance with after surgery histopathologic staging in stages IB, IIA, IIB.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1333
Эшлэл
Д.Уян-Эгшиг, Д.Мөнхбаатар, Д.Бархүү. Умайн хүзүүний карциномын соронзон резонанст томографийн оношилгооны асуудалд. Эрүүл мэндийн шинжлэх ухаан. 2019;16(2):45-49.