Loading...
Толгойн анхдагч өвдөлтийн зарим дарамтыг судалсан нь
Зохиогч
Д.Болорцэцэг
Л.Отгонбаяр
Л.Ундрам
Он
2022 оны зургаадугаар сарын 12
Төрөл
journal article
Journal
Эрүүл мэндийн шинжлэх ухаан
Volume
18
Issue
3
Start Page
139
End Page
144
ISSN
2959-6947
Хураангуй
Үндэслэл: Хүн амын дунд хамгийн түгээмэл тохиолдох, амьдралын турш олон давтагддаг эмгэг бол толгой өвдөлт юм. Анхдагч толгой өвдөлт нь хувь хүний амьдралд сөргөөр нөлөөлж, дарамтыг үүсгэж байгаа нь олон судалгаануудаар батлагддаг. Зорилго: Толгойн анхдагч өвдөлтийн улмаас үүсэх зарим дарамтыг судлах. Арга, аргачлал: Өвчний дарамтыг тодорхойлохдоо давтамж, өвдөлтийн хүч, үргэлжлэх хугацааг толгой өвдөлтийн хэлбэр тус бүрээр, хүйсээр үнэлсэн. Толгой өвдөлтийн улмаас үүсэх чадавхи алдагдлыг тодорхойлохдоо толгой өвдөлтийн хэлбэр тус бүрээр тооцоолон гаргасан. Эдийн засгийн хохиролыг хэвтэн эмчлүүлсэн хөдөлмөрийн насны хүний тоо, нэг өдрийн дундаж цалин (төгрөг) ба толгойн анхдагч өвдөлт оноштойгоор эмчлүүлж буй дундаж хоногоор үржүүлж тооцсон. Үр дүн: Агшингийн судалгаанд 150 хүн хамрагдсанаас хүчдэлийн хэв шинжит толгой өвдөлт 59% эзэлж байсан бол эмийн хэт хэрэглээтэй холбоотой байж болзошгүй хэлбэр 13.8% байгаа нь өндөр үзүүлэлт байна. Толгой өвдөлтийн сарын дундаж давтамж 6.4 өдөр/сар, толгой өвдөлтийн дундаж хүч 2.5 байсан байна. Бие хүнд үзүүлэх шинж тэмдэгийн дарамт бүх үзүүлэлтээр мигрень болон Эмийн хэт хэрэглээтэй холбоотой үүссэн толгой өвдөлт (ЭХХХТӨ) нь хамгийн өндөр үзүүлэлттэй байна (р=0.001). Мигрений сэдрэлийн эзлэх хувь нь мигрений нийт үргэлжилсэн хугацааны 12.5% байна. Толгой өвдөлтийн дарамтын дараагийн нэг үзүүлэлт бол бүтээмжит хоногийн алдагдал бөгөөд бүх хэлбэрийн толгой өвдөлтийн үед эмэгтэйчүүдэд чадвар алдалт илүү, түүн дотроос гэрийн ажлын алдагдсан өдрийн тоо нь эрэгтэйчүүдээс их байна (p=0.043). Толгой өвдөлтийн улмаас бүтээмжит цагийн алдагдал мигрений үед 4.2% бусад хэлбэрүүдээс хамгийн өндөр байна. Толгой өвдөлтийн улмаас хэвтэн эмчлүүлсэн хүмүүсийн ХЧТА-аас үүдэлтэй эдийн засгийн хохирол 6 сая 600 мянган төгрөг гарсан.
Background: Headaches are the most common and chronic condition in the population. Numerous studies have shown that primary headaches can affect a person's life and cause stress. Aim: to study some burden of primary headaches. Materials and Methods: The burden was assessed by the frequency, severity and duration of headache by each type of headache and by sex. Capacity loss due to headache was calculated for each type of headache. Economic loss was calculated multiplying number of individuals with headache by daily average wage and average of bed days. Results: Some 150 individuals were recruited to the cross-sectional study. 59% were people with tension-type headache and 13.8% of participants were medication-overuse headache. Average frequency of headache was 6.4 days per month, severity was in average 2.5. Functional burden was mostly from medication-overuse headache and migraine (р=0.001). Migraine’s ictal state was 12.5% of total attack duration. According to our estimate, women were more prone to the headache attributed lost time, especially at activities at home (p=0.043). The migraine attributed lost time index was 4.2%, higher than other primary headache. Economic burden from productivity loss was 6 million 600 thousand MNT for last three months. Conclusion: Primary headache, especially migraine and medication-overuse headaches, cause significant burden such as economic and productivity loss.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/654
Эшлэл
Д.Болорцэцэг, Л.Отгонбаяр, Л.Ундрам. Толгойн анхдагч өвдөлтийн зарим дарамтыг судалсан нь. Эрүүл мэндийн шинжлэх ухаан. 2022;18(3):139-144.