Loading...
Чихрийн шижин хэвшинж 2 өвчинтэй хүмүүст PPAR гамма генийн rs1801282 полиморфизмыг тодорхойлсон дүн
Зохиогч
Он
2024 оны арван хоёрдугаар сарын 21
Төрөл
journal article
Journal
Эрүүл мэндийн шинжлэх ухаан
Volume
20
Issue
8
Start Page
135
End Page
138
ISSN
2959-6947
Хураангуй
Үндэслэл: Чихрийн шижин нь инсулины шүүрэл багасах болон инсулинд дөжирснөөр цусны глюкоз ихэсдэг бодисын солилцооны эмгэг юм. Чихрийн шижинг 6 хэвшинжид хуваан авч үздэг бөгөөд чихрийн шижингийн нийт тохиолдлын 90 хувийг чихрийн шижин хэвшинж 2 эзэлдэг байна. Чихрийн шижин хэвшинж 2 нь олон хүчин зүйлсээс болж үүсдэг өвчин бөгөөд эдгээр хүчин зүйлсийн нэг нь генетикийн хүчин зүйл юм. Сүүлийн үеийн судалгаануудаас харахад чихрийн шижин хэвшинж 2-той холбоотой 70 орчим ген байгаа бөгөөд эдгээрийн нэг нь PPAR гамма ген юм. PPAR гамма ген нь таргалалт, чихрийн шижин, атеросклероз, хорт хавдар зэрэг олон өвчин эмгэгт оролцдог байна. Чихрийн шижин хэвшинж 2 өвчинтэй PPAR гамма генийн rs1801282 полиморфизмыг уялдуулан судалсан судалгаа манай улсад хараахан хийгдээгүй байгаа нь бид энэхүү судалгааг хийх үндэслэл боллоо. Зорилго: Чихрийн шижин хэвшинж 2-той хүмүүст PPAR гамма генийн rs1801282 полиморфизмыг уялдуулан судлах Арга, аргачлал: Бид энэхүү судалгааг аналитик судалгааны тохиолдол, хяналтын загварыг ашиглан хийсэн. Тохиолдлын бүлэгт чихрийн шижин хэвшинж 2-той 91 өвчтөн, хяналтын бүлэгт 92 хүнийг хамруулан нийт оролцогчдоос өлөн үеийн цус цуглуулав. Судалгаанд хамрагдсан нийт хүмүүсийн захын цуснаас ДНХ ялгах протоколын дагуу ДНХ-ийг ялгав. PPAR гамма генийн rs1801282 полиморфизмыг аллель өвөрмөц ПГУ-ын арга ашиглан бай дарааллыг олшруулаад гель электрофорезд гүйлгэн үр дүнг тодорхойлов. Цуглуулсан мэдээллийг боловсруулахад GraphPad PRISM программ ашиглан хийж гүйцэтгэв. Үр дүн: PPAR гамма генийн rs1801282 полиморфизмын СС, СG, GG генотип, аллель, генетик загварыг тохиолдол ба хяналтын бүлэгт харьцуулав. PPAR гамма генийн rs1801282 полиморфизмын гомозигот СС генотипийн давтамж эрүүл бүлгийн хүмүүст 72 (78.2%), ЧШХШ 2-той бүлгийн хүмүүст 68 (74.7%), гетерозигот СG генотипийн давтамж хяналтын бүлгийн хүмүүст 19 (20.8%), ЧШХШ 2 бүхий бүлгийн хүмүүст 20 (22%), гомозигот GG генотипийн давтамж хяналтын бүлэгт 1 (1%), ЧШХШ 2 бүхий бүлэгт 3 (3.3%) тус тус илэрсэн. Эдгээр генотипүүд нь хоёр бүлэг хооронд статистик ач холбогдол бүхий ялгаа байсангүй (p>0.05). Дүгнэлт: PPAR гамма генийн rs1801282 полиморфизмын эрсдэлт G аллель, GG генотиптэй хүмүүс ЧШХШ 2-оор өвдөх эрсдэл ажиглагдсангүй.
Background: Diabetes mellitus is a metabolic disorder characterized by hyperglycemia resulting from impaired insulin secretion or insulin resistance. It is classified into six distinct types, among which type 2 diabetes accounts for approximately 90% of all cases. Type 2 diabetes is a multifactorial disease, with genetic predisposition being one of the significant contributing factors. Recent research has identified approximately 70 genes associated with the development of type 2 diabetes, one of which is the PPAR gamma gene. This gene plays a critical role in the pathogenesis of various conditions, including obesity, diabetes mellitus, atherosclerosis, and certain types of cancer. The reason for conducting this research was lack of studies investigating the association between the PPARγ gene rs1801282 polymorphism and type 2 diabetes mellitus (T2DM) in Mongolia. Aim: Correlation study of the rs1801282 polymorphism of PPAR gamma gene in people with type 2 diabetes. Materials and Methods: We conducted the study using an analytical research case-control design. Ninety-one patients diagnosed with type 2 diabetes and ninety-two relatively healthy controls were selected as participants. DNA from the blood of all study subjects was isolated using the DNA isolation protocol. The rs1801282 polymorphism of the PPAR gamma gene was then amplified using allele-specific PCR and subsequently analyzed through gel electrophoresis.GraphPad PRISM software was employed to analyze the collected data. Results: The PPAR gamma gene rs1801282 polymorphism was compared among the CC, CG, and GG genotypes, as well as alleles and genetic types, in both the case and control groups. In the healthy control group, homozygous CC genotype 72 (78.2%) had the CG genotype, and 19 (20.8%) had the GG genotype, and 1 (1%) had the GG genotype. In the case group 68 (74.7%) homozygous CC genotype 20 (22%) had the CG genotype, and 3 (3.3%) had the GG genotype. There were no statistically significant differences in genotype distribution between the two groups (p>0.05). Conclusion: People with the risk G allele and GG genotype of the rs1801282 polymorphism of the PPAR gamma gene were not at risk of developing T2DM.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1197
Эшлэл
А.Ариунзаяа, Б.Алтанхишиг, Э.Номин-эрдэнэ, Б.Эрдэнэсувд, Б.Товуусүрэн, Т.Буянхүү. Чихрийн шижин хэвшинж 2 өвчинтэй хүмүүст PPAR гамма генийн rs1801282 полиморфизмыг тодорхойлсон дүн. Эрүүл мэндийн шинжлэх ухаан. 2024;20(8):135-138.