Loading...
Сувилахуйн сургуулийн оюутнуудын электрон тамхины хэрэглээ түүнд нөлөөлөх хүчин зүйлсийн судалгаа
Зохиогч
Он
2025 оны арван хоёрдугаар сарын 5
Төрөл
journal article
Journal
Эрүүл мэндийн шинжлэх ухаан
Volume
21
Issue
6
Start Page
84
End Page
89
ISSN
2959-6947
Хураангуй
Үндэслэл: Оюутан, залуучуудын дунд электрон тамхины хэрэглээ нэмэгдэж буй нь нийгмийн эрүүл мэндийн чухал асуудал болж байна. Эрүүл мэндийн боловсрол олгох үүрэгтэй анагаахын салбарын оюутнууд болох сувилахуйн чиглэлээр суралцаж буй оюутнуудын дунд электрон тамхины хэрэглээ болон түүнд нөлөөлөх хүчин зүйлсийг тодорхойлох нь чухал ач холбогдолтой юм. Зорилго: АШУҮИС-ийн Сувилахуйн сургуулийн оюутнуудын электрон тамхины хэрэглээ түүнд нөлөөлөх зарим хүчин зүйлсийг тодорхойлох. Арга, аргачлал: Бид энэхүү судалгааг аналитик судалгааны агшингийн загвараар 2025 оны 4 сараас 6 сарын хооронд хийж гүйцэтгэсэн. Судалгаанд нийт 557 сувилахуйн оюутан хамрагдаж, судалгааны мэдээ материалыг асуумжийн аргаар цуглуулсан. Асуумжинд хүн ам зүйн мэдээлэл, тамхи таталт, электрон тамхины талаарх оюутнуудын мэдлэг, хандлагыг илрүүлэх асуултууд багтсан. Үр дүнгийн статистик боловсруулалтыг SPSS-26.0 программ ашиглан хийж гүйцэтгэсэн. Үр дүн: Судалгаанд нийт 557 хүн хамрагдсанаас 448 (80.4%) нь эмэгтэй, 109 (19.6%) нь эрэгтэй байв. Эрэгтэй оюутнуудын дундаж нас 21.0±1.6 жил, эмэгтэй оюутнуудын дундаж нас 20.9±2.9 жил байв. Тамхины хэрэглээ оюутнуудын дунд өндөр (17,2%) байсан ба электрон тамхи хэрэглэгчдийн хувь дийлэнх нь буюу 13.3 хувь байв. Электрон тамхины хэрэглээнд нөлөөлөх хүчин зүйлсийг олон хүчин зүйлийн регрессийн шинжилгээгээр тодорхойлоход 20-25 настай оюутнууд электрон тамхи хэрэглэх нь 2.5 дахин өндөр (AOR=2.49, 95% CI:1.14-5.44, p=0.023), анх сургуульд элссэн харъяалал нь хотоос элссэн оюутнуудын хэрэглээ 1.8 дахин өндөр (AOR=1.81, 95% CI: 1.01–3.22, p=0.045), найз нөхөд нь тамхи татдаг оюутнууд электрон тамхи хэрэглэх нь 2.4 дахин өндөр (AOR=2.44, 95% CI: 1.35– 4.40, p=0.003), найзуудтайгаа 5-аас дээш цагийг хамт өнгөрүүлдэг оюутнуудын хэрэглээ 3.8 дахин өндөр (AOR=3.84, 95% CI:1.75–8.43, p=0.001), электрон тамхины талаарх мэдлэг багатай оюутнуудын хэрэглээ 2 дахин их (AOR=2.07, 95% CI: 1.16–3.70, p=0.014), электрон тамхины талаарх хандлага сөрөг оюутнуудын хэрэглээ 4.4 дахин их (AOR=4.43, 95% CI: 2.12–9.26, p<0.001) байв. Дүгнэлт: Сувилахуйн оюутнуудын электрон тамхины хэрэглээ харьцангуй өндөр байна. Найз нөхдийн нөлөө, электрон тамхины талаарх мэдлэг, хандлага нь голлох нөлөө үзүүлж байна. Иймээс оюутнуудад чиглэсэн эрүүл мэндийн боловсрол, урьдчилан сэргийлэх хөтөлбөрийг хэрэгжүүлэх шаардлагатай байна.
Background: The increasing use of e-cigarettes among young people and students has become a significant public health concern. As nursing students play a vital role in health education and tobacco prevention, it is essential to understand the prevalence of e-cigarette use and its influencing factors within this population. Aim: This study aimed to explore the prevalence and influencing factors of e-cigarette use among nursing students at Mongolian National University of Medical Sciences. Materials and Methods: This cross-sectional study was conducted from April to June 2025 among 557 nursing students at the MNUMS. Data were collected using a self-administered questionnaire that included demographic characteristics, smoking status, and knowledge and attitudes toward e-cigarettes. Statistical analyses were performed using SPSS 26. Results: Of the 557 participants, 448 (80.4%) were female and 109 (19.6%) were male, with a mean age of 21.0 ± 1.6 years for males and 20.9 ± 2.9 years for females. The prevalence of conventional cigarette use was 17.2%, while 13.3% reported e-cigarette use. Using multivariate regression analysis to identify factors associated with e-cigarette use, the results showed that students aged 20–25 were 2.5 times more likely to use e-cigarettes (AOR=2.49, 95% CI: 1.14–5.44, p=0.023). Students who were originally from urban areas before university enrollment were 1.8 times more likely to use e-cigarettes (AOR=1.81, 95% CI: 1.01–3.22, p=0.045). Students whose friends smoked were 2.4 times more likely to use e-cigarettes (AOR=2.44, 95% CI: 1.35–4.40, p=0.003), and those who spent more than five hours per day with friends had 3.8 times higher odds of e-cigarette use (AOR=3.84, 95% CI: 1.75–8.43, p=0.001). Students with lower levels of knowledge about e-cigarettes were twice as likely to use them (AOR=2.07, 95% CI: 1.16–3.70, p=0.014), and those with negative attitudes toward e-cigarettes were 4.4 times more likely to use them (AOR=4.43, 95% CI: 2.12–9.26, p < 0.001). Conclusion: The e-cigarette use among nursing students is relatively high. Peer influence, knowledge, and attitudes toward e-cigarettes were the major contributing factors. These findings highlight the need for targeted health education and prevention programs among nursing students to reduce e-cigarette use.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1297
Эшлэл
Ан Яачун (An Yaqiong), Б.Оюунгоо, Г.Ганхуяг, М.Энхтөгөлдөр. Сувилахуйн сургуулийн оюутнуудын электрон тамхины хэрэглээ түүнд нөлөөлөх хүчин зүйлсийн судалгаа. Эрүүл мэндийн шинжлэх ухаан. 2025;21(6):84-89.