Loading...
Өмнөговь аймгийн Даланзадгад сумын гучаас дээш насны эмэгтэйчүүдэд хүний папиллома вирусын хэв шинжийг тодорхойлсон дүн
Зохиогч
А.Анударь
Б.Амгалан
Н.Уранчимэг
Д.Отгонжаргал
Он
2025 оны арван хоёрдугаар сарын 5
Төрөл
journal article
Journal
Эрүүл мэндийн шинжлэх ухаан
Volume
21
Issue
6
Start Page
63
End Page
66
ISSN
2959-6947
Хураангуй
Үндэслэл: Монгол Улсад 2023 онд хавдраар өвчилсөн 7244 хүнээс 5.9% (425 хүн) нь умайн хүзүүний хорт хавдартай оношлогдсон. Умайн хүзүүний хорт хавдрын тархалт 10,000 хүн амд 14.5% байна. Өмнөговь аймагт 2023 оны байдлаар нийт 597 хавдар бүртгэгдсэнээс 18.5% нь умайн хүзүүний хавдартай байв. Өмнөговь аймгийн хэмжээнд умайн хүзүүний хорт хавдрын эрт илрүүлгийн хамрагдалт 2023 онд 45.6%-тай тодорхойлогджээ. Зорилго: Даланзадгад сумын 30-аас дээш насны эмэгтэйчүүдэд HPV вирусийн хэв шинжийг тодорхойлох. Арга, аргачлал: Судалгаа нь нэг агшингийн судалгааны загвараар хийгдсэн. Даланзадгад сумын 30-аас дээш насны 100 эмэгтэйг хамруулж, умайн хүзүүний шархлаатай оношлогдсон эмэгтэйчүүдийн полимеразын гинжин урвалаар вирусийн хэв шинжийг тодорхойлов. Мөн оролцогчдоос умайн хүзүүний хорт хавдраар өвчлөх эрсдэлийг үнэлэх 44 асуулт бүхий асуумж авав. Үр дүн: Судалгаанд оролцогчдын 41%-д нь папиллома вирус илэрч, үлдсэн 59%-д папиллома вирус илрээгүй. Судалгаанд оролцогчдоос 25 хүнд 1 хэв шинж, 13 хүнд 2 хэв шинж, 3 хүнд 3 хэв шинж илэрсэн. Хэв шинж илэрсэн 41 эмэгтэйн 49%д нь өндөр эрсдэлтэй хэв шинж илэрсэн. Судалгаанд оролцогчдоос 20 төрлийн папиллома вирусийн хэв шинж илэрснээс өндөр эрсдэлтэй хэв шинж 16, бага эрсдэлтэй хэв шинж 4 илэрсэн байв. Папиллома вирусийн хэв шинж илэрсэн эмэгтэйчүүдийн 65.9% нь гэрлэсэн бөгөөд, 58.5% нь амьдралынхаа туршид нэг бэлгийн хамтрагчтай байсан. Судалгаанд оролцогчдын 78% нь судалгаанд хамрагдахаас өмнө умайн хүзүүний эсийн шинжилгээ өгч байгаагүй өгүүлэмжтэй. Дүгнэлт: Даланзадгад сумын хэмжээнд 5 эмэгтэй тутмын 2 нь папиллома вирусийн халдвар авсан эрсдэлтэй, халдвар авсан 2 эмэгтэй тутмын нэг нь папиллома вирусийн өндөр эрсдэлтэй хэв шинжийн халдвартай байна.
Background: In Mongolia, 7,244 new cancer cases were registered in 2023, of which 5.9% (425 cases) were cervical cancer. The prevalence of cervical cancer is 14.5 per 10,000 populations. In Ömnögovi province, 597 cancer cases were recorded in 2023, and 18.5% of them were cervical cancer. The cervical cancer screening coverage in Ömnögovi province was 45.6% in 2023. Aim: To identify the types of human papillomavirus (HPV) among women aged 30 years and above in Dalanzadgad soum. Materials and Methods: A cross-sectional study design was used. We included 100 women aged 30 years and above in Dalanzadgad soum. HPV genotyping was performed using polymerase chain reaction (PCR) among women diagnosed with cervical erosion. A 44-item questionnaire was also administered to assess the risk factors for cervical cancer. Results: HPV was detected in 41% of participants, while 59% tested negative. Among the participants, 25 had one genotype, 13 had two genotypes, and 3 had three genotypes. Among the 41 women who tested positive, 49% had high-risk genotypes. A total of 20 HPV genotypes were identified, including 16 high-risk and 4 low-risk types. Of the HPV-positive women, 65.9% were married, and 58.5% had only one lifetime sexual partner. In addition, 78% of participants reported never having undergone cervical cytology screening prior to this study. Conclusion: In Dalanzadgad soum, 2 out of every 5 women are at risk of HPV infection, and among those infected, 1 out of 2 carry a high-risk HPV genotype.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1293
Эшлэл
А.Анударь, Б.Амгалан, Н.Уранчимэг, Д.Отгонжаргал. Өмнөговь аймгийн Даланзадгад сумын гучаас дээш насны эмэгтэйчүүдэд хүний папиллома вирусын хэв шинжийг тодорхойлсон дүн. Эрүүл мэндийн шинжлэх ухаан. 2025;21(6):63-66.