Loading...
Эмнэлгийн үйлчлэгч нарт бугуйн сувгийн хам шинжийг эмнэлзүй болон электрофизиологийн шинжилгээтэй уялдуулан судалсан үр дүн
Зохиогч
Ж.Мөнхсайхан
Э.Лхагвадулам
Н.Лхамцоо
Он
2026 оны хоёрдугаар сарын 3
Төрөл
journal article
Journal
Эрүүл мэндийн шинжлэх ухаан
Volume
22
Issue
1
Start Page
205
End Page
210
ISSN
2959-6947
Хураангуй
Үндэслэл: Бугуйн сувгийн хам шинж (БСХШ) нь хөдөлмөрийн чадвар алдалт (ХЧА)-д хүргэдэг хамгийн түгээмэл тохиолддог дарагдлын шалтгаант мононевропати юм. Тус эмгэг нь зөөгч, үйлчлэгч, ногоочин, оёдолчин зэрэг мэргэжлийн хүмүүст илүү тохиолддог. БСХШ оношлогдсон тохиолдолд эмнэлзүйн хүндийн зэргийг тодорхойлж, эмчилгээ, хоёрдогч урьдчилан сэргийлэлтийг шийдвэрлэх шаардлагатай байгаа нь энэхүү судалгааны үндэслэл боллоо. Зорилго: Эмнэлгийн үйлчлэгч нарт оношлогдсон БСХШийг эмнэлзүй болон электрофизиологийн шинжилгээтэй уялдуулан судлах. Арга, аргачлал: Судалгаанд Улсын гуравдугаар төв эмнэлгийн үйлчлэгч нарыг хамруулсан ба Бугуйн сувгийн Бостоны асуумж (БСБА)аар зовуурь, үйл ажиллагааг, мэдрэлийн үзлэгээр эмнэлзүйг үнэлж, оношийг баталгаажуулах зорилгоор электрофизиологийн шинжилгээг ашигласан. Электрофизиологийн шинжилгээ болон БСБА-ийн дүгнэлт тус бүрийг хөнгөн, дунд болон хүнд зэргийн хэмээн ангилсан. Судалгааг аналитик нэг агшингийн загвараар хийж, статистик боловсруулалтыг “SPSS-27.0” программыг ашиглан гүйцэтгэв. Үр дүн: Судалгаанд БСХШ оношлогдсон нийт 32 тохиолдлыг хамруулж судлан үзэхэд дундаж нас, өндөр БЖИ, чихрийн шижин, бамбайн дааврын дутагдал, үе мөчний эмгэг, сарвууны хуучин хугарал, бамбайн дааврын дутагдал илүү тохиолдсон. БСХШ-ийн үндсэн зовуурь болох сарвууны бадайрал байсан ба 2 гарт зэрэг давамгай илэрч, дунджаар 19.06±18.87 сарын турш үргэлжилж байсан. Судалгааны бүх тохиолдлыг дунд мэдрэлийн хөдөлгөөний болон мэдрэхүйн ширхгийн сэрэл хамжуулалтын алдагдлын хүндийн зэргээр (хөнгөн, дунд, хүнд) ангилан үзэхэд тамхи таталт хөнгөн болон дунд зэргийн бүлгүүдэд өндөр байсан бол хүнд зэргийн бүлэгт байгаагүй нь статистик ач холбогдолтой байв (p=0.027). БСБА-аар зовуурь болон үйл ажиллагааг шалгахад ихэнх нь хөнгөн болон дунд зэрэгт багтаж байсан. Дүгнэлт: Эмнэлгийн үйлчлэгч нарт БСХШ-ийг оношлоход зовуурь болон эмнэлзүйгээр үнэлэх нь хангалтгүй тул электрофизиологийн оношилгоогоор давхар баталгаажуулах нь үр дүнтэй.
Background: Carpal tunnel syndrome (CTS) is the most common compressive mononeuropathy leading to disability. CTS is more common among professionals, such as waiters, cleaners, gardeners, and seamstresses. It is necessary to assess clinical severity and implement treatment and secondary prevention for CTS. Aim: To study the correlation between clinical and electrophysiological examinations in floor cleaners diagnosed with CTS. Materials and Methods: The study included floor cleaners at the Third State Central Hospital diagnosed with CTS. Clinical and electrophysiological analyses were used to confirm the diagnosis. The Boston Carpal Tunnel Questionnaire (BCTQ) was used to assess pain and functional status, and neurologic examination was used to confirm the clinical and diagnostic findings. Electrophysiological examination and BCTQ results were categorised as mild, moderate, or severe. The study employed a single-point analytical design, and statistical analysis was conducted in SPSS 27.0. Results: The study included a total of n=32 CTS cases and found that the average age, high BMI, diabetes, hypothyroidism, joint disease, and previous hand fractures were more common. The primary symptom of MDS was hand tingling, which was predominantly bilateral and lasted an average of 19.06±18.87 months. Among CTS cases, when categorised by the severity of motor and sensory loss (mild, moderate, severe), smoking was statistically significant in the mild and moderate groups, but not in the severe group (p=0.027). Most symptom severity and functional status scores assessed by the BCTQ were mild to moderate. Conclusion: For hospital floor cleaners, a diagnosis of CTS based on complaints and clinical assessment alone is insufÏcient; electrophysiological confirmation is recommended.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1600
Эшлэл
Ж.Мөнхсайхан, Э.Лхагвадулам, Н.Лхамцоо. Эмнэлгийн үйлчлэгч нарт бугуйн сувгийн хам шинжийг эмнэлзүй болон электрофизиологийн шинжилгээтэй уялдуулан судалсан үр дүн. Эрүүл мэндийн шинжлэх ухаан. 2026;22(1):205-210.