Loading...
Дархан-Уул аймгийн “Оюуны ирээдүй”, “Од” цогцолбор сургуулиудын 7-12-р ангийн сурагчдын таргалалтын байдал, түүнд нөлөөлөх эрсдэлт хүчин зүйлсийг судалсан дүн
Зохиогч
С.Чимэгсайхан
Д.Оюунсүрэн
П.Нямсүрэн
Он
2021 оны зургаадугаар сарын 10
Төрөл
journal article
Journal
Эрүүл мэндийн шинжлэх ухаан
Volume
17
Issue
7
Start Page
9
End Page
12
ISSN
2959-6947
Хураангуй
Судалгааны ажлын зорилго нь Дархан-Уул аймгийн аймгийн “Оюуны ирээдүй”, “Од” цогцолбор сургуулиудын 7-12 дугаар ангийн сурагчдын дундах таргалалтын тархалт, түүнд нөлөөлж буй эрсдэлт хүчин зүйлсийг судлахад оршино. Судалгаанд Дархан-Уул аймгийн “Оюуны ирээдүй”, “Од” цогцолбор сургуулиудын 7-12 дугаар ангийн нийт 2468 сурагчийг хамруулж агшингийн судалгаа, асуумжийн аргаар таргалалтын түвшинг тодорхойллоо. 8-р ангийн хөвгүүд, 9-р ангийн охид илүүдэл жинтэй байсан. Сурагчдын таргалалтанд эхийн ужиг анамнез, тухайлбал, жирэмсэн үеийн даралт ихдэлт, цус багадалт, хүүхдийн талаас төрөх үеийн том жин, зохиомол хооллолт, нэг нас хүртлээ илүүдэл жинтэй байсан зэрэг хүчин зүйлс нөлөөлсөн байна. Судалгааны дүнгээр БЖИ-ээр илүүдэл жинтэй 723 сурагч буюу 29.2% нь илүүдэл жинтэй болох нь тогтоогдлоо. Тэдгээрийн 417 сурагч буюу 57.6% нь охид, 306 сурагч буюу 42.3% нь хөвгүүд эзэлж байна. Таргалалтад эхийн талаас нөлөөлсөн эрсдэлт хүчин зүйлсийг судлахад 143 сурагч буюу 21.7% нь ээж нь таргалалттай байсан, 119 сурагч буюу 18.1% нь ээж нь жирэмсэн байх үедээ артерийн даралт ихтэй байсан, 71 сурагч буюу 10.8% нь ээж нь цус багадалттай байсан нь харагдаж байна. Харин таргалалтад хүүхдийн талаас нөлөөлсөн эрсдэлт хүчин зүйлийг судлахад 90 сурагч буюу 13.6% нь төрөх үедээ 4 кг-аас дээш жинтэй төрсөн, 89 сурагч буюу 13.5% нь 1 нас хүртлээ илүүдэл жинтэй байсан, 83 сурагч буюу 12.6% нь эхний 3 сард угжаар хооллож байсан зэргээс үүдэн илүүдэл жинтэй болсон нь тогтоогдов. Мөн 56 сурагч буюу 8.5% нь гэр бүлийн гишүүдээс чихрийн шижингээр өвчилж байсан анамнезтэй байсан нь хүүхдийн илүүдэл жин үүсэхэд тодорхой хэмжээгээр нөлөөлсөн нь харагдаж байна.
Purpose: To study the spread of obesity in adolescents of the Darkhan-Uul aimag and its risk factors Objectives: To determine the spread of obesity in pupils of 7-12 grades "Oyunii ireedui" and "Od" complex schools and to determine the risk factors affecting obesity in adolescents. Materials and methods: Measured anthropometric indicators: weight, height and determined the body mass index. Selection of overweight children, was conducted survey to determine risk factors. Results: Research shows that 8th grade boys are overweight and 9th grade girls are overweight. It can be seen that the burdened obstetric history of the mother affects the child's obesity, for example, arterial hypertension during pregnancy, anemia, BMI-25.0-29.9 etc. It has been established that risk factors affecting obesity on the part of the child, such as large birth weight, artificial feeding, overweight up to 1 year old, etc. Conclusions: 29.2% (723) of the respondents were found to be overweight. Of these, 26% are boys, 32.3% are girls. When determining the risk factors affecting obesity, it was established that a burdened obstetric history and factors on the part of the child.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/440
Эшлэл
С.Чимэгсайхан, Д.Оюунсүрэн, П.Нямсүрэн. Дархан-Уул аймгийн “Оюуны ирээдүй”, “Од” цогцолбор сургуулиудын 7-12-р ангийн сурагчдын таргалалтын байдал, түүнд нөлөөлөх эрсдэлт хүчин зүйлсийг судалсан дүн. Эрүүл мэндийн шинжлэх ухаан. 2021;17(7):9-12.