Loading...
Таргалалтын үеийн зүүний сүвд утас суулгах эмчилгээний зарим үр дүн
Зохиогч
Бай Цайся (Bai Caixia)
Ю.Оюунбилэг
Д.Цэнд-Аюуш
Он
2026 оны хоёрдугаар сарын 3
Төрөл
journal article
Journal
Эрүүл мэндийн шинжлэх ухаан
Volume
22
Issue
1
Start Page
124
End Page
128
ISSN
2959-6947
Хураангуй
Үндэслэл: Бодисын солилцооны хямралын арьсан доорх өөхлөг эд болон бусад эдэд илүүдэл хэмжээгээр өөх хуримтлагдаж биеийн жин нэмэгдэхийг таргалалт гэнэ. 2006 оны байдлаар, Монгол улсын 15-64 насны хүн амын 31.6 % нь илүүдэл жинтэй ба таргалалттай, үүнээс 21.8 % нь жингийн илүүдэлтэй, 9.8 % нь таргалалттай байсан бол 2019 онд 49.4 % нь илүүдэл жин ба таргалалттай, үүнээс 30.9 % нь илүүдэл жинтэй, 18.5 % нь таргалалттай байгаа нь таргалалт хэмээх цар тахалд монголчууд өртсөн болохыг илтгэж байна. Иймээс бид таргалалтын үед зүүний сүвд утас булах эмчилгээний үр дүнг эмнэлзүйн туршилт судалгааны аргаар нотолгоожуулах шаардлагатай байгаа нь үндэслэл боллоо. Зорилго: Таргалалтын үеийн зүүний сүвд утас суулгах эмчилгээний үр дүнг үнэлэх. Арга, аргачлал: Судалгааг эмнэлзүйн туршилт судалгааны загвараар, дескриптив судалгааны аргаар АШУҮИС-ийн Монгол Анагаах Ухааны Олон Улсын Сургууль, Монгол Анагаах Ухааны Төв Эмнэлэг, БНХАУ-ын ӨМӨЗО-ны Улаан хад (Чифэн) хотын Хятад Монголын II Эмнэлгийг түшиглэн 2025 оны 07 дугаар сараас 2026 он 01 дүгээр сарын хооронд хийж гүйцэтгэсэн. Судалгаанд насанд хүрсэн, эмэгтэй бол сарын тэмдэг нь тогтмол ирж байгаа, таргалалтын онош батлагдсан (БЖИ 25кг/м2 ба түүнээс их эсвэл бүсэлхийн тойрог эрэгтэйд 94 см, эмэгтэйд 80 см-ээс их эсвэл бүсэлхий ташааны тойргийн харьцаа эрэгтэйд 0.95, эмэгтэйд 0.85-аас их), сайн дураар судалгаанд орох хүсэлтэй 76 эмчлүүлэгчийг сонгон авсан. Судалгаанд оролцогчдод Zhongwan CV12, Xiawan CV10, Guanyuan CV4, Qihai CV6, Daimai GB26, Daheng SP15, Tianshu ST25, Huaroumen ST24 зэрэг зүүний сүвүүдэд утас суулгах зүү эмчилгээг 14 хоногт 1 удаа, нийт 2 удаагийн эмчилгээ хийсэн. Эмчилгээний үр дүнг үнэлэхдээ биеийн жин, БЖИ, өөхний эзлэх хувь, бүсэлхийн ба ташаан тойргийн хэмжээ, бодисын солилцооны зарим үзүүлэлтүүд (GLU, HDL, LDL, CHOL,TG) болон сэтгэл гутралын зэргийг (Beck Depression Inventory) эмчилгээний өмнө болон дараа (30 дахь хоног) харьцуулан тооцсон. Үр дүн: Судалгаанд оролцогчдод зүүний сүвд утас суулгах эмчилгээ хийлгэсний дараа биеийн жин, БЖИ, өөхний эзлэх хувь, бүсэлхий тойрог, ташаан тойргийн хэмжээ статистикийн хувьд ач холбогдол бүхий буурсан байлаа (p=0.0001). Бодисын солилцооны зарим үзүүлэлтийг эмчилгээний өмнө ба дараа харьцуулахад, ИНЛП-ны хэмжээ 1.62±14.77 ммоль/л ба 1.80±0.64 ммоль/л, БНЛП-ны хэмжээ 2.21±0.55 ммоль/л ба 2.57±0.84 ммоль/л болж ихэссэн нь статистикийн хувьд ялгаатай байлаа (p=0.0001). Нийт холестериний хэмжээ 4.36±0.88 ммоль/л ба 4.43±0.8 ммоль/л болж бага зэрэг ихэссэн нь статистикийн хувьд ач холбогдолтой бүхий ялгаагүй байв (p=0.24). Триглицеридийн хэмжээ 1.45±0.68 ммоль/л ба 1.30±0.62 ммоль/л буурсан нь статистикийн хувьд ач холбогдолтой бүхий сайжралтай байлаа (p=0.005). Өлөн үеийн глюкозын хэмжээ 4.17±66 ммоль/л ба 4.66±0.62 ммоль/л ихэссэн байлаа (p=0.0001). Судалгаанд оролцогчдын сэтгэл гутралыг үнэлэхэд 17 (22.4%) нь сэтгэл гутралгүй, 19 (25.0%) нь хөнгөн зэргийн, 12 (15.8%) нь дунд зэргийн, 28 (36.8%) нь хүнд зэргийн сэтгэл гутралтай байв. Судалгааны дараа 36 (47.4%) нь сэтгэл гутралгүй, 20 (26.3%) нь хөнгөн зэргийн, 8 (10.5%) нь дунд зэргийн, 12 (15.8%) нь хүнд зэргийн сэтгэл гутралтай байв. Дүгнэлт: 1. Таргалалтын үеийн зүүний сүвд утас суулгах эмчилгээ нь биеийн жин, БЖИ, өөхний эзлэх хувь, бүсэлхийн тойрог, ташаан тойргийн хэмжээг тус тус бууруулж байна. 2. Зүүний сүвд утас суулгах эмчилгээ нь ИНЛП, БНЛП, өлөн үеийн глюкозын хэмжээг нэмэгдүүлж, триглицеридийн хэмжээг бууруулж байна. 3. Зүүний сүвд утас суулгах эмчилгээ нь сэтгэл гутралын зэргийг бууруулж байна.
Background: Obesity is defined as a condition in which excessive fat accumulates in subcutaneous adipose tissue and other tissues due to metabolic disorders, leading to an increase in body weight. As of 2006, 31.6% of the Mongolian population aged 15–64 years were overweight or obese, of whom 21.8% were overweight and 9.8% were obese. By 2019, this proportion had increased to 49.4% being overweight or obese, including 30.9% overweight and 18.5% obese. These figures indicate that the Mongolian population has become affected by the obesity epidemic. Therefore, this study was conducted with the aim of scientifically validating the effectiveness of acupoint catgut embedding for obesity through a clinical experimental research approach. Aim: To evaluate the effectiveness of acupoint catgut embedding in patients with obesity. Materials and Methods: This study was conducted as a clinical experimental research using a descriptive study design at the Mongolian National University of Medical Sciences (MNUMS) International School of Mongolian Medicine, the Central Hospital of Mongolian Medicine and the Second Traditional Chinese and Mongolian Hospital of Chifeng city, Inner Mongolia Autonomous Region, PRC, from July 2025 to January 2026. A total of 76 adult participants were enrolled based on the following inclusion criteria: If the participant is female, she must have regular menstrual cycles, confirmed diagnosis of obesity (BMI ≥25 kg/m², or waist circumference >94 cm for men and >80 cm for women, or waist-to-hip ratio >0.95 for men and >0.85 for women), and willingness to participate voluntarily. Participants received catgut embedding at acupoints Zhongwan (CV12), Xiawan (CV10), Guanyuan (CV4), Qihai (CV6), Daimai (GB26), Daheng (SP15), Tianshu (ST25) and Huaroumen (ST24) once every 14 days for a total of two sessions. The effectiveness of the intervention was assessed by comparing body weight, BMI, body fat percentage, waist and hip circumference, selected metabolic parameters (GLU, HDL, LDL, CHOL, TG), and depression scores (Beck Depression Inventory) before treatment and 30 days after the intervention. Results: After acupoint catgut embedding, participants showed statistically significant reductions in body weight, BMI, body fat percentage, waist circumference, and hip circumference (p=0.0001). HDL increased from 1.62 ± 14.77 ммоль/л to 1.80 ± 0.64 ммоль/л and LDL increased from 2.21 ± 0.55 ммоль/л to 2.57 ± 0.84 ммоль/л, both showing statistically significant increases (p=0.0001). Total cholesterol increased slightly from 4.36 ± 0.88 ммоль/л to 4.43 ± 0.8 ммоль/л, but this change was not statistically significant (p=0.24). Triglycerides decreased from 1.45 ± 0.68 ммоль/л to 1.30 ± 0.62 ммоль/л, representing a statistically significant improvement (p=0.005). Fasting glucose increased from 4.17 ± 0.66 ммоль/л to 4.66 ± 0.62 ммоль/л (p=0.0001). Depression assessment showed that before the study, 17 participants (22.4%) had no depression, 19 (25.0%) had mild depression, 12 (15.8%) had moderate depression, and 28 (36.8%) had severe depression. After treatment, 36 participants (47.4%) had no depression, 20 (26.3%) had mild depression, 8 (10.5%) had moderate depression, and 12 (15.8%) had severe depression. Conclusions: 1. Acupoint catgut embedding for obesity reduces body weight, BMI, body fat percentage, waist circumference and hip circumference. 2. Acupoint catgut embedding increases HDL-C, LDL-C and fasting glucose levels and decreases triglyceride levels. 3. Acupoint catgut embedding reduces the severity of depression..
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1586
Эшлэл
Бай Цайся (Bai Caixia), Ю.Оюунбилэг, Д.Цэнд-Аюуш. Таргалалтын үеийн зүүний сүвд утас суулгах эмчилгээний зарим үр дүн. Эрүүл мэндийн шинжлэх ухаан. 2026;22(1):124-128.