Loading...
Шилэнцрийн цус харвалтын шалтгаан, мэс засал эмчилгээний дараах харааны сайжрал болон хоорондын хамаарлыг үнэлсэн нь
Зохиогч
М.Мөнхсайхан
Д.Уранчимэг
Ж.Баасанхүү
Он
2026 оны хоёрдугаар сарын 3
Төрөл
journal article
Journal
Эрүүл мэндийн шинжлэх ухаан
Volume
22
Issue
1
Start Page
194
End Page
198
ISSN
2959-6947
Хураангуй
Үндэслэл: Шилэнцрийн цус харвалт биеэ даасан анхдагч өвчин бус бусад суурь өвчний хүндрэл байдлаар илэрдэг өөрчлөлт бөгөөд хараа гэнэт өвдөлтгүйгээр алдагдах бүлэг өвчний зонхилох шалтгааны нэг болдог. Өвчний явц болон цаашдын тавилан нь үндсэн өвчний шалтгаанаас хамаарах тул шилэнцрийн цус харвалтанд хүргэсэн шалтгааныг тодорхойлох нь чухал юм гэж судлаачид тэмдгэлсэн байна. Зорилго: Шилэнцрийн цус харвалтанд хүргэж буй шалтгааныг тодорхойлж, мэс засал эмчилгээний дараах харааны сайжралыг үнэлэх. Арга, аргачлал: Судалгаанд 2014 оны 1-р сараас 2017 оны 1-р сар хүртэлх хугацаанд Болор-Мэлмий нүдний эмнэлэгт шилэнцрийн цус харвалт оношоор витрэктоми мэс засал хийгдсэн нийт 200 хүнийг хамруулж, эмнэлэгт суурилсан ретроспектив судалгааны загварыг ашиглан хийж гүйцэтгэв. Мэс засал эмчилгээний дараа шилэнцрийн цус харвалтанд хүргэсэн үндсэн өвчнийг оношилж, мэс заслын өмнөх болон дараах 1, 14, 28 дах хоногуудын харааны чадлын сайжралаар мэс заслын үр дүнг үнэлэж тэдгээрийн хоорондын хамаарлыг тодорхойлов. Үр дүн: Судалгаанд нийт 200 үйлчлүүлэгчийн 200 нүдийг хамруулсан. Дундаж нас нь 50.56±14.90жил ба эрэгтэй хүйс (54.50%) давамгайлж байлаа. Торлогийн салаа венийн бөглөрөл 77 (38.50%), эдийн ургалтат чихрийн шижингийн ретинопати 62 (31%), зэрэг нь шилэнцрийн цус харвалтын хамгийн нийтлэг шалтгаан болж байна. Витрэктоми мэс заслын дараа ТСВБ-тэй бүлэгт харааны чадал (LogMAR) илүүтэй нэмэгдсэн буюу 1.81±0.60-аас 0.50±0.30 тэмдэгтээр болж сайжирсан байна (p=0.032). Мэс заслын дараах харааны сайжрал нь мэс заслын өмнөх үеийн харааны байдлаас шалтгаалж байна. Дүгнэлт: 1. Торлогийн венийн салааны бөглөрөл болон эдийн ургалтат чихрийн шижингийн ретинопати зэрэг нь шалтгаан тодорхойгүй шилэнцрийн цус харвалтын зонхилох шалтгаан болох ба насны байдлаас хамаарч ялгаатай байна. 2. Шилэнцрийн цус харвалтын мэс заслын дараах харааны чадал харьцангуй сайн сэргэж байгаа бөгөөд торлогийн салаа венийн бөглөрлийн шалтгаант шилэнцрийн цус харвалтын мэс заслын дараах үр дүн хамгийн сайн байна. 3. Шилэнцрийн цус харвалтын мэс заслын дараах харааны сайжрал нь өвчний шалтгаанаас хамаарч ялгаатай байна.
Background: The vitreous body is an inelastic, acellular, avascular, transparent matrix that fills the posterior cavity of the eye. The most common causes of spontaneous vitreous hemorrhage are proliferative diabetic retinopathy (32%), retinal tear (30%), branch retinal vein occlusionBRVO (11%), and posterior vitreous detachment (8%). Aim. To analyze causes and visual outcomes of vitreous hemorrhage. Materials and Methods: A hospital-based retrospective study of 102 eyes of 102 consecutive patients with VH, which were managed surgically between January 2014 and January 2017, was performed. The main outcome measure was visual acuity at baseline, at 1, 14 and 28 days post operatively and at last follow up. Results: Proliferative diabetic retinopathy, branch retinal vein occlusion constituted the etilogoy of vitreous hemorrhage 62 (31%), 77 (38.50%), respectively. After vitrectomy, logMAR visual acuity significantly improved from 1.81±0.60 to 0.50±0.30 (p=0.032). Conclusion: Branch retinal vein occlusion is a most common cause of vitreous haemorrhage. The poor presenting visual acuity reflects the severity of causes of vitreous haemorrhage in our environment. The visual prognosis of vitreous BRVO is relatively good.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1598
Эшлэл
М.Мөнхсайхан, Д.Уранчимэг, Ж.Баасанхүү. Шилэнцрийн цус харвалтын шалтгаан, мэс засал эмчилгээний дараах харааны сайжрал болон хоорондын хамаарлыг үнэлсэн нь. Эрүүл мэндийн шинжлэх ухаан. 2026;22(1):194-198.