Loading...
Мэс заслын дараа үүссэн хэвлийн өмнөд ханын том хэмжээний ивэрхийг биологийн гаралтай тор ашиглан нөхөж эмчилсэн тохиолдол
Зохиогч
Он
2024 оны тавдугаар сарын 13
Төрөл
journal article
Journal
Эрүүл мэндийн шинжлэх ухаан
Volume
20
Issue
6
Start Page
276
End Page
279
ISSN
2959-6947
Хураангуй
Үндэслэл: Хэвлийн хөндийн, хоол боловсруулах эрхтэн тогтолцооны том хэмжээний мэс заслын дараа ивэрхий үүсэх нь нийт ивэрхийн тохиолдлын 10-15%-г эзэлдэг ба үүнээс хэвлийн голын шугамаар үүсэх ивэрхий 3-20% буюу хамгийн их тохиолдож байна.8 Хэвлийн хөндийн том цар хүрээтэй мэс заслууд болох нээлттэй хүрцээр ходоод, гэдэс, элэг, дэлүү болон нойр булчирхай тайрах мэс засал эмчилгээний дараа үүссэн хэвлийн өмнөд ханын том хэмжээний ивэрхий (>10 см) нь эдийн дутагдал, татагдал мөн бүтцийн алдагдал ихээр үүсгэдэгтэй холбоотой мэс заслаар эмчлэхэд хүндрэл учруулдаг. Ивэрхийг өвчтөний өөрийн эдээр болон тор тавьж нөхөх мэс засал эмчилгээний аргууд хэрэглэгдэж байгаа хэдий ч шарх халдварлагдах, ивэрхий дахих, хэвлийн эрхтнүүдийн наалдац, цорго үүсэх зэрэг хүндрэлүүд тохиолдсоор байна. Америкийн нэгдсэн улсад жилдээ 2.5-3 сая долларыг уг өвчний тусламж үйлчилгээнд зарцуулдаг гэсэн тооцоо байгаа ба Монгол Улсад хэвлийн өмнөд ханын хүрцээр хийгдсэн мэс заслын дараа үүссэн ивэрхийг нөхөх мэс засал эмчилгээний үр дүн, өртөг зардлыг тооцсон судалгаа ховор байна. Тохиолдлын танилцуулга: Эмчлүүлэгч 58 настай эмэгтэйн нарийн гэдэсний түгжрэл засах мэс засал эмчилгээний дараа үүссэн хэвлийн өмнөд ханын том хэмжээний ивэрхийг биологийн гаралтай тор ашиглан нөхөх мэс засал эмчилгээ хийгдсэн. Эмчилгээний үр дүн: Эмчлүүлэгчид мэс заслын дараах өвдөлт бага, эмнэлгийн ор хоног цөөн, хүндрэл илрээгүй, гоо сайханы хувьд сэтгэл ханамж өндөр байсан бөгөөд ивэрхийг бүрэн нөхөж эмчилсэн болно. Дүгнэлт: Уламжлалт аргаар ивэрхий засах боломжгүй болсон тохиолдолд биологийн тор ашиглан ивэрхий засах нь эмчилгээний нэг боломжит хувилбар болж байна. Нийлэг эдээс гарган авсан тор ашиглан том хэмжээний ивэрхийг нөхөн эмчилэхэд хүний биед гадны биетийн эсрэг хариу урвал ихээр өрнөж хурц улмаар архаг үрэвслийн нөлөөгөөр хүндрэл гарах нь элбэг байдаг тул биологийн (хүн болон гахайн эдээс гаргаж авсан эсгүйжүүлсэн) гаралтай тор ашигласанаар тухайн торны орчинд фибробласт болон эндотель эсүүд илүү ихээр шилжин байршиж биоматериалыг эзэн биеийн эдэд наалдуулах, коллаген ихээр үүсгэх зэргээр шархны эдгэрэлтийн явцыг дэмждэг байна.
Background: Ventral hernia represents one of the most frequently encountered surgical problem in the world, with incisional hernia alone affecting up to 11% of patients after major abdominal surgery. Additionally, up to 23% of patients who undergo a ventral hernia repair require a reoperation due to in incisional hernia within 13 years of their initial operation. To combat this problem many different approaches for repairing ventral hernias have been described, ranging from a simple fascial closure to the use of prosthetic materials to cover the fascial defect. Mesh-based repair has been shown to be the standard of care for all ventral hernias. Synthetic-based mesh is the traditional and most commonly used materials for all hernia repairs due to its low cost, strength, ease of handling and versatility. However, synthetic-based mesh is more prone to infectious and other postsurgical complications such as foreign body reaction and adhesion formation for increased need for reoperation. In contrast, over the past two decades biological prosthesis have been increasingly promoted the repair of abdominal wall defects due to their advantages of resistance to infection and incorporation of tissue but biological mesh is expensive. Case presentation: Patient E. 57-year-old woman was hospitalized in the Department of Surgery of Mongolia-Japan hospital in July 2022 due to a large sized hernia. It has been 10 years since the patient has full of abdominal pain, the abdominal organs are bulging to a large extent, and due to the high risk of complication prosthetic mesh was not indicated. A large hernia has been successfully repaired using a mesh derived from biological tissue. Results: We performed repair of giant post-operational hernia using biological mesh. There was no post operative complications and hernia recurrence. Conclusion: Biologic prosthesis has more tissue remodeling by excessive amount of collagen product.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1126
Эшлэл
Б.Баатарсүрэн, С.Эрдэнэ, С.Оюударь, Б.Дуламсүрэн. Мэс заслын дараа үүссэн хэвлийн өмнөд ханын том хэмжээний ивэрхийг биологийн гаралтай тор ашиглан нөхөж эмчилсэн тохиолдол. Эрүүл мэндийн шинжлэх ухаан. 2024;20(6):276-279.