Loading...
Эрүүний бүрэн шүдгүйдлийн түүшин сэртэнгийн шимэгдэл ба түүнд нөлөөлөх хүчин зүйлсийг судалсан дүн
Зохиогч
Он
2026 оны гуравдугаар сарын 30
Төрөл
journal article
Journal
Эрүүл мэндийн шинжлэх ухаан
Volume
22
Issue
2
Start Page
171
End Page
174
ISSN
2959-6947
Хураангуй
Үндэслэл: Бүрэн шүдгүйдэлийн морфологийн өөрчлөлтүүдийн нэг нь түүшин ясны шимэгдэл юм. Шүд авсны дараа түүшин ясанд шимэгдлийн процесс давамгайлснаар ясны өндөр, өргөн буурдаг. Шүдгүйдлийн дараах эхний жилд хамгийн эрчимтэй явагддаг. Ялангуяа доод эрүүний яс нь хоншоорын яснаас хурдан шимэгддэг. Сүүлийн жилүүдэд дэлгэмэл рентген зураг дээр тулгуурлан түүшин ясны шимэгдлийг үнэлэх аргууд өргөн хэрэглэгдэж байгаа бөгөөд ялангуяа оочны нүх (foramen mentale)-ийг тогтвортой анатомийн цэг болгон ашиглах нь хэмжилтийн алдааг бууруулж, үнэлгээ хийх боломжийг олгодог байна. Зорилго: Эрүүний бүрэн шүдгүйдэлтэй үйлчлүүлэгчийн түүшин сэртэнгийн шимэгдэл ба түүнд нөлөөлөх хүчин зүйлсийн хоорондын хамаарлыг судлах. Арга, аргачлал: Судалгааг Анагаахын Шинжлэх Ухааны Үндэсний Их Сургууль (АШУҮИС)-ийн Нүүр Ам Судлалын Төв эмнэлэг (НАСТЭ)-ийн НАСЗТ, Нүүр Амны Дүрс Оношилгооны тасгийг түшиглэн нийт 50 үйлчлүүлэгчийг хамруулан, 11 асуулт бүхий асуумж судалгаа аван, дэлгэмэл рентген зураг авсан. Дэлгэмэл рентген зурагт хэмжилт хийн эрүүний түүшин шимэгдлийн тоон утгыг гарган үр дүнг SPSS (26.0) программ ашиглан үр дүнд статистик шинжилгээ хийсэн. Үр дүн: Судалгаанд оролцогчдын дундаж нас 68.2±9.2 жил, 32% нь эрэгтэй (n=16), 68% нь эмэгтэй (n=34) байсан. Эрүүний түүшин сэртэнгийн шимэгдэл нь эрэгтэйчүүдэд 34.6±14.4, эмэгтэйчүүдэд 50,4±11.6 байна. Хүйсийн хувьд статистикийн ач холбогдолтой ялгаатай байсан (p<0.001). Түүшин сэртэнгийн шимэгдэл болон шүд авхуулсан хугацааны хооронд эрэгтэй эмэгтэй хүйсийн аль алинд нь статистикийн ач холбогдолтой ялгаа илэрсэнгүй (p=0.288). Түүшийн шимэгдэл ба шүдэлбэр зүүсэн хугацааны хооронд эрэгтэй эмэгтэй хүйсийн аль алинд статистикийн ач холбогдолтой ялгаа илрээгүй (p=0.133). Мөн түүшийн шимэгдэл ба шүдэлбэр эмчилгээний тоо нь хоорондоо статистикийн ач холбогдол бүхий ялгаагүй байлаа (p=0.213). Дүгнэлт: Эрүүний түүшин ясны шимэгдэл нь эмэгтэйчүүдэд илүү явагдаж байна. Харин шүдгүйдлийн хугацаа нь түүшин сэртэнгийн шимэгдэлд нөлөөгүй байна. Мөн шүдэлбэр зүүсэн хугацаа болон шүдэлбэр хийлгэсэн тоо нь түүшин сэртэнгийн шимэгдэлд нөлөөгүй байна.
Background: One of the primary morphological changes in complete edentulism is the resorption of the alveolar bone. Following tooth extraction, the dominance of bone resorption processes leads to a reduction in both the height and width of the alveolar ridge. This process is most intensive during the first year of edentulism. The mandible resorbs faster than the maxilla. In recent years, panoramic radiography has been widely used to assess alveolar bone resorption, particularly by using the mental foramen (foramen mentale) as a stable anatomical landmark to reduce measurement errors and enhance assessment accuracy. Aim: To study the correlation between mandibular alveolar ridge resorption and its contributing factors in completely edentulous patients. Material and Methods: The study was conducted at the Mongolian National University of Medical Sciences (MNUMS), focusing on the Central Hospital of Oral and Maxillofacial Dentistry. A total of 50 patients were enrolled. Data collection included an 11 questionnaire and panoramic radiographs. Quantitative values of mandibular alveolar resorption were measured from the radiographs, and statistical analysis was performed using SPSS 26. Results: The mean age of participants was 68.2±9.2 years, with 32% being male (n=16) and 68% female (n=34). Mandibular alveolar ridge resorption was 34.6±14.4 in males and 50.4±11.6 in females, showing a statistically significant difference between genders (p < 0.001). However, no statistically significant correlation was found between alveolar ridge resorption and the duration of edentulism in either gender (p=0.288). Similarly, there was no significant correlation between resorption and the duration of denture wear (p=0.133) or the number of prosthetic treatments received (p=0.213). Conclusion: Mandibular alveolar bone resorption is more pronounced in females. However, the duration of edentulism, the duration of denture wear, and the frequency of prosthetic treatments do not appear to significantly influence the extent of alveolar ridge resorption.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1643
Эшлэл
Ц.Гүнчинмаа, Г.Мөнхжаргал, Б.Сапаар, Б.Отгонбаяр. Эрүүний бүрэн шүдгүйдлийн түүшин сэртэнгийн шимэгдэл ба түүнд нөлөөлөх хүчин зүйлсийг судалсан дүн. Эрүүл мэндийн шинжлэх ухаан. 2026;22(2):171-174.