Loading...
Туршилтын амьтанд үүсгэсэн үрэвслийн болон өвдөлтийн эмгэг загварт Эрхэм-8 уламжлалт эмийн үзүүлсэн нөлөө
Зохиогч
Г.Ууганцэцэг
Б. Дэжидмаа
Ч.Чимэдрагчаа
Т.Алимаа
Он
2024 оны нэгдүгээр сарын 21
Төрөл
journal article
Journal
Эрүүл мэндийн шинжлэх ухаан
Volume
20
Issue
1
Start Page
97
End Page
101
ISSN
2959-6947
Хураангуй
Үндэслэл: Эрхэм-8 уламжлалт эмийн найрлагад ордог түүхий эдүүд нь сэрүүн чанартай бөгөөд цул эрхтний халуун ялангуяа уушги, элэгний халуун, цус, шар хямарсан халуун, хижгийн халуун зэрэг шинэ ба хуучирсан халуунд хэрэглэх заалттай. Зорилго: Туршилтын амьтанд үүсгэсэн үрэвслийн болон өвдөлтийн эмгэг загварт Эрхэм-8 уламжлалт эмийн үзүүлэх нөлөөг судлах. Арга, аргачлал: Хурц хорон чанарын судалгааг В.Б Прозоровский (1978) нарын аргаар, каррагенанаар сарвууны хавангийн эмгэг загвар үүсгэх арга зүйг Hiroe Maruyama (2010) нарын аргаар хийж туршилтыг эрүүл, хяналт, харьцуулах, туршилтын бүлгүүдэд хуваан каррагенины уусмал 1%-100 μl уусмалыг хархны хойд сарвуунд тарьж эмгэг загвар үүсгэв. Үрэвсэл үүсгэхээс нэг цагийн өмнө эрүүл болон хяналтын бүлгийн амьтдад нэрмэл ус, харьцуулах бүлэгт Диклофенак натри 20 мг/кг, туршилтын бүлгүүдэд Эрхэм-8 эмийг 190 мг/кг, 380 мг/кг, 980 мг/кг тунгаар тус тус амаар өгөв. Сарвууны хаванг плетисмометр аппаратаар хэмжилт хийн тодорхойлов. Цууны хүчлээр үүсгэсэн захын гаралтай өвдөлтийн эмгэг загвар үүсгэх арга зүйг Naveed Muhammad (2014) нарын аргаар хулганы хэвлийн хөндийд 1%-ийн цууны хүчлийн уусмалыг тарьж (0.1мл/10г) өвдөлтийн загвар үүсгэж, туршилтыг хяналт болон харьцуулах, туршилтын бүлэгт Эрхэм-8 эмийг 190 мг/кг, 380 мг/кг, 980 мг/кг тунгаар өгч өвдөлт намдаах үр дүнг амьтны эвхрэлтийн тооны бууралтаар тооцоолон гаргав. Үр дүн: Эрхэм-8 уламжлалт эмийн LD50=9.5 (7.6-11.9) гр/кг бөгөөд И.Б.Березовская (2003) нарын ангиллаар хоргүй байна. Эмчилгээний идэвхт тун нь И.П.Западнюк (1983) нарын аргаар ED=190-950 мг/кг байна. Каррагенанаар үүсгэсэн үрэвслийн үед сарвууны хавангийн хэмжээнд Эрхэм-8 уламжлалт эмийн усан идээшмэлийн үзүүлсэн дүнгээс үзэхэд үрэвслийн архаг үе (180–300 минут) шатанд Эрхэм-8 танг 950 мг/кг тунгаар уусан бүлгийн амьтдыг хяналтын бүлэгтэй харьцуулахад сарвууны хаванг 180 дахь минутанд 32.2%, 240 дахь минутанд 24.2%, 300 дахь минутанд 31.4%-аар тус тус статистик ялгаатай бууруулсан байна. Харин Эрхэм-8 тангийн 190 мг/кг болон 380 мг/кг тунгаар уусан бүлгийн амьтдын сарвууны хаванг хяналтын бүлэгтэй харьцуулахад статистик ялгаа ажиглагдсангүй. Цууны хүчлээр үүсгэсэн захын гаралтай өвдөлтөнд Эрхэм – 8 уламжлалт эмийн үзүүлэх нөлөөг судлахад Диклоденк 25 мг/кг тунгаар хэрэглэсэн бүлгийн амьтдын өвдөлтийн хариу урвалын тоо 42%-аар (p<0.01) буурсан байна. Эрхэм–8 уламжлалт эм нь их тундаа захын гаралтай өвдөлтийг намдаах нөлөөтэй байна (p<0.01). Дүгнэлт: Эрхэм-8 уламжлалт эмийн LD50=9.5 (7.6-11.9) гр/кг бөгөөд И.Б.Березовская (2003) нарын ангиллаар хоргүй байна. Каррагенанаар үүсгэсэн үрэвслийн эмгэг загварын үед Эрхэм – 8 уламжлалт эм нь 950 мг/кг тундаа үрэвслийн архаг үед сарвууны хавангийн хэмжээг бууруулснаар үрэвслийн эсрэг үйлдэл үзүүлж байна. Цууны хүчлээр үүсгэсэн захын гаралтай өвдөлтөнд Эрхэм-8 уламжлалт эм нь 950 мг/кг тундаа өвдөлт намдаах үйлдэлтэй байна.
Background: Erkhem-8 medicine is a composed Crocus Sativus L, Lagotis integrifolia, Gentiana barbata froel etc, used for the treatment of respiratory diseases, specially pneumonia and fever or hot disease in Mongolian Traditional Medicine, the objectives of effects of Erkhem-8 medicine to determine the some pharmacological study results of experimental animal model. Aim: To investigate the effect of traditional medicine Erkhem-8 on inflammatory and pain pathology model induced in experimental animals. Materials and Methods: The acute toxicity was studied using the V.B. Prozorovsk method. The anti-inflammatory activity of the Erkhem-8 was evaluated by carrageenan induced paw edema. Wistar albino rats, 220–250 g were divided into four groups with 5 animals for each. The group II, III, IV were treated with 190, 380 and 950 mg/kg of Erkhem-8 orally administered once daily for 5 days before Carrageenan injection. Group I served as control received saline. The rats were then challenged with subcutaneous injection of 0.1 mL of 1% solution of carrageenan into the sub plantar region of right paw. The paw volume was measured before (0 h) and after carrageenan injection at 30, 60, 120, 180, 240 and 300 minut by plethysmometer. Results: The toxicity of the Erkhem-8 medicine was at LD50=9.5 (7.6-11.9) g/kg. The effective dose is ED=190-950 mg/ kg. Erkhem-8 medicine showed a significant decreased in mean paw edema volume in carrageenan induced inflammation. A significant anti oedematous activity at high dose (950 mg/kg) of Erkhem-8 was observed during the 3-6 phases of inflammation. The maximal percentage inhibition was observed at 180, 240 and 300 minutes. In the study of the effect of Erkhem-8 medicine on peripheral pain induced by acetic acid, the number of pain responses was reduced by 42% (p<0.01) in the group treated with Diclodenc 25 mg/kg. Erkhem-8 traditional medicines have the effect of relieving pain of peripheral pain induced by acetic acid, in high doses (p<0.01). Conclusions: These results show that Erkhem-8 medicine has low acute toxicity. In the carrageenan-induced inflammatory disease model, Erkhem-8 medicine at a dose of 950 mg/kg showed an anti-inflammatory effect by reducing the amount of paw edema in chronic inflammation. In peripheral pain caused by acetic acid, Erkhem-8 traditional medicine has analgesic effect at a dose of 950 mg/kg.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/974
Эшлэл
Г.Ууганцэцэг, Б. Дэжидмаа, Ч.Чимэдрагчаа, Т.Алимаа. Туршилтын амьтанд үүсгэсэн үрэвслийн болон өвдөлтийн эмгэг загварт Эрхэм-8 уламжлалт эмийн үзүүлсэн нөлөө. Эрүүл мэндийн шинжлэх ухаан. 2024;20(1):97-101.