Loading...
Тархины эдийн цус харвалтын улмаас нас барсан эмчлүүлэгчдэд тархины үхэлтэй боломжит донорыг судалсан үр дүн (Улсын Гуравдугаар Төв Эмнэлгийн жишээ дээр)
Зохиогч
С.Дүүриймаа
Г.Үүрцайх
М.Нандинбаяр
О.Гансувд
Н.Лхамцоо
Он
2026 оны хоёрдугаар сарын 3
Төрөл
journal article
Journal
Эрүүл мэндийн шинжлэх ухаан
Volume
22
Issue
1
Start Page
134
End Page
138
ISSN
2959-6947
Хураангуй
Үндэслэл: Дэлхий дахинд тархины үхэлтэй донороос эрхтэн шилжүүлэн авах нь тасралтгүй өссөөр байна. Тархины эдийн цус харвалт (ТЭЦХ) нь тархины үхэлд хүргэх тэргүүлэх шалтгааны нэг ба эрхтэн шилжүүлэх практикт донор эрхтэнүүдийн 30-68%-ийг тархины цус харвалт эзэлдэг. Зорилго: Тархины эдийн цус харвалтын улмаас нас барсан тохиолдлуудад эрсдэлт хүчин зүйлс, эмнэлзүйн байдал, суурь шинжилгээнүүдэд үндэслэн тархины үхлийг эрт тодорхойлж, донор болох боломжийг таамаглах. Арга, аргачлал: Судалгааг Улсын гуравдугаар төв эмнэлгийн Харвалтын тасагт 2018 онд ТЭЦХ оношоор нас барсан тохиолдлуудад ретроспектив судалгааны аргыг ашиглан, тусгайлан боловсруулсан асуумжийн дагуу эмнэлзүйн үзлэг (Үүнд: комын Глазго үнэлгээ (КГҮ) ба Үндэсний эрүүл мэндийн хүрээлэнгийн харвалтын үнэлгээ (ҮЭМХХҮ)), лаборатори, дүрс оношилгооны шинжилгээнүүд (тархины КТ, СРТ, катетерт ангиографи)ийн цуглуулсан мэдээллүүд дээр дүн шинжилгээ хийж үр дүнгийн тоон үзүүлэлтийн статистик боловсруулалтыг “SPSS-22.0” программыг ашиглан гүйцэтгэв. Үр дүн: Судалгаанд УГТЭ-ийн Харвалтын тасагт тархины харвалт оношоор хэвтэн эмчлүүлж байгаад нас барсан 138 (13.1%) тохиолдлыг хамруулснаас ТЭЦХ 90, АДЦХ 30, ТЦТХ 18 тохиолдол тус тус байсан (р=0.006). Монгол Улсын тархины үхэлтэй донорын шалгуур болох 70 хүртэл насаар авч үзэхэд шаардлага хангасан ТЭЦХ-тай 42 тохиолдлын 24 (57.1%) нь эрэгтэй, 18 (42.9%) нь эмэгтэй байв (p=0.326). Эдгээр тохиолдлын дундаж нас 52.88±7.34 жил, эмнэлэгт хэвтэх үеийн КГҮ оноо 4.55±2.56, ҮЭМХХҮ оноо 31.50±7.81, мөн үүссэн цусан хурааны эзлэхүүнийг 30 тохиолдолд үзэхэд 175.92±169.96 cм3атистик утгатай байсан (тус бүр p<0.05). ТЭЦХ-ын тохиолдлуудыг зохиомол амьсгалын аппарат (ЗАА)-д авагдсан цаг болон үргэлжилсэн хугацааг тооцон үзэхэд эхний 0-2 цаг болон 2-6 цагт хамгийн их авагдсан (тус бүр 31%) бөгөөд авагдсанаас хойш хамгийн уртдаа 6-12 цаг үргэлжилсэн байна. Дүгнэлт: Тархины эдийн цус харвалт оношлогдсон тохиолдлуудын эмнэлэгт хэвтэх үеийн ухаан санааны байдал муу байх (ГКҮ<7), эмнэлзүйд харвалтын зэрэг хүнд байх (ҮЭМХХҮ 32-оос дээш) болон тархины эдийн цусан хурааны хэмжээ КТГ шинжилгээгээр их байх цаашлаад зохиомол амьсгалын аппаратанд эрт авсан байх зэрэг нь цус харвалтаас үүдэлтэйгээр тархины үхэлд хүргэх, донор болох боломжийг таамаглах боломжтойг харуулж байна.
Background: The rate of brain death organ donation is continuously increasing worldwide. Intracerebral hemorrhage (ICH) is the leading cause of brain death and accounts for 30-68% of organ transplant cases. Aim: To identify the predictors of brain death (BD) upon admission to the intensive care unit (ICU) of comatose patients with spontaneous intracerebral hemorrhage (ICH). Materials and methods: A prospective observational study was conducted on ICH deaths in the Stroke Department of Third State Central Hospital from January 1 to December 31, 2018, and statistical analysis was performed using SPSS 22.0. Approval for the study was obtained from the Research Council of the Third State Central Hospital. Results: The study included 138 (13.1%) inpatient stroke deaths in the Stroke Unit, of which 90 were ICH, 30 subarachnoid hemorrhage, and 18 ischemic strokes (p=0.006). Considering the age limit of up to 70 years, which is the criterion for brain-dead donors in Mongolia, out of the 42 ICH cases, 24 (57.1%) were male, and 18 (42.9%) were female (p=0.326). The mean age of these cases was 52.88±7.34, the mean GCS score at the time of hospitalization was 4.55±2.56, the mean NIHSS score was 31.5±7.81, and the mean volume of hematoma formed in 30 cases was 175.92±169.96 cm3 (each p<0.05). Mechanical ventilation durations occurred mostly in the first 0-2 hours and 2-6 hours (31% each), with the longest duration at 6-12 hours. Conclusion: Patients with ICH who present with poor mental status on hospital admission (GCS<7), severe stroke on clinical assessment (NIHSS>32), extensive cerebral hemorrhage on computed tomography (CT) imaging, and early requirement for mechanical ventilation have a high likelihood of progression to brain death. These patients therefore represent a significant potential pool of organ donors.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1588
Эшлэл
С.Дүүриймаа, Г.Үүрцайх, М.Нандинбаяр, О.Гансувд, Н.Лхамцоо. Тархины эдийн цус харвалтын улмаас нас барсан эмчлүүлэгчдэд тархины үхэлтэй боломжит донорыг судалсан үр дүн (Улсын Гуравдугаар Төв Эмнэлгийн жишээ дээр). Эрүүл мэндийн шинжлэх ухаан. 2026;22(1):134-138.