Loading...
КОВИД-19 вакцины (Pfizer-biontech) нэмэлт дархлаажуулалтын дараах эсрэг биеийн түвшин, хариу урвалыг үнэлэх эмнэлзүйн судалгаа
Зохиогч
Ж.Хулан
Б. Цэцэгсайхан
Д.Гантуяа
Он
2024 оны гуравдугаар сарын 20
Төрөл
journal article
Journal
Эрүүл мэндийн шинжлэх ухаан
Volume
20
Issue
3
Start Page
37
End Page
41
ISSN
2959-6947
Хураангуй
Үндэслэл: Монгол улсад насанд хүрэгчдэд 2022 онд КОВИД-19 халдварын (SARS-CoV-2) эсрэг вакцины дараах нэмэлт тунг (booster dose) суурь вакцины дархлааг сэргээх, вирусийн шинэ хувилбарт өртөх, өвчлөл хүндрэхээс сэргийлэх зорилготойгоор хийж эхэлсэн. Өнөөдрийг хүртэл КОВИД-19 өвчний эсрэг вакцины нэмэлт тун хийх зохистой хугацаа, зорилтот бүлэг, вакцины дараах дархлаа хадгалагдах хугацаа, нэмэлт тунгийн хариу урвалын талаар судлагдсаар байна. Австралийн Мурдокийн хүүхдийн судалгааны төвийн санхүүжилтээр Австрали, Монгол, Индонез гэсэн гурван оронд 2022-2025 онд суурь вакцины дараах дархлааг сэргээх зорилгоор Файзер (Pfizer-BioNtech) вакцины нэмэлт тунгийн дархлаажуулалтын дараах дархлаа тогтоц, аюулгүй байдал, хариу урвалыг үнэлэх эмнэлзүйн туршилт судалгааг зэрэг хэрэгжүүлж байна. Ингэхдээ Файзер (Pfizer-BioNtech) вакциныг хагас тунгаар хийхэд дархлаа тогтоох чадвар нь стандарт буюу бүтэн тунгаар хийсэнтэй ойролцоо үр нөлөөтэй байна гэсэн таамаглал дэвшүүлсэн. Уг таамаглалыг нотолсноор дархлаажуулалтын зардлыг хэмнэх, хүртээмжийг нэмэгдүүлэх чухал ач холбогдолтой юм. Зорилго: КОВИД-19 өвчний эсрэг Синофарм вакцины 2 тунд хамрагдсан хүмүүст Pfizer-BioNTech (BNT162b2, эсвэл Comirnaty) вакцины стандарт болон хагас нэмэлт тунгийн хариу урвал болон эсрэг биеийн түвшинг судлах. Арга, аргачлал: Судалгааг дан нууцлалтай, санамсаргүй хуваарилалттай, хяналттай эмнэлзүйн туршилт судалгааны загвараар хийсэн бөгөөд Синофарм вакцины 2 тунд хамрагдсанаас хойш 6 сар болсон насанд хүрэгчдэд Файзер вакциныг нэмэлтээр стандарт буюу бүтэн тун (30μg) болон хагас (15μg) тунг хяналтын болон туршилтын 2 бүлэгт хийж хариу урвал, эсрэг биеийн түвшинг вакцин хийлгэхийн өмнө, хийлгэснээс хойш 1 болон 6 сарын дараа дагаж судлан тодорхойлсон. Үр дүн: Судалгаанд орох шалгуур хангасан 399 оролцогчдод нэмэлт дархлаажуулалтын дараах үүссэн хэсгийн хариу урвал нь вакцины хагас болон бүтэн тунгийн дараа ойролцоо байсан (4/299 [1.3%]; ба 6/299 [2.0%]). Харин стандарт тун хийлгэсэн оролцогчдод хүнд хэлбэрийн урвал хүндрэл 60%, системийн хариу урвалын 72%; хагас тун хийлгэсэн оролцогчдод хүнд хэлбэрийн урвал хүндрэл 25%, системийн хариу урвал 32% илэрсэн. Нэмэлт тунгийн дараах дархлаа тогтоц нь хагас болон стандарт тунгийн хувьд ойролцоо буюу 84.7% (250/295) ба 86.6% (253/292) зөрүү багатай байсан нь статистикийн хувьд ач холбогдолтой байв. Дүгнэлт: Файзер (Pfizer-BioNtech) вакцины хагас тунгийн дараах дархлаа тогтоц стандарт тунтай ойролцоо үр дүнтэй, вакцины дараа илрэх хариу урвал бага байгаа нь цаашид Синофарм вакцины дараа нэмэлт дархлаажуулалтыг Файзер вакцины хагас тунгаар хийх боломжтойг харуулж байна.
Background: Additional or booster doses of Covid-19 vaccines are now used in most countries although data remain insufÏcient regarding optimal timing, target groups, duration of protection and safety. An additional dose of the vaccine against the covid-19 infection (SARS-CoV-2) boosts the immunity of the priming vaccine and to prevent the new emerging variants and severe illnesses. In addition, the fractional dose (Pfizer-BioNtech) booster shown to be equally effective, cost beneficial and improve access to the resource limited settings. Study immunogenicity as well as safety and reactogenicity of standard dose versus fractional doses of COVID-19 vaccine (Pfizer-BioNTech) given as a booster dose after priming with Sinopharm, AstraZeneca or Sputnik is carried in 3 countries including Mongolia, Australia and Indonesia. Aim: To assess the immune response measured as binding antibodies (IgG ELISA) following standard versus fractional doses of Pfizer vaccine given as a booster dose after primed with Sinopharm. Materials and Methods: The study is randomised, non-inferiority phase 3 trial comparing the immunogenicity, safety and reactogenicity of a BNT half-dose (15 μg) versus BNT full-dose (30 μg) doses of the Pfizer vaccine to levels Euroimmun S1 IgG ELISA was used to compare 2 tests before and 28 days after vaccination. This clinical trial is a single blinded, 1:1 randomized controlled study to assess Binding antibody by using Euroimmun S1 IgG ELISA following booster doses of SARS-CoV-2 vaccines both standard (30μg) and fractional doses (15μg) in adults. The research was started at the meeting of the research ethics control committee of MNUMS on September 23, 2022 (No. 3-08). Results: The 401 participants who met the criteria for the study were consented and 399 participants were participated in the study. Post-vaccination response rates were similar after fractional and standard dose vaccines, but the rates of severe reactions and systemic reactions (4/299 [1.3%] and 6/299 [2.0%]), respectively, were less pronounced in fractional dose participants (60%, 72% and 25%, 32%). Antibody level was similar in both groups. Seroresponse was 84.7% (250/295) and 86.6% (253/292) in the half-dose and full dose arms, respectively (Difference: −2.8%; 95% CI −7.7, 2.1) which was statistically significant. Conclusions: Therefore, Pfizer (Pfizer-BioNtech) half-dose vaccine elicits a similar immune response with fewer reactions, showing that Pfizer half-dose vaccine after Sinopharm vaccine is effective. As lowand middle-income countries where the Sinopharm (BBIBP-CorV®) vaccine is widely used and fractional dose regime can reduce the cost per dose.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1021
Эшлэл
Ж.Хулан, Б. Цэцэгсайхан, Д.Гантуяа. КОВИД-19 вакцины (Pfizer-biontech) нэмэлт дархлаажуулалтын дараах эсрэг биеийн түвшин, хариу урвалыг үнэлэх эмнэлзүйн судалгаа. Эрүүл мэндийн шинжлэх ухаан. 2024;20(3):37-41.