Loading...
Тархины эдэд нэгэн зэрэг олноор үүссэн цус харвалтыг судалсан үр дүн
Зохиогч
О.Дуламцо
Б.Түвшинжаргал
С.Дэмбэрэлдорж
Ц.Алтанцэцэг
Н.Лхамцоо
Он
2026 оны хоёрдугаар сарын 3
Төрөл
journal article
Journal
Эрүүл мэндийн шинжлэх ухаан
Volume
22
Issue
1
Start Page
139
End Page
144
ISSN
2959-6947
Хураангуй
Үндэслэл: Тархины эдэд нэгэн зэрэг олноор үүссэн цус харвалт (ТЭНЗОҮЦХ) гэдэг нь артерийн олон судасны бүсийг нэгэн зэрэг хамарсан тархины эдийн цус харвалт ба ховор тохиолдох эмнэлзүйн илрэл юм. Тархины эдийн цус харвалтын үндсэн шалтгаанд артерийн гипертензи тооцогддог бол ТЭНЗОҮЦХ-ыг үүсгэх шалтгаан, эрсдэлт хүчин зүйлс бүрэн тогтоогдоогүй нь энэхүү судалгааны үндэслэл боллоо. Зорилго: ТЭНЗОҮЦХ-ын эрсдэлт хүчин зүйлс, эмнэлзүй болон тавиланг нэг тооны цусан хураа бүхий тархины эдийн цус харвалт (ТЭЦХ)-тай харьцуулан судлах. Арга, аргачлал: Улсын гуравдугаар төв эмнэлэг (УГТЭ)-т ТЭЦХ оношоор хэвтэн эмчлүүлэгсдээс асуумж авч, үзлэг хийж, тархины компьютерт томографи (КТ) шинжилгээ хийсэн. Толгойн КТ-иар тархины эдэд үүссэн цусан хурааны тоо болон байршлаас хамааран нэг тооны цусан хураа үүссэн бол ТЭЦХ, өөр өөр артерийн судасны бүсэд хамрагдах, тусгаар байршсан 2 ба түүнээс дээш тооны цусан хураа үүссэн бол ТЭНЗОҮЦХ гэж үзсэн. Цусан хурааны байршил, эзлэхүүнийг КТ-иар тодорхойлсон ба цусан хурааны эзлэхүүнийг “ABC/2” аргаар хэмжсэн. Үр дүн: Судалгаанд хамрагдсан нийт 718 тохиолдлын 709 (98.75%) нь ТЭЦХ, 9 (1.25%) нь ТЭНЗОҮЦХ тус тус байсан. 2 бүлгийн хооронд нас, хүйс, эмнэлзүй, үүнд, эмнэлэгт хэвтэх КГҮ болон ҮЭМХХҮ-ний оноо, эрсдэлт хүчин зүйлс, цусан хурааны байршил, эзлэхүүн, SMASH-U ангилалаар шалтгаан, тавиланг шалгахад статистикийн ач холбогдолтой ялгаа илрээгүй (бүгд р>0.05). ТЭНЗОҮЦХ-ын бүлэгт SMASH-U ангилалаар артерийн гипертензийн шалтгаан 6 (66.7%) буюу давамгайлж, байршлын хувьд цусан хураа 2 талын таламус болон суурийн зангилаанд (33.3% ба 33.3%) хамгийн ихээр байршсан байв. 3 сарын дараах нас барах эрсдэлийг нас болон ҮЭМХХҮ-ний оноо (OR 1.018; 95% CI, 1.000-1.036; p=0.044 ба OR 1.080; 95% CI, 1.029-1.135; р=0.002) нэмэгдүүлж, харин КГҮ-ний оноо (OR 0.834; 95% CI, 0.734-0.948; р=0.006) бууруулдаг болох нь тогтоогдов. Дүгнэлт: ТЭНЗОҮЦХ-ын үеийн шалтгаан, эрсдэлт хүчин зүйлс, ХЧА ТЭЦХ-тай адил боловч урт хугацааны тавиланд нас болон эмнэлэгт хэвтэх үеийн ҮЭМХХҮ сөргөөр нөлөөлдөг байна.
Background: Simultaneous multiple intracerebral haemorrhages (SMICH) is hemorrhage in different arterial territories and are a rare clinical entity. The primary cause of single ICH is hypertension; however, the causes and risk factors of simultaneous multiple ICH are still unknown. Aim: To clarify the aetiology, risk factors and functional outcome of SMICH compared with solitary intracerebral haemorrhages (ICH). Materials and Methods: A total of 718 consecutive patients with spontaneous ICH admitted to our hospital were prospectively studied. Nine SMICH cases were identified, and 19 risk factors, clinical and neuroimaging variables were compared between SMICH and solitary ICH cases using the unpaired t-test, chi-square test, and multiple logistic regression. Results: 709 (98.75%) patients with ICH and 9 (1.25%) patients with SMICH were enrolled in the study. The age, sex distribution, and other associated risk factors were comparable between the groups (all P>0.05). By SMASH-U classification, arterial hypertension was identified in 6 (66.7%), and it was the most common cause in the SMICH group. Bilateral thalamic or putamenal haemorrhages (33.3% versus 33.3%) were the most common combinations of simultaneous bleedings. Age and NIHSS at admission were associated with 90-day mortality in multivariable analyses (OR 1.018; 95% CI, 1.000-1.036; p=0.044; versus OR 1.080; 95% CI, 1.029-1.135; p=0.002), but GCS was not (OR 0.834; 95% CI, 0.734-0.948; p=0.006). Conclusion: Patients with SMICH have risk factors and clinical characteristics similar to those of patients with solitary ICH, but they have a much poorer outcome.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1589
Эшлэл
О.Дуламцо, Б.Түвшинжаргал, С.Дэмбэрэлдорж, Ц.Алтанцэцэг, Н.Лхамцоо. Тархины эдэд нэгэн зэрэг олноор үүссэн цус харвалтыг судалсан үр дүн. Эрүүл мэндийн шинжлэх ухаан. 2026;22(1):139-144.