Loading...
Улаанбаатар хотын зарим дүүргүүдийн гэр хороололд амьдардаг 4-7 насны хүүхдийн хар тугалгын эрсдэлийн судалгаа
Зохиогч
Х.Хэрлэн
Э.Золжаргал
Э.Эрдэнэчимэг
Он
2021 оны арван нэгдүгээр сарын 1
Төрөл
journal article
Journal
Эрүүл мэндийн шинжлэх ухаан
Volume
17
Issue
8
Start Page
155
End Page
157
ISSN
2959-6947
Хураангуй
Үндэслэл: Хар тугалга нь босго хэмжээгүй бодис тул хүний биед бага хэмжээгээр агуулагдахад эрүүл мэндэд хортой нөлөө үзүүлдэг ба бага насны хүүхдүүд илүү өртөмхий байдаг. Бага насны хүүхдийн мэдрэлийн эрхтэн тогтолцоо бүрэн хөгжөөгүй байдаг улмаас энэ үедээ хар тугалганд өртөх нь оюуны хомсдол, сэтгэн бодох чадвар буурах, анхаарал төвлөрүүлэх чадвар алдагдах, зан үйлийн эмгэг үүсэхэд нөлөөлдөг. Арга, аргачлал: Чингэлтэй, Сүхбаатар дүүргийн гэр хороололд амьдардаг 4-7 насны хүүхдийг санамсаргүй түүврийн аргаар сонгосон. Цусан дахь хар тугалгын хэмжээг LeadCareII Analyzer Kit багажаар тодорхойлсон. Хүүхдийн хар тугалгын өртөлтийн зарим эрсдэлт хүчин зүйлийг тусгайлан боловсруулсан асуумжаар эцэг эх, асран хамгаалагчаас асууж судаллаа. Үр дүн: Судалгаанд 4-7 насны нийт 111 хүүхэд хамрагдсанаас цусан дахь хар тугалга (ЦХТ)-ын дундаж агууламж 5.67±2.43 мкг/дл, голч нь 5.1 мкг/дл, хамгийн их утга 15.8 мкг/дл байна. Судалгаанд хамрагдсан хүүхдүүдийн 51.8% нь цусан дахь хар тугалгын агууламж лавламж хэмжээнээс буюу 5 мкг/дл-ээс хэтэрсэн байна. ЦХТ-ын агууламж хүйсийн хувьд (р=0.019) статистик ач холбогдол бүхий ялгаатай байна. Дүгнэлт: Судалгаанд хамрагдсан хүүхдийн 51.8%-д нь хар тугалгын агууламж лавламж хэмжээнээс хэтэрсэн байгаа нь хүүхдүүд хар тугалганд өртөж байгааг харуулж байна. Ялангуяа эрэгтэй хүүхдүүд илүүтэй өртөж байна.
Background: Because lead is a non-threshold substance, small amounts of lead can be harmful to health and are more susceptible to young children. The nervous system of young children is not fully developed, to exposure to lead during this period can lead to neurological and neurobehavioral defects, lowered intelligence quotient (IQ), and developmental disorders. Materials and Methods: Children aged 4-7 living ger areas in Chingeltei and Sukhbaatar districts, selected at randomly. Blood lead levels were determined using the LeadCareII Analyzer Kit. Ask parents and guardians about some of the risk factors for exposure to lead in a specially designed questionnaire. Results: 111 children aged in 4-7 years were participated. The mean blood lead level (BLL) was 5.67±2.43 mg/dL, a median 5.1 mg/dL and 51.8% of the total children’s blood lead levels were above the reference value of CDC (5 μg/dL). BLL was statistically significant differences in the sex of the child (р=0.019). Conclusions: 51.8% of the total children’s blood lead levels were above the reference value of CDC (5 μg/dL). it indicates that children are exposed to lead. Especially the boys are more exposed than girls.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/506
Эшлэл
Х.Хэрлэн, Э.Золжаргал, Э.Эрдэнэчимэг. Улаанбаатар хотын зарим дүүргүүдийн гэр хороололд амьдардаг 4-7 насны хүүхдийн хар тугалгын эрсдэлийн судалгаа. Эрүүл мэндийн шинжлэх ухаан. 2021;17(8):155-157.