Loading...
Үйлчлүүлэгч төвтэй амбулаторийн тусламж үйлчилгээнд эмнэлгийн мэргэжилтэн үйлчлүүлэгчийн харилцааг судалсан нь
Зохиогч
Он
2026 оны хоёрдугаар сарын 3
Төрөл
journal article
Journal
Эрүүл мэндийн шинжлэх ухаан
Volume
22
Issue
1
Start Page
157
End Page
164
ISSN
2959-6947
Хураангуй
Үндэслэл: Сүүлийн жилүүдэд дэлхийн улс орнуудын эрүүл мэндийн байгууллагууд “эмнэлэг болон эмнэлгийн мэргэжилтэн төвтэй” үйлчилгээний арга барилаас татгалзан, үйлчлүүлэгчтэй зохицох барилдлагыг үүсгэж, эмнэлгийн тусламж үйлчилгээ авах үед болон эрүүл мэндтэй нь холбоотой шийдвэр гаргах явцад үйлчлүүлэгчийг оролцуулах улмаар архаг хууч өвчнөө идэвхтэй хянах үйл явцад үйлчлүүлэгчид туслан дэмжих арга барилд шилжиж байгаа нь энэхүү судалгааны үндэслэл болж байна. Зорилго: Төрийн өмчит болон хувийн хэвшлийн эмнэлгүүдийн амбулаторийн ”Үйлчлүүлэгч төвтэй” тусламж үйлчилгээг судлах. Арга, аргачлал: Энэхүү судалгааг эмнэлэгт суурилсан аналитик судалгааны агшингийн загварыг ашиглан тоон судалгааны аргаар хийж гүйцэтгэв. Төрийн өмчит болон хувийн хэвшлийн эмнэлгийн амбулаториор үйлчлүүлсэн 575 үйлчлүүлэгчийг судалгаанд хамруулсан. Үйлчлүүлэгч төвтэй амбулаторийн тусламж үйлчилгээг үнэлэхдээ “Үйлчлүүлэгч эмнэлгийн мэргэжилтний харилцан үйлчлэл”-ийн сэтгэл зүйн сорил асуумжийг (Patient-Professional Interaction QuestionairePPIQ) ашигласан. Энэ асуумж нь 16 асуулттай бөгөөд асуулт тус бүрийг 4 бүлэгт нэгтгэв. Нийт асуумжийн хувьд Кронбах α=0.929 байв. Үр дүнг SPSS-25.0 программ ашиглан үр дүнгийн статистик боловсруулалтыг хийж гүйцэтгэсэн. p утга 0.05-аас бага байх тохиолдолд ялгааг статистик үнэн магадлалтай гэж үзсэн. Үр дүн: Үр дүнтэй харилцааны дундаж оноо улсын эмнэлэгээр үйлчлүүлсэн үйлчлүүлэгчид 3.90 (SD=0.66) хувийн эмнэлэгээр үйлчлүүлэгчид 4.36 (SD =0.61) байв. Үр дүнтэй харилцааны дундаж оноо хувийн эмнэлэгт улсын эмнэлэгээс 0.46 оноогоор их байв (p<0.001). Үйлчлүүлэгчийн хүсэл сонирхлын дундаж оноо улсын эмнэлэгээр үйлчлүүлсэн үйлчлүүлэгчид 3.36 (SD=0.88) байсан бол хувийн эмнэлэгээр үйлчлүүлэгчид 3.93 (SD=0.80) байв. Үйлчлүүлэгчийн хүсэл сонирхолын дундаж оноо хувийн эмнэлэгт улсын эмнэлгээс 0.57 оноогоор их байгаа нь статистик ялгаатай байлаа (p<0.001). Эмпати дундаж оноо улсын эмнэлэгээр үйлчлүүлсэн үйлчлүүлэгчид 3.51(SD=0.79) байсан бол хувийн эмнэлэгээр үйлчлүүлэгчдэд 3.94 (SD=0.76) тус тус байлаа. Эмпати дундаж оноо хувийн эмнэлэгт улсын эмнэлгээс 0.43-р их байв (p<0.001). Үйлчлүүлэгчийн оролцооны дундаж оноо улсын эмнэлгээр үйлчлүүлсэн үйлчлүүлэгчид 3.56 (SD=0.87) байсан бол хувийн эмнэлгээр үйлчлүүлэгчид 4.11(SD=0.80) гэж үнэлэв. Үйлчлүүлэгчийн оролцооны дундаж оноо хувийн эмнэлэгт улсын эмнэлгээс 0.55 оноогоор их байв (p<0.001). Дүгнэлт: Төрийн өмчит болон хувийн эмнэлэгийн үйлчлүүлэгч төвтэй амбулаторийн тусламж үйлчилгээг харьцуулахад хувийн эмнэлгийн үр дүнтэй харилцаа, үйлчлүүлэгчийг сонирхох, эмпати, үйлчлүүлэгчийн оролцоо зэрэг бүх үзүүлэлтүүд их байгаа нь статистик бүхий ач холбогдолтой байна (P<0.001).
Background: In recent years, healthcare organizations worldwide have shifted away from clinicand medical professional-centered service delivery models toward more patient-centered approaches. These approaches emphasize personalized care, active patient engagement in medical decision-making, and support for patients in managing their chronic conditions. Aim: To study patient-centered care in outpatient services of public and private hospitals. Materials and Methods: A hospital-based analytical cross-sectional study design was employed using a quantitative survey method. A total of 575 patients who received outpatient care in public and private hospitals were included in the study. The Patient–Professional Interaction Questionnaire (PPIQ) was used to evaluate patient-centered outpatient care. The questionnaire consisted of 16 items grouped into four domains. The internal consistency of the instrument was high, with a Cronbach’s α=0.929. Data were analyzed using SPSS version 25.0. Statistical significance was set at p< 0.05. Results: The mean score for effective communication was higher in private hospitals 4.36 (SD=0.61) compared with public hospitals 3.90 (SD=0.66) with a mean difference of 0.46 points (p<0.001). The mean score for attention to the patient’s agenda was higher in private hospitals 3.93 (SD=0.80) than in public hospitals 3.36 (SD=0.88), showing a statistically significant difference of 0.57 points (p<0.001). Similarly, empathy scores were higher in private hospitals 3.94 (SD=0.76) than in public hospitals 3.51(SD=0.79), with a mean difference of 0.43 points (p<0.001). Patient involvement scores were also higher in private hospitals 4.11(SD=0.80) compared with public hospitals 3.56 (SD=0.87), indicating a statistically significant difference of 0.55 points (p<0.001). Conclusion: This study compared patient-centered outpatient care between public and private hospitals and found that all indicators-including effective communication, interest patient’s agenda, empathy, and patient involvement in care -were statistically significantly higher in private hospitals (p<0.001).
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1592
Эшлэл
С.Хишигтогтох, М.Еркебулан, П.Цэдэн, Н.Эрдэнэхүү. Үйлчлүүлэгч төвтэй амбулаторийн тусламж үйлчилгээнд эмнэлгийн мэргэжилтэн үйлчлүүлэгчийн харилцааг судалсан нь. Эрүүл мэндийн шинжлэх ухаан. 2026;22(1):157-164.