Loading...
Цусанд хар тугалгын хэмжээг тодорхойлсон экспресс аргачлалын үр дүн
Зохиогч
Н.Энхтуяа
Т.Оюунгэрэл
Ц.Ананд
О.Оюун-Эрдэнэ
Ш.Ган-Эрдэнэ
Д.Хулан
С.Өнөрсайхан
Он
2020 оны хоёрдугаар сарын 15
Төрөл
journal article
Journal
Эрүүл мэндийн шинжлэх ухаан
Volume
16
Issue
1
Start Page
98
End Page
102
ISSN
2959-6947
Хураангуй
Дэлхий нийтэд ялангуяа хөгжиж буй орнуудад хүрээлэн буй орны хар тугалгын бохирдол, түүний хүүхдийн эрүүл мэндэд үзүүлэх нөлөөлөл нь нийгмийн эрүүл мэндийн тулгамдсан асуудлын нэг болж байна. Хөгжингүй болон хөгжиж буй орны судалгаанаас үзэхэд хар тугалга агуулсан бензин, хар тугалга ашигладаг үйлдвэр хүрээлэн буй орчны хар тугалгаар бохирдох эх үүсвэр болдог байна. Сүүлийн жилүүдэд манай улсад үйлдвэрлэл хөгжиж, хотжилт эрс нэмэгдсэн бөгөөд Улаанбаатар хотын хүрээлэн буй орчны бохирдол жилээс жилд нэмэгдэж байна. Хот суурин газрын түгээмэл бохирдуулагчдад тоосонцор (PM), хүхрийн давхар исэл, дэгдэмхий органик нэгдлүүд, хар тугалга, нүүрстөрөгчийн дутуу исэл, нүүрстөрөгчийн давхар исэл, азотын ислүүд, озон зэрэг орно.2 Хар тугалга нь шатахуун, тугалган суурьтай будаг, лаазалсан хүнсний бүтээгдэхүүн, хүүхдийн тоглоом, гоёл чимэглэлийн зүйлс, хэвлэлийн бэх, аккумлятор болон ахуйн хэрэглээний сав суулга, хар тугалгын агууламж бүхий ус түгээх хоолой, төрөл бүрийн зай зэрэгт тодорхой хэмжээгээр агуулагддаг Зорилго: Захын цусанд хурдавчилсан аргаар хар тугалга тодорхойлсон үр дүнг статистик боловсруулалт хийх. Зорилт: Хөдөлмөрийн ялгаатай нөхцөлд ажиллагсдын цусанд хар тугалга тодорхойлох. Судалгааны материал, арга зүй: НЭМҮТ-ийн 2018 оны 05 сарын 31-ны өдрийн эрдмийн зөвлөлийн хурлаар захын цусанд хар тугалга тодорхойлох экспресс аргачлал (САЗ 08:2018)-ыг батлуулав. Нийгмийн эрүүл мэндийн Орчны эрүүл мэнд хор судлалын лабораторид 2018 оны 05-р сараас 2019 оны 10 сарын хооронд өөрийн хүсэлтээр ирсэн хүмүүсийн цусан дахь хар тугалгын хэмжээг дээрхи аргачлалын дагуу тодорхойлж, үр дүнг үндэслэн баримтын судалгаа хийв. Захын цусанд хар тугалга тодорхойлох аргачлалын үндэслэл нь Lead Care II багажаар хүний захын цусанд агуулагдах хар тугалгыг давсны хүчлээр ангижруулж, урвалаас үүссэн цахилгаан гүйдэлээр цусанд хар тугалгын хэмжээг тодорхойлно. Lead Care II багаж нь цусанд хар тугалгын хэмжээг 3.3-66 мк/дл-ийн хязгаарт тодорхойлдог ба мэдрэг чадварын алдаа 1 мк/дл зөөврийн багаж юм. Эдгээр шинжилгээ хамрагдсан хүний цусан дахь хар тугалгын хэмжээг АНУийн LEAD CARE II багажийг ашиглаж, батлагдсан аргачлалаар захын цусанд хар тугалгын хэмжээг тодорхойлж, үр дүнг Microsoft Exel 2010, SPSS 21 программаар статистик боловсруулалт хийв. Үр дүн: Шинжилгээнд нийт 22-52 насны 23 хүнийг хамруулсан бөгөөд хүмүүсийг нас хүйс, хувиар ангилж үзвэл 5 эмэгтэй буюу 21.7%, 18 эрэгтэй буюу 78.3% үүнээс уул уурхайн оператор 11 хүн (47.8%), хөдөлмөрийн хүнд, хортой нөхцөлд 12 хүн буюу 52.2% нь байсан. Багажны илрүүлэх хязгаараас бага гарсан дүнг 3.3 мк/дл-ийг хагас хэмжээгээр (1.65 мк/дл)-ээр тооцов. Шинжилгээ хамрагдсан 23 хүний цусанд хар тугалгын хэмжээг АНУ-ын Өвчний хяналтын урьдчилан сэргийлэх төвийн (CDC)-ын зөвлөмж хэмжээ (≤10 мкг/дл)-тэй харьцуулан судалж үзлээ. Уул уурхайн 11 операторын 6 хүн буюу 54.5% нь цусанд хар тугалгын хэмжээний дундаж хэмжээ 10,07 мкг/дл (хамгийн их утга 29,90 мкг/дл), хөдөлмөрийн хүнд, хортой нөхцөлд ажилладаг 12 хүний 3 хүн буюу 25% нь цусанд хар тугалгын дундаж хэмжээ 15,07 мкг/дл хэмжээтэй (хамгийн их утга 66 мкг/дл) байна. Дүгнэлт: Шинжилгээнд өөрийн хүсэлтээр хамрагдсан 23 хүний цусанд хар тугалгын хэмжээ дундаж хэмжээ нь 12.57 мк/дл хэмжээтэй гарсан болно. Уул уурхайн операторуудын цусан дахь хар тугалгын дундаж хэмжээ 10,07 мкг/дл хөдөлмөрийн хүнд, хортой нөхцөлд ажиллагсдын цусан дахь хар тугалгын дундаж хэмжээ 15,07 мкг/дл хэмжээтэй гарсан нь АНУ-ын Өвчний хяналтын урьдчилан сэргийлэх төвийн (CDC)-ын зөвлөмж хэмжээ (≤10 мкг/дл)-ээс тус тус их гарсан болно. Хөдөлмөрийн ялгаатай нөхцөлд ажиллагсад буюу хөдөлмөрийн хүнд, хортой нөхцөлд ажиллагсдын цусан дахь хар тугалгын дундаж хэмжээ, уул уурхайн операторуудын цусан дахь хар тугалгын дундаж хэмжээнээс 5 мкг/дл-ээс их буюу ялгаатай гарсан болно.
Objective: 1.Determination of the lead in the blood of employees in different working conditions. Result: Adopt an express method for determining lead in peripheral blood. Overall, 23 people aged between 22-52 participated in our study of Express Method for Determining Lead in Peripheral Blood (SOP 08: 2018). Among them, 18 participants were male and composed 78.3% of all participants, remaining 5 females made up the 21.7%. 11 out of all participants were mine operators (47.8%), average 10.07 μg/dl, while 12 were people working hazardous conditions (52.2%), average 15.07 μg/dl,, the one result that exceeded the instruments highest detection limit was estimated as 66 μg / dl, and the results less than the lowest limit was indicated to be half of that limit value of 3.3 μl / dL (1.65 μs / dL). We compared the blood lead levels of 23 individuals to the US CDC blood lead reference value (≤10 μg / dL). Shows that 6 of the 11 mining operators, or 54.4%, had the exposure to poisoning at some level (maximum value 29.90 mcg / dl). On the other hand, 3 out of 12 workers in hazardous and / or hazardous working conditions (25%) show relatively high levels of lead in the blood (maximum value of 66 μg / dL). According to the results of the study, the average blood lead level of people working in hazardous conditions was two times higher than that of the mining workers, which could be due to factors such as work environment, occupational safety and health. Conclusion: The average lead level in the blood of 23 tested individuals was 12.57 μg / dL, slightly higher than the US CDC blood lead reference value of slightly below 10 μg / dL. Among the 23 surveyed workers, 6 of the 11 mining operators, or 54.4%, average 10.07 μg/dl had the exposure to poisoning at some level (maximum value 29.90 mcg / dl). On the other hand, 3 out of 12 workers in hazardous and / or hazardous working conditions (25%), average 15.07 μg/dl show relatively high levels of lead in the blood (maximum value of 66 μg / dL) Average lead level in the blood of workers in hazardous, who works in hazardous working conditions was higher than in blood of mining operators by 5 μg/dl
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1374
Эшлэл
Н.Энхтуяа, Т.Оюунгэрэл, Ц.Ананд, О.Оюун-Эрдэнэ, Ш.Ган-Эрдэнэ, Д.Хулан нар. Цусанд хар тугалгын хэмжээг тодорхойлсон экспресс аргачлалын үр дүн. Эрүүл мэндийн шинжлэх ухаан. 2020;16(1):98-102.