Loading...
SARS-CoV-2 вирусын халдварыг илрүүлэхэд ашиглаж буй нуклейн хүчил ялгах аргуудыг харьцуулан судалсан нь
Зохиогч
Он
2022 оны дөрөвдүгээр сарын 28
Төрөл
journal article
Journal
Эрүүл мэндийн шинжлэх ухаан
Volume
18
Issue
1
Start Page
264
End Page
270
ISSN
2959-6947
Хураангуй
Урвуу транскриптазит бодит хугацааны полимеразын гинжин урвал (БхУТ-ПГУ)-аар SARS-CoV-2 вирусын халдварыг илрүүлэхэд цэврээр ялгасан нуклейн хүчлийн гарц өндөр, цэвэршилт сайн, саатуулагчийн агууламжгүй байх зэрэг нь шинжилгээний хариу алдаагүй, үнэн зөв гарахад чухал ач холбогдолтой.1 Манай орны эмнэлзүйн молекул оношилгооны практикт вирусын нуклейн хүчлийг цэврээр ялгах хэд хэдэн үйлдвэрлэгчдийн ялгаатай цомог, төхөөрөмжүүдийг ашиглаж байна. Бид ийнхүү өөр өөр нуклейн хүчил ялгах аргуудыг ашиглах нь шинжилгээний үр дүн ба оношийн үл тохироонд нөлөөлөх хүчин зүйл болох боломжтой хэмээн таамаглаж энэхүү судалгааг хийлээ. Судалгааны ажлын зорилго нь Улаанбаатар хотод үйл ажиллагаа явуулж буй эмнэлзүйн лабораториудад SARSCoV-2-ийг илрүүлэхэд ашиглаж буй нуклейн хүчил ялгах аргуудыг харьцуулахад оршино. Судалгаанд SARS-CoV-2 эерэг 13, сөрөг 1 сорьц ашигласан. Бид хаалттай систем бүхий 5 ялгаатай автомат нуклейн хүчил ялгах төхөөрөмжүүдээр ялгасан нуклейн хүчилд хийгдсэн бхПГУ-ын шинжилгээний үр дүн ба Cт утгыг харьцуулсан. Статистик боловсруулалтанд ROC муруйн анализ, Фриедманы тест ба Манн Увитней Ю тест ашиглав. М12 аргаар ялгасан нуклейн хүчлийн сорьцуудад SARS-CoV-2-ийн бай дарааллуудын Cт утга харьцангуй бага тодорхойлогдсон. ROC муруйн анализаар сорьцын хариу ба ялгасан нуклейн хүчилд хийгдсэн бх-ПГУ-ын үр дүн судлахад M12 (AUC=1.00; 95% ИИ, 0.968-1.00) ба S48 (AUC=0.991; 95% ИИ, 0.951-1.00) аргууд харьцангуй өндөр нийцэмжтэй байлаа. Бидний судалгааны үр дүн M12 ба S48 аргуудаар ялгасан нуклейн хүчилд бх-ПГУ-ын Cт утга бага, AUC харьцангуй өндөр буюу уг аргууд нь өндөр үр ашигтай байгааг харуулж байна. Судалгаагаар харьцуулсан нуклейн хүчил ялгах аргуудын үр ашиг ялгаатай байгаа нь өөр өөр нуклейн хүчил ялгах арга ашиглах нь шинжилгээний үр дүнд нөлөөлөх хүчин зүйл болж буйг харуулж байна.
Background: The reverse-transcription real time-PCR (rRT-PCR) performance has significantly relate with the efÏciency of the viral RNA extraction procedures, yield and purity of nucleic acid and presence of contaminations. In our country, there are various type of nucleic acid extraction methods has applicating for SARS-CoV-2 detection. We hypothesizing the differences of the methods can be the affect as a factor for the result of the test and it`s missing. Aim: The aim of this study was to compare some of the nucleic acid extraction methods used for SARS-CoV-2 detection of clinical laboratories in Ulaanbaatar city. Materials and Methods: Thirteen SARS-CoV-2 positive, one negative nasopharyngeal samples have enrolled in the study. We compared Ct value and qPCR test results of nucleic acid sample, which extracted by five different automated nucleic acid extraction system with the closed-source with their kits. For the statistical analysis, ROC curve analysis, Friedman`s test and Mann Whitney test has performed. Results: The Ct values of amplification on nucleic acid samples extracted by M12 method, was significantly lower comparing with others. According to ROC curve analysis, under area the curve (AUC) were significantly higher for the M12 (AUC=1.00; 95% CI, 0.968-1.00) and S48 (AUC=0.991; 95% CI, 0.951-1.00). Conclusion: Our finding suggests that the M12 and S48 have high efÏcient with lower Ct value and higher AUC. Also, difference between efÏciency of the nucleic acid extraction methods, can be affect as a factor for the detection of SARSCoV-2.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/591
Эшлэл
Ж.Тэмүүлэн, Г.Чимэдлхамсүрэн, Ц.Наранзул, Б.Номин-Эрдэнэ, Э.Ариунгэрэл, Н.Тэмүлүн нар. SARS-CoV-2 вирусын халдварыг илрүүлэхэд ашиглаж буй нуклейн хүчил ялгах аргуудыг харьцуулан судалсан нь. Эрүүл мэндийн шинжлэх ухаан. 2022;18(1):264-270.