Loading...
Жирэмсэн эмэгтэйчүүдэд Б бүлгийн стрептококкийн колонизацийн тархалт, нөхөн үржихүйн байдлыг судалсан нь
Зохиогч
Он
2024 оны арван нэгдүгээр сарын 7
Төрөл
journal article
Journal
Эрүүл мэндийн шинжлэх ухаан
Volume
20
Issue
7
Start Page
43
End Page
48
ISSN
2959-6947
Хураангуй
Үндэслэл: БНХАУ-д эхийн эндэгдэл 2021 оны байдлаар 100.000 амьд төрөлтөд 18.3, Өвөр Монголын Өөртөө Засах оронд 13.08 тохиолдсон байна. Эхийн эндэгдлийн шалтгаанд төрсний дараах үжил халдвар 3 дугаар байранд, харин нярайн эндэгдлийн тэргүүлэх шалтгааныг эзэлж байна. Өвөр Монголын Өөртөө Засах оронд 2021 оны байдлаар нярайн эндэгдлийн тохиолдол 1000 амьд төрөлтөд 3.5, нярайн үжил халдварын тохиолдол 1000 амьд төрөлтөд 25.6 тохиолдож, нярайн эндэгдлийн шалтгааны 20-30%-ийг эзэлж байна. Өвөр Монголын өөртөө засах оронд жирэмсний 35-37 хоногийн хугацаанд Б бүлгийн стрептококкийн колонизацийг үтрээ-хошногоны арчдаснаас илрүүлж, үр дүнг тооцсон судалгааны ажил одоо хүртэл хийгдээгүй байгаа нь энэхүү судалгааг хийх үндэслэл боллоо. Зорилго: Жирэмсэн эмэгтэйчүүдэд Б бүлгийн стрептококкийн колонизацийн тархалт болон жирэмслэлт, төрөлт хоорондын хамаарлыг судлах. Арга, аргачлал: БНХАУ-ын Өвөр Монголын Өөртөө Засах орны Улаан хад эмнэлгийн жирэмсний хяналтад 2019-2023 оны хамрагдсан, жирэмсний тээлтийн 35-37 хоногийн хугацаатай 1782 эмэгтэйчүүдэд Б Бүлгийн стрептококкийн колонизаци илрүүлэх шинжилгээг үтрээ-хошногоноос савхаар арчдас авч хийсэн. Үтрээ-хошногоноос авсан арчдасыг Б бүлгийн стрептококкийг өсгөвөрлөх тусгай луувангийн тэжээлт орчинд тарьж, 24-48 цагийн турш өсгөвөрлөн, сорьцноос стрептококкийн ДНХ-ийг ялгаж, нуклеотидийн дараалал тогтоох секвенсийн шинжилгээг хийсэн. Судалгаанд хамрагдсан жирэмсэн эмэгтэйчүүдийн нийгэм эдийн засаг, газар зүй, боловсрол, эх барихын асуумж, төрсний дараах үр дүнг судалсан. Үр дүн: Жирэмсний 35-37 хоногийн хугацаанд үтрээ-хошногоны арчдаст Б бүлгийн стрептококкийн колонизаци жирэмсэн эмэгтэйчүүдэд 4.9% (n=87) илэрсэн. Б бүлгийн стрептококкийн колонизаци 30-34 насны жирэмсэн эмэгтэйчүүдэд 42.2% (9.4, 95% CI: 8.5–10.4%), 25-аас доош насны жирэмсэн эмэгтэйчүүдэд 6.4% (7.5, 95% CI: 6.3–8.6%) тохиолдсон байна. Давтан төрөгч (p=0.003), олон төрсөн (p=0.002), үр хөндөлт (p=0.001) нь Б бүлгийн стрептококкийн колонизаци үүсгэх эрсдэлт хүчин зүйлс болж байв. Дүгнэлт: БНХАУ-ын Өвөр Монголын Өөртөө Засах Орны Улаанхад аймгийн их сургуулийн Хараат эмнэлгийн төрөх тасагт 2019-2023 оны хугацаанд төрсөн жирэмсэн эмэгтэйчүүдэд Б бүлгийн стрептококкийн колонизацийн тархалт, тохиолдол дэлхийн дунджаас дөрөв дахин бага, харин Хятад улсын төвийн болон өмнөд бүсийн нутгийн тархалттай ижил түвшинд байна. Төрөлтийн тоо сүүлийн 5 жилийн хугацаанд буурсан боловч жирэмсэн эмэгтэйчүүдэд Б бүлгийн стрептококкийн тохиолдол жил ирэх тутам нэмэгдэх хандлагатай байна. Жирэмслэлт, төрөлт, үр хөндөлтийн давтамж үтрээ хошногонд Б бүлгийн стрептококкийн колонизаци үүсэхтэй шууд эерэг хамааралтай байна.
Background: Group B Streptococcus (GBS) colonization in pregnant women is a risk factor for causing infection in neonates; therefore, GBS screening tests are performed on them. Aim: To study the prevalence and reproductive health status of group B streptococci (GBS) in Inner Mongolian Chinese pregnant women and associated risk factors. Materials and Methods: One thousand and seven hundred eighty two women attending antenatal outpatient/inpatient department between 35-37 weeks of gestation were enrolled in the study. All enrolled subjects were assessed by demographics, socio-economic characteristics, education, obstetric history and clinical outcome. Two cotton swabs each from lower vagina and rectum were collected and plated on selective solid media CHROM agar Strept B (CHROMagarTM) and selective Enrichment Broth LIM Ramba QUICK StreptB broth (CHROMagarTM). All presumptively identified GBS were confirmed as group B streptococcus by bacteriological analysis. Results: The recto vaginal colonization rate of GBS in this study was observed as 4.9% (n=87). The highest prevalence was found in the “30-34 years” age group (9.4, 95% CI: 8.5–10.4%), while the lowest prevalence was found in the “younger than 24 years” age group (7.5, 95% CI: 6.3–8.6%) based on the PCR method. GBS colonization was significantly associated with nulliparous women (p= 0.003), abortion (p=0.001) and number of pregnancy (p=0.002) GBS urinary tract infections was also seen more commonly in women with GBS rectovaginal colonization (p=0.002). Conclusion: The incidence and prevalence of group B streptococcal colonization among pregnant women born between 2019 and 2023 at the Chifeng University AfÏliated Hospital in Inner Mongolia, China, is comparable to the prevalence in central and southern China, but four times lower than the global average. The incidence of group B streptococcus in pregnant women seems to increase every year, even if the number of newborns has declined over the past five years. The frequency of pregnancy, delivery, and abortion is positively correlated with the incidence of group B streptococcal colonization.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1135
Эшлэл
А.Урьхан, Б.Дамдиндорж, Б.Жаргалсайхан. Жирэмсэн эмэгтэйчүүдэд Б бүлгийн стрептококкийн колонизацийн тархалт, нөхөн үржихүйн байдлыг судалсан нь. Эрүүл мэндийн шинжлэх ухаан. 2024;20(7):43-48.